2017年12月8日

西伯利亞 萬里長征(10) – 貝加爾湖伴小鎮Listvyanka (Листвянка)

俄羅斯西伯利亞 貝加爾湖伴的小鎮Listvyanka (Листвянка)

俄羅斯小鎮Listvyanka (Листвянка)位於 伊爾庫次克東南約72km的貝加爾湖(Lake Baikal)湖伴,是西伯利亞最旅遊化的小鎮,在那裡可以近距離接觸 貝加爾湖,也可以一嚐多類湖魚。如果時間緊迫不能到Olkhon Island,這裡很適合即日來回 伊爾庫次克的旅客。



西伯利亞 萬里長征 – Day 11
<<奧爾洪島(Olkhon Island)>>
昨天早上在大街買了今早08:00出發的小巴往 伊爾庫次克,再Book了的士今早07:30Mini Hotel Baikal接我們去小巴站,但的士司機放飛機沒有來。好彩我都預了啲蘇聯佬有可能放飛機,所以Book07:30,過了2min唔見有車便立即自己行路去。

蘇聯佬真死懶,1.2km車收RUB 200都唔賺。

揹著17kg大背包行1.2km去小巴站,行到我標晒汗。


行了15min已經差不多全身濕透了,這時特然有部駛過的車停了在我面前,原來是昨天賣巴士票給我和幫我Book的士的職員,佢見的士放了我飛機咁衰,便免費車我們去小巴站,雖然只是最後300m,都好過冇啊,


小巴08:00準時出車,去伊爾庫次克每位RUB 527,大行李每件另收RUB 100


很快來到Olkhon Island碼頭,今日冇車排隊,第一班船便可以離開。


在這中途站休息25min,今朝未食早餐,便在這裡吃些東西。


羊肉蒙古蒸包子(每隻RUB 45) – 肉味很濃肉汁飽滿,還加了黑椒,好好味,早知要多4隻。


傳統俄羅斯雪糕(RUB 50) – 香滑之餘奶味又濃,正嘢。




<<伊爾庫次克>>

小巴13:30到達 伊爾庫次克的小巴站Автовокзал,行600m便是Tourist Information OfficeLonely Planet話,Tourist Office門口每小時有1班小巴開往Listvyanka,於是我又揹著大行李行去Tourist Office,烈日當空都幾惡頂。

伊爾庫次克的小巴站Автовокзал


短短600m的路程,路過東正教堂和伊爾庫次克的特色木屋。


Tourist Information Office – 由西伯利亞傳統木屋改建而成,內有很多免費旅遊資料,職員會説英文。


去到了Tourist Office門口,但見不到小巴站,於是行入Tourist Office問問職員,他們說小巴站位置在我剛才落車的地方隔離個公園外,每位RUB 120。今次被Lonely Planet老㸃了,白白揹住大行李行多了20min

行到公園前的小巴站已經有人等緊車,和等車的人Confirm 了真係去Listvyanka的車之後,便站著一起等......等等等......20min後還未有車,隨時等超過1小時都唔出奇,隻腳已經好攰了。

這時,有個的士司機主動過來兜客,開價RUB 1600Listvyanka,成72km又唔貴喎,成交。


的士都幾殘舊,又冇冷氣,車頭玻璃都裂了。


的士14:05開車,15:15便到達Listvyanka的民宿Olga's Baikal Guesthouse Listvyanka,比繼續等小巴最少快1hr到民宿,呢程的士抵坐。



