旅居英國 • 動態移民(14) – 威爾斯名城 班戈(Bangor)

英國威爾斯名城 班戈(Bangor)日落

班戈(Bangor)是英國威爾斯最古老的城市，也是英國最細城市之一，人口不足20000人，市內設有一所大學Bangor University，此外班戈大教堂(Bangor Cathedral)和碼頭Garth Pier也是聞名的地標。

旅居英國 • 動態移民 – Day 17

<< Bangor>>

繼續上一篇行程，從Beaumaris乘巴士到Bangor，中途經過Menai Bridge，其實應該落車玩埋呢條橋啊，因為每個鐘都有巴士，但係去之前又諗唔到。

15:30巴士來到Bangor，落車便是一間外觀奇特的教堂。

Bangor這小城市的建築比較普通，不及Snowdonia區內其他小鎮咁有古典美。

班戈大學(Bangor University) – 大學源自1884年創校的北威爾斯大學學院(University College of North Wales)，後來經過多次合併其他院校。第二次世界大戰期間，很多倫敦大學學院的學生爲了躲避戰亂而來到這裡繼續讀書。在2007年正式改名為Bangor University，2009年開始頒發自己的學位證書。

沿著大學旁邊的College Road漫步，那裡的小屋花園前都種滿了櫻花，而且開花了，好L掛住日本呀！！！

Bangor