芬蘭Naantali姆明村 – 慈祥的姆明爸爸
Radisson Blu Plaza的早餐非常豐富又好食
我食完都要自制多杯鮮果乳酪
食到08:40慢慢行去隔離火車站,乘09:02 – 11:00班次火車去Truku。
到Truku火車站後,跟Lonely Planet地圖行15m in便到Hansa Shopping Arcade對面的No.11和No.110巴士站。
11:25有巴士了,只30min便去到總站Naantali,巴士司機指了個方向,行多25min便到姆明村(Moomin World)。
河馬姆明是芬蘭的童話小說,是每個芬蘭人都讀過的故事,香港的卡通叫做「小肥肥一族」,姆明家族住在芬蘭森林裏的姆明村,個個都身形圓潤,好鬼死可愛。
這姆明村的彷真度有近9成,幾隻河馬都人見人愛。
12:15終於行到去村口,每人要放低€ 17才可入村。可能今日係第一日開放,好多小攤位都冇開檔,劇場亦冇節目,不過冇所謂啦,個個來呢度都係想探吓「小肥肥一族」啫。
這姆明媽媽的廚房,其實係餐廳。
估唔到今日咁多人,有三成係BeeB黎架。
這是由姆明爸爸和姆明媽媽親手建造的 – 姆明屋。
史力奇 – 他是阿美的哥哥,又是姆明的朋友,喜歡綠色的草衣和草帽。他喜薑旅行;冬天他會前往南方探險,等到春天他又會返姆明村。他喜歡和其他人講故事吹水。
科妮 – 她是姆明的女朋友,性格溫柔。
姆明爸爸 – 他的脾氣很好,平日喜歡待在屋中陽台抽煙。他在孤兒院長大,經歷過不少驚險的冒險旅程。他最喜歡駕船出海,面對風暴與大海。姆明屋是他和姆明媽媽親手建造的。
姆明媽媽 – 她和藹可親,非常好客,最擅長烹飪。腰間常圍着圍裙,手提袋總是不離手。
姆明 – 姆明爸爸的獨生子,心地善良、勇敢,又有點天真及儍瓜。他的女朋友是科妮,史力奇是他最好的朋友。
12:30姆明一族齊集姆明屋門口和小朋友玩遊戲。
嘩!圍觀的大都份係 芬蘭BeeB,個個眼仔碌碌又靚又可愛。
姆明爸爸老了,和小朋友玩時整親腰骨。
姆明媽媽睇到好担心啊!
連科妮都有啲驚
阿美主持第二個遊戲
今次輪到 姆明媽媽輸咗比人啊!
姆明媽媽和科妮都很喜歡小朋友
玩完遊戲,入姆明屋參觀一吓。姆明屋有4層樓高,姆明一家都住响度。屋內放了 姆明爸爸和姆明媽媽的結緍相。
又可買條生香腸自己燒(每條€ 1.7),有兔費柴火和燒烤义。
响-5℃ 的冰天雪地下燒香腸,絕對是難得的體驗。
食完香腸,行過隔離便是姆明爸爸的大船了,姆明爸爸最喜歡駕船出海,面對風暴與大海。
湖上的雪橇,要好大力至推得郁架,小太熊一個都推我唔郁,要另一個芬蘭大隻佬幫手至推得郁。幾好玩的,但. . . . . 要同BeeB爭嘢玩。
發現一隻小動物,是狐狸嗎?
姆明村好細,一陣便行完了。最後入去姆明Shop買啲嘢啦,小太熊買了兩隻飯碗,我就買了把梳,加埋成五十歐呀!!!
14:30又到遊戲時間,今次又係小朋友限定,大朋友得個睇字冇得玩啊!
有啲想扮細路行過去一齊玩。
由姆明屋玩到去冰湖,跟住姆明一族同小朋友一齊做體操,動作由慢致快到極快,好低能好好玩呀。
玩到15:15,終於要走了。行返巴士站,坐巴士,轉17:00 – 18:58班火車,返到赫爾辛基已天黑了。
<<赫爾辛基>>
還有兩個鐘時間,可以行埋赫爾辛基夜景先至走。
三聖教堂(Cathedral)
議院廣場 – 遠處好似有條 ---------- 北極燈光呀!!!