<< Listvyanka (Листвянка)>>

Olga's Baikal Guesthouse Listvyanka – 當地的民宿,是間傳統的木屋,屋後是大片農田。


民宿的主人是位婆婆,佢就住樓上,租客住樓下。


雙人房(包早餐)每晚RUB 2100 – 共享厠所和浴室,冇冷氣風扇,不過夜晚很涼。


婆婆預備了些簡單的下午茶給我們,在這裡enjoy一陣至出外行街。


從民宿行5min便到湖邊,湖邊有個長長的小石灘,沿湖是行人路和大馬路,一眼見晒。首先沿著行人路行吓街。


很多旅客在湖邊游水曬太陽,氣氛很悠閒。


西伯利亞動物園(入場費RUB 200) – 見可以和動物零距離接觸,入去參觀一下。


動物園很細動物亦少,不過全部都可以入去同佢哋玩的。


小太熊見到有隻小黑熊,很開心地走入籠想同佢影相。


小黑熊見到有同類走入籠內同佢玩佢仲開心,快步跑過去熊抱著小太熊隻腳,嚇到小太熊走都走唔切,大叫「唔要呀唔要呀,走呀,你好濕呀」。


小黑熊轉個身又過來同我玩,仲攻擊我要害添,喂!玩時玩小心呀大佬。


由於小黑熊玩得太激進,工作人員見狀立即進籠把牠按在地上我們才能脫身,險呀。

行到落湖邊,見到很多賣烤肉啤酒的小食檔,賣相吸引,不過要留肚食晚飯。


除了可以在湖邊曬太陽,亦可以遊船河,黃昏時段很多人在街上Sell船河票。


不知不覺間已經行到最旺的地區,攤檔、露天市集、街市、小巴、船河等等也集中在這𥚃。粉紅色那座是小鎮最大的酒店Mayak Hotel


Baikal Market – 很旅遊化的Local Market,全部都是賣當地的土產,有蜂蜜、水果、蔬菜等等。


最多是賣 貝加爾湖出產的魚乾,大部分已經過風乾或是煙燻處理,而且已經調味,可以即買即食。


煙燻貝加爾湖Omul(RUB 200) – 魚肉不太硬,油份豐富,煙燻味很香,淨食有些偏咸,適合用來送啤酒。


Mayak Hotel – 頂層是餐廳酒吧,景觀全鎮最好,上去嘆陣先。


在這裡可以望到Listvyanka的全景,飲杯嘢好舒服。


這裡只有俄文menu

Krusovice麥啤500ml ( RUB 180) ; Mayak特飲(RUB 250) – 用士多啤梨、香蕉、 梨子汁和檸檬汁混製而成,調得幾清新,唔係太甜很消暑。


貝加爾湖魚刺身三拼(Сагудай Ассорти)(RUB 810) – 有齊OmulGraylingWhitefish,非常鮮美有口感,魚油很豐富,是高品質的地道白身魚刺身,值得一試。


俄式焗豬肉(свинина по-деревенски) (RUB 480) – 喜出望外的一道菜,居然好好味,豬肉有豬肉味又嫩,加入了很多磨菇洋蔥香草芝士等配料一同烤焗,十分美味。


原本只打算飲杯嘢,現在已經飽了一半,陣間仲要去Lonely Planet推介的餐廳吃Omul,太飽了。

跟著和小太熊在湖邊散散步,睇埋個日落便去食晚飯。


Proshly Vek (Прошлый век) – Lonely Planet推介,話這裡是Listvyanka最有特色的餐廳,有英文menu


可口可樂200ml (RUB 80) – 剛才飲了啤酒,今餐飲汽水算了。


Fish Solyanka (Spicy Soap with lemon)(соля́нка)(RUB 560) – 酸辣魚濃湯,用大量酸黃瓜煮成的是傳統俄羅斯湯,又酸又濃又辣,湯內魚肉好唔新鮮,又鞋又冇味,唔係好掂。


Fired Omul (RUB 420) – 入口就知條魚死咗好很耐,完全rubbish


Fish with Mushroom by Old Russian Way(RUB 490) – 製法和剛才吃的豬肉差不多,但味道就差得遠,呢碟只係勉強入得口。

Lonely PlanetPK,成日老㸃,應該是收了錢才推介的。





補充資料 :

1.)      USD 1 RUB 58.6 (當地銀行現金兌換價),即太約 HK$1 = RUB 7.48

2.)      Olkhon Island胡日爾的大街上有小巴往返伊爾庫次克,車費每人只要RUB 527,每件大行李另加RUB 100。早上從07:00起每小時一班車。

3.)      乘的士從 伊爾庫次克到Listvyanka72km距離收費RUB 1600,車程約70min





---待續---

12 則留言:

  1. 回覆
    1. 係呀,這小鎮算是西伯利亞最悠閒的小鎮。

      刪除
  2. 咁又有D 驚既, 始終唔熟性

    回覆刪除
    回覆
    1. 好彩佢玩得有分吋,明顯冇申啲利爪出來,否則都非常大鑊😖

      刪除
  3. D 資料係咁架啦, 而且當地D野成日唔同, 不過背著重行李就慘D

    回覆刪除
    回覆
    1. 其實都係好少事啫,只要平平安安冇病冇痛繼續行程,已經是最Perfect 了。

      刪除
  4. 隻熊仔好活潑,和你要害say “hi”. ;)

    回覆刪除
  5. Listvyanka 旅遊業發展得幾好啊!
    原來咁近伊爾庫次克

    回覆刪除
    回覆
    1. 果度完全是個旅遊小鎮,如果想去貝加爾湖又唔夠時間去Olkhon Island,去Listvyanka是唔錯的選擇。

      刪除