西伯利亞 萬里長征(7) – 貝加爾湖的明珠 奧爾洪島(Olkhon Island)

俄羅斯西伯利亞 貝加爾湖 – 奧爾洪島(Olkhon Island)

奧爾洪島(Olkhon Island)位於 貝加爾湖中心的最深水處，是湖中第一大島，從伊爾庫次克乘車去大約須要6~8hr，島上風光明媚，屬於俄羅斯國家公園的一部分，是遊貝加爾湖必然之選。

島上的酒店和餐廳全部集中在西部的 胡日爾村(Khuzhir)，那裡亦是島上觀賞日落的最佳地點。

西伯利亞 萬里長征 – Day 8

<<奧爾洪島(Olkhon Island)>>

昨天Check-in時同老闆娘Book了今日到島上北部Cape Khoboy的一日團，乘車到Cape Khoboy，再乘船回到酒店，每位RUB 2500，10:00出發。酒店的早餐由09:00開始供應，老闆娘話食完早餐後出團時間佷Perfect。

我們約08:50去到餐廳，同老闆娘Double Confirm今天的行程，點知原來佢忘記了幫我們留位，佢老公(即係老闆)便立即替我們打電話留位，但那團已經Full了，只有先乘船到Cape Khoboy再乘車回酒店的團還剩2個位，不過要09:00出船，老闆便立即幫我們Hold住隻船，車我們到Shaman Rork上船。

老闆娘極快手地為我們包了些早餐上船食，有麵包香腸Pancake等等。

老闆很快便車我們去懸崖頂，再帶我們快步行落Shaman Rock旁邊上船。

09:20看到隻船泊岸放梯給我們上船，是隻最多載10人的遊艇。

原來隻船09:00已經出發了，只是收到老闆電話才回來接埋我們。

順利出船了，可以從另一角度看Shaman Rock。

Olkhon Island的對面岸，盡是荒蕪之地。

大鳥們好似未食早餐，不停繞住隻船吖吖大叫，好變態。

坐船確實比坐車舒服得多，而且可以從不同角度欣賞Olkhon Island，難怪比來回都坐車貴RUB 1400。

Cape Sagan Khushun (мыс Саган-Хушун) – 從不同的角度可以清楚看到這 三兄弟岩石。

根據導遊吹水，遠古時的國王有3子1女，公主有天忽然和另一男子私奔，國王下令三兄弟把公主捉回來，但三兄弟最後心軟放走了公主，國王便把三兄弟變成石頭，放在湖邊食西北風。

吹完一輪水差不多12:00了，導遊到船艙煮魚湯，船亦停在湖上休息。

團友們全是俄羅斯人，一齊坐到船艙等開餐。午餐只有魚湯和麵包，但一定夠飽。

OMUL魚湯 – 魚肉和湯都很鮮甜，加了大量薯仔和雜菜，很美味。

食完飯又再開船，繞過島上最北端的岩石Khoboy。

Cape Khoboy – 遠望是塊90度垂直的岩石。

再繞過另一景㸃Cape Left Shuntae (мыс Шунтэ-левый)

