旅居英國 • 動態移民(13) – 威爾斯古鎮 博馬里斯(Beaumaris)

英國威爾斯 博馬里斯城堡(Beaumaris Castle)

博馬里斯(Beaumaris)是英國威爾斯西北部一個歷史悠久的小鎮，記錄可以追溯至1295年，最初是維京人的定居點。Beaumaris 現時是威爾士西北部所有船隻的註冊港口，造船業是這裡的主要產業。Beaumaris其中一樣最著名是監獄用於公開處決罪犯的 絞刑，犯人被絞死後，屍體會被埋在監獄內的石灰坑中，最後一個被絞死的囚犯在他死前曾表示自己是無辜的，並向小鎮發出了詛咒。

旅居英國 • 動態移民 – Day 16

<<Beddgelert>>

繼續上一篇在英國Beddgelert的行山行程，沿著山徑The Legendary Trail of Dinas Emrys尋幽探秘。

走過鬼抓樹林之後，來到一個無名 瀑布水潭，和西貢的石澗水潭很類似啊。

繼續沿山路向山徑的終點 – 城堡Dinas Emrys進發，沿途的鬼抓樹，石屋和圍牆都令我感到很新鮮少見。

最後一段上山路都幾難行，因為要行回頭路，小太熊又放棄了，只有我自己登頂。

Castle Dinas Emrys – 原來只係一片荒地，連牆身遺跡都冇埋，仲以為自己搵錯地方，立即上網睇吓人哋啲相才肯定冇攪錯，小太熊真醒，呢個山唔上都擺。

原路回程行去附近銅礦場，中途遇到一匹好得意的侏儒馬。

Sygun Copper Mine – 旅遊季節可以入礦洞參觀的銅礦場，現在未開始營業，只可以在咖啡店坐吓飲杯嘢。

室內環境唔錯，但估唔到這裡只收現金，來英國咁耐都係第一次唔收卡。

Cappuccino(£2.5)；奶茶(£2)；Sausage Roll (£2.2) – 全部都係超級市場貨式，英國的飲食相對上真係差少少的。

行2km回到小鎮Beddgelert，還有個幾鐘才有巴士走，街又行晒了，唯有再坐低飲杯嘢，選擇唔多，因為大部分咖啡店要到旅遊季節開始才營業。

Prince Llewelyn Hotel – 酒店附屬的酒吧，見有人氣便入去幫襯佢，原來大部份人也是等巴士。

生啤(£2.95 - 1/2Pint)；奶茶(£2) – 始終都係飲啤抵啲。

1615-1630坐巴士No.S4回程，我想在Pen-y-Gwryd落車轉車時，司機叫我坐到尾，在Pen-y-Pass才落車等，果度環境好啲架，係喎，佢唔講我都諗唔到。

Pen-y-Pass有避風位又有廁所，舒服過在Pen-y-Gwryd要企在馬路邊等車。

可以見埋日落的Snowdon，今日又唔大風又冇雨，小太熊一定可以登頂啦。

<<Betws-y-Coed>>

1652-1713乘巴士No.S2返到屋企，今日都好攰了。

坐在花園歎杯奶茶食片朱古力麥維他，典型的英國生活。

今晚小太熊擺工，出街食，小鎮Betws-y-Coed都有平價餐廳的，而且晚上好旺，全店滿座要搭枱。

Hangin Pizzeria – 火車站外的Pizza店，堂食和外賣都一樣咁好生意，食物質素很好。

Sparkling Apple(£2)；Notebook Beer(£4.2) – 英國都係興坐低便叫嘢飲先，個個英國人都係咁，想慳些少唔飲嘢會好樣衰和怪異。

Pizza with Tomato, Mozzarella, Proscciutto Ham and Mushrooms (£11.5) – 比預期好食，無酵餅底香脆有質感，麵包味濃，火腿非常之美味香口，咸味適中肉味香濃，勁正，其他配料都好食。

Pizza with Tomato, Mozzarella and Freah Basil (£9.5) – 呢個少啲配料味道簡單些，不過都係好食。

今晚天氣唔好，唔睇夜景可以早啲瞓。

旅居英國 • 動態移民 – Day 17

今日晨早起身，坐最早的07:15巴士No.6B去一個中世紀的古鎮 博馬里斯(Beaumaris)，然後去多一個小城市 班戈(Bangor)，一天遊兩地。因為太早起身，今日唔煮早餐了，出街食。