赫爾辛基 夜景
赫爾辛基 火車站
行完夜景仲有30min,可以返Radisson Blu Plaza的酒吧飲返埋杯Welcome Drink。
Welcome Drink – Sparkling Wine(用酒店Coupon每杯加€ 2.5),抵飲又好飲,估唔到臨尾都有機會嘆埋佢。在超市買了塊燒排骨送酒,一流啊。
飲完嘢行過火車站外,乘Finnair Bus去機場,21:10開車,21:35便到機場,每位€ 6.3。
去到機場,今次入Finnair Lounge食飯。
食物種類很少,但乜洒都有得飲,環境亦好,算唔錯。
味道麻麻的一餐,只勝在唔駛錢。
晚上乘23:40 – 15:30班機返香港。
極地追蹤 挪威•芬蘭•愛沙尼亞 – Day 11(完)
航班準時到香港,返到屋企沖完涼執埋嘢都夜了。原本講好食個丁麵就算,但到最後小太熊又話不如出街食啦,仲係新年啊。。。。始終最後都去了鴻星食龍蝦餐,小太熊太為食了。
鴻星魚翅龍蝦餐,每位HK$308全包。
原來不知不覺自己揹背包旅行已20年了,由1993年長江三峽開始。雖然如此,今次旅程仍然有好多第一次:
1. 第一次去挪威、芬蘭和愛沙尼亞
2. 第一次進入北極圈
3. 第一次見極光
4. 第一次坐馴鹿車
5. 第一次住玻璃屋
6. 第一次感受零下三十度的嚴寒
7. 第一次見聖誕老人
過了很精彩的11日,又玩完了,又要開始寫下一個旅程. . .
補充資料 :
1. 姆明村(Moomin World) 位於芬蘭的Naantali,從赫爾辛基出發要先乘 2hr火車去Truku (來回票€45),由Truku火車站行15m in到Hansa Shopping Arcade對面的巴士站,乘No.11或No.110巴士到Naantali總站落車(車程35m in,約15m in一班車,單程票€5.5),然後再行25m in便到 姆明村。
2. 姆明村入場費€17,冬季開放時間 10:00 – 16:00。
3. 姆明村在夏季開放三個月,冬季只開放 16 Feb 2013 至 24 Feb 2013。
4. 姆明村內主要係芬蘭本地人帶BB去玩,見唔到香港和强國團。
-----極地追蹤 挪威•芬蘭•愛沙尼亞(完)-----
我計劃12月23-31去芬蘭挪威9天,本來跟你的行程,但發覺Hel 去Ivalo 的單程票最快26先有。。咁我們第一天去不到芬蘭小鎮。。。你有沒有什麼建議v.v....
回覆刪除咁不如返轉行啦,即晚夜車上聖誕老人村,然後再上Inari~Gamvik~Inari,再飛返He'll
刪除好 blog 圖文並茂。
回覆刪除Thank you
刪除姆明究竟係日本嘢同係芬蘭嘢呢?
回覆刪除姆明一族係芬蘭童該黎架
刪除芬蘭童話?
刪除我以前經常睇小肥肥一族, 都唔知添
我未去芬蘭之前都以為係日本仔嘢
刪除I love the moomins very much ah
回覆刪除same to you
刪除真係一個精彩既旅程
回覆刪除Thank you
刪除終於睇哂你們的北歐之旅, 行程多姿多彩~~原來你們有豐富旅遊經驗, 真係佩服又羨慕~~
回覆刪除唔敢當,都係去玩啫
刪除佢地張結婚相好cute呀
回覆刪除係呀,我哋都好鐘意張結緍相
刪除nice trip~!
回覆刪除^^
刪除你們好似唔使工作,個個月都去遊世界,太羨慕啦!
回覆刪除實情我地一年都係十幾日假咋,不過真係放足囉
刪除史力奇唔係咁的樣, 係尖鼻架, 呢個人唔似
回覆刪除阿May都唔似啦,呢個靚好多
刪除Hi,請問Finnair bus 有冇時間表呀? 另外機場個finnair lounge點解唔使錢既?
回覆刪除二十分鐘一班車,車站有時間表,但我冇抄低。
刪除我有張priority pass,所以免費。
咁係咪即係十二月去就入唔到去姆明村?? 你地所有野都係係香港book定先?? 如果萬一有野delay咁點算?另外,想問下,咁凍的天氣下,你們的防寒裝備要點先充足?可否分享一下?謝謝你^_^
回覆刪除對,12月唔開的。係呀,如果delay就慘了,但時間緊迫冇辦法。其實,穿得幾多就穿幾多,我最多就6件衫3條褲2對手套加頸巾和帽,再加手腳和身的暖包。
刪除著咁多衫咁拖埋行李咪好重。。哈哈!剛剛酒店回覆話12月的玻璃屋full booking 了(drooling)(crying)唔住玻璃屋你有其他建議嗎?(crying)
刪除好多人都唔like玻璃屋,話又貴又細,返而鍾意佢啲木屋,可以考慮下。兄只係,我同果啲人喜好唔同
刪除你好, 我又有問題想請教你!