14:00遊船在Uzur(Узур)泊岸了，在這裡交換乘客，今早10:00出車那團便在這裡上船回程。



Uzur (Узур)是懸崖下石灘旁的村莊，在這裡停留20min。

跟著上這部麵包Van，dun到骨都散。

Cape Left Shuntae (мыс Шунтэ-левый) – 從陸地上看又唔同Feel，這個團貴啲都值得。

Cape Khoboy (мыс Хобой) – 從梵文彩布起㸃行到懸崖都要15min，汽車不準駛人，而且段路要上上落落，不過風景好好。

Cape Sagan Khushun (мыс Саган-Хушун (Три Брата) – 這角度睇真係唔似三兄弟，只似三塊石頭。

探完三兄弟便回程了，回程段路又上又落路又爛真係un得好勁差一點頂唔順。

 Modoto Island and Edor Island – 回到胡日爾之前經過湖中2塊石，話似䲔魚同獅子喎。

Modoto Island – 近距離都有少少似䲔魚。

18:40才回到酒店，都玩了9.5hr包埋食都係RUB 2500唔算貴，如果來回都坐車只係玩7hr，但收RUB 1100，仲抵，不過唔能夠從海上看懸崖。

今晚會到排名Number Two的餐廳食飯，位於大馬路超級市場附近。

胡日爾村內的紀念銅像，背後便是大型超級市場。

Cafe Kudesnitsa – 胡日爾 排名Number Two的餐廳，外觀幾靚，但食物很差。

Mulled Wine (RUB 150) – 彷製紅酒，用提子汁、櫻桃汁、蘋果汁、康乃馨和肉豆蔻粉調配，味道很古怪。

Baikal Whitefish<SIG> (RUB 300) – 生吃湖魚，不是十分新鮮，味道淡淡唔多好食。

Smoked OMUL Soup (RUB 170) – 魚肉唔新鮮唔好食，湯底嘛嘛，唔掂。

Chicken Soup (RUB 130) – 這個湯仲衰，完全唔熱，連暖都講唔上，味道普通，渣到暈。

OMUL fish ball (RUB 280) – 白汁燜魚肉丸，魚肉唔新鲜，唔好食。

Fried Photo (RUB 100) – 最正常呢碟，好食不過多油。

食完飯見滿天烏雲，應該睇唔到日落，所以回酒店瞓覺了。2日後遇到一位獨行香港美少女，才知道這晚雖然看不到太陽，但那些雲像血色一樣紅，走寶了。

回到酒店後和老闆娘再三Confirm了明日去Ogoi island and Holly Spring的團，佢拍心口拍到PangPang聲話冇問題我才放心。跟著把儲了多日的衫拿給酒店洗，足足6kg衫只收了RUB 200，平到笑。

西伯利亞 萬里長征 – Day 9

今天早些少起身，食早餐前出Shaman Rock行個圈，早上乜人都冇非常清靜，而且藍天和陽光都好靚。

 晨早的 胡日爾村

晨光下的 奧爾洪島Shaman Rock和懸崖

08:45回到酒店食早餐，餐廳望晒整條村都好靚呀。

早餐是房租包埋的，十分豐富好味。

新鮮的士多啤梨果醬和香蕉小麥粉粥，幾好味的。

Homemade香蕉蛋糕 – 夠新鮮，好味道。

奄列多士一般水準；Cappuccino (RUB 150)就比較流，而且要收費的，Order時又唔講早餐只包茶唔包咖啡，唔好囉。

食完早餐老闆又車我們到碼頭，碼頭距離酒店1.2km。

今天參加了Ogoi island and Holly Spring一日遊，每位RUB 1800，玩足9.5hr包午餐，會乘大船到湖上其他小島，是島上第二熱門的Tour。

碼頭旁的廢屋，老闆講了些她的故事，但聽唔明。

補充資料 :

1.)      USD 1 兌 RUB 58.6 (當地銀行現金兌換價)，即太約 HK$1 = RUB 7.48。

2.)      Guesthouse Voskresenie有洗衣服務，收費每袋(冇講幾多)RUB 150，我拿了一大袋最少6kg也只收了RUB 200。

3.)      在奧爾洪島通常會參加Local Tour，最常出到團的Tour是遊北部Cape Khoboy(乘船去再乘車返RUB 2500；來回坐車RUB 1100)、遊外島Ogoi island and Holly Spring 收RUB 1800和遊南部Lake Nuku-Nur收RUB 1200，其他團很難夠人出。

4.)      Nikita’s Homestead的Local Tour行程種類最多和最平，亦最大機會出到團，而且還請了一位能講流利英文的俄國美少女做Tour Manager，就算唔响度住都應該來這裡報團。

5.)      島上的路凹凸不平而且高高低低，不適合踩單車，高手例外。

---待續---