Betws-yCoed每星期會收一次垃圾，居民們平日都會把垃圾仔細分類，夠鍾便把垃圾桶放在回收處。

今日有人收垃圾，我都有樣學樣跟人把垃圾桶放出屋外，一早便有人來回收了。

今朝0715那班去Bangor的巴士No.6B又失踪了，和第一天的情況一樣，不同是今日有3個老外同我哋一齊等，佢哋條氣唔順立即打電話去問發生咩事，不過當然係比人耍，得個吉啦。

好彩今日有Plan B，就係改坐0901-0946的Bus No.T10去Bangor，再轉Bus No.58到Beaumaris。今日來回要坐最少4程不同公司的巴士，所以買1bws Ticket全日任坐最化算，上車買票每位£5.7。

3位老外又和我們坐同一班Bus No.58，因為根本無其他選擇。

今次位巴士司機好鐘意吹水，知道我會去Beaumaris，便不停介紹那裡的景點，吹到過哂鐘都唔開車，英國的文化就係咁喜歡吹水。

<< Beaumaris>>

Beaumaris – 早上10:40終於來到這個中世紀古鎮，在Castle Street落巴士，天色很灰，開始有雨。

街上全是2層高屋仔，舖頭全部未開門。

Beaumaris原來有8大景點，都係啱啱見到街上呢張圖先知道，立即影低佢逐個搵。

Beau's Tea Rooms – 巴士站旁邊見這餐廳有早餐食，而且裝修好靚，便先入去食完早餐再行街。

室內裝飾古雅，全部人客都一樣咁古老，和環境十分配襯。

呢度好多款茶架，不過我就牡乜Taste，來來去去都係飲伯爵茶。

Earl Grey Tea (£2.7)；Cappuccino(£3) – 早餐唔包飲品，要分開散叫。

Small Breakfast (£9.5) – 有1隻雞蛋，1塊薯餅，2片煙肉，1塊牛油吐司，1件Black Pudding，1個番茄和茄汁焗豆。小太熊食細份。

Big Breakfast (£11.5) – 和Small Breakfast分別係多一件雞蛋、薯餅和吐司，另加一塊豬柳，我貪心，食大份。

煮早餐的廚師廚功九流，片多士燶曬，要小太熊刮返走啲黑面才食得，隻蛋又係燶到黑曬，小太熊非常之不滿，因為隔離幾枱都係正常，剩係我哋呢枱咁差。

食完早餐雨勢更大，塊地濕到像一面鏡，而且完全冇停雨跡象，只好又再撐起雨傘，照行街。

博馬里斯城堡(Beaumaris Castle)(入場費£7.6) – 位於英國威爾斯西北部港口小鎮Beaumaris的一座中世紀城堡，城堡始建於1295年，當年英格蘭國王遠征威爾斯，攻佔了Beaumaris之後立即築起這古城。1986年Beaumaris Castle被列入世界文化遺產名單。

交低入場費之後，便可以走過護城河從正門進入城堡。

整座城堡均由灰色石頭建造，內有12座圓型塔樓和兩座城門，由護城河包圍著，其中南門可乘船從海路到達。

博馬里斯法院(Beaumaris Courthouse) – 建於1618年，英國最古老的法院之一，現已改建為博物館The Old Court House Museum。

Victoria Terrace – 建於1833年的海濱聯排別墅，原本定位為海濱度假勝地，現已被改成19套公寓，每套公寓都被列為一級保護建築。

The Bulkeley Arms Hotel – 建於1830的古老酒店，Beaumaris小鎮8大景點之一，被列為一級保護建築，外觀已經勁似鬼屋。

Tudor Rose – Beaumaris小鎮內最古老的建築物，建於1400年。

St Mary’s Parish Church – 600年歴史的古教堂。

Beaumaris Gaol(入場費£6.5) – 建於1830年的監獄，以處決罪犯的 絞刑聞名於世。

囚犯的囚室就係咁簡單，唔知有冇人因為控煽動仇恨被未審先囚在這裡呢。

成班冇文化變態佬迫人影相，睇畫都覺得好變態，事發現場和這段黑歷史依然保留，英國確有大國風範，不像某些蝈度。

睇到這些人型公仔就估到唔知想研究咩世紀病毒。

從前囚犯用過的腳鐐～

浴缸做得很大，唔知又用來做什麼衰嘢。

這課室一定用來做思想再教育啦，呢味嘢某地方大L把。

The Bulls Head Hotel – 建於1480年的建築物，最特別是一扇古老的木門，是全世界最大的單鉸鏈木門。

行完8大景點之後，時間啱啱好乘Bus No.58 到威爾斯另一小城市 班戈(Bangor)。

補充資料 :

1.     £1兌HK$10.66 (HSBC網上兌換)

---待續---