回覆刪除1) 我今日睇過你之前比我個個BUS網, 想問點解我想由INARI去IVALO都搵唔到..??係咪冇直接車..??
2) 我係ROVANIEMI區時想去KEMI冰屋, 記得你講過要搭火車去, 咁我上網睇過 單程都要44.80歐羅, 真係要咁貴MA..??如要連回程咪要成100歐羅..??有冇其他平D既方法..??
3) 如果我去8天,你覺得唱幾$歐羅先夠..??因為見車費都唔少, 又唔知當地食飯貴唔貴..
謝謝
1. 有喎,每日5班車,最早07:15,最後尾14:14 ,40min車程。
刪除2. 票價常常變,留意住有冇特價吧。
3. 食飯每日預每人30Euro啦,全程換500Euro夠用了,帶埋Visa便冇問題。
咁係咪由HOTEL INARI去玻璃屋
刪除應該要係巴士網打 INARI TO KAKSLAUTTANEN..??
係咪中程會經玻璃屋..??
Yes, 會經過酒店門口
刪除唔好意思, 想問多個問題
回覆刪除4) 請問有冇D租車資料可以比我?? 想知如果租車大約每人要幾$..??
謝謝
呢一樣唔識喎~
刪除我講錯左, 應該係CALL車
刪除我見你有時係搭私家車, 以為係CALL車添
私家車係去挪威3日Tour坐的,不是call車
刪除Hello, I am planning to visit Finland in Feb 2016, how much for your trip in total?
回覆刪除每人HK$31500,乜都包晒。
刪除Hi 小太陽
回覆刪除十分精彩的內容和相片...我正在考慮去看北極光..是否2月份最容易, 我們想9-10月看紅葉+北極光....不知是否有可能?
有可能架,最緊要冇雲,天夠黑(唔好係初一十五月圓)和極光指數高。但9-10月天黑時間較短,所以要捱夜啲至等到極光。
刪除行程完滿結束。
回覆刪除啲小朋友好可愛。
佢哋好幸福添呀,咁細個就有得同姆明一族玩,唔似我哋咁老仲要同小朋友爭住玩😅
刪除我係夏天去這條村,真係好多小朋友,卡通人物同小朋友好多互動,好親切,同我地以前玩開的樂園好唔同。
回覆刪除我見啲小朋友玩得好開心,攪到我成日都想落場一齊玩,不過好多活動都唔侵大朋友玩的☹️
刪除開心樂園,老幼同樂。
回覆刪除呢個樂園雖然面積很細,但比預期好玩同開心,真係老嫩都應該去一次。
刪除芬蘭BeeB 好鬼得意!
回覆刪除係呀,個個都眼大大肥嘟嘟好開心。
刪除[買條生香腸自己燒] 好喎, 橫掂咁凍!
回覆刪除味道一般,不過真係好有風味好正。
刪除[湖上的雪橇,要好大 . . . . 要同BeeB爭嘢玩] 哈哈!
回覆刪除唔爭實冇得玩好慘架~
刪除[姆明Shop ] 係幾貴, 但D野真係幾靚, 都忍唔住買了些。
回覆刪除原來香港都有得賣,仲貴好多添,一隻飯碗都賣四百幾,貴了二百,嚇一大驚。
刪除[由姆明屋玩到去冰湖,跟住姆明一族同小朋友一齊做體操] 俾人感覺好唔同, 佢地好有心機, 表現出好喜歡小朋友, 絕不匆匆的感覺。
回覆刪除我覺得佢哋都玩得好開心,因為我見到都開心。
刪除今日用左成日睇哂你呢個trip所有blog加留言,你啲文筆好正。咁岩今日正苦又話唔使住隔離酒店,其實9月頭已經買左機票去英國加芬蘭,你寫嘅野好有參考價值,十年後都岩用🤣
回覆刪除現在唔駛再隔離,唔去返耐啲對唔住自己呀。記住玩得開心啲。
刪除岩岩訂左2晚inari hotel了, 不過依家睇天氣預測見果2日都多雲,希望睇到極光啦
刪除天氣變幻莫測,到時未必一定差的,希望你到時睇到啦。
刪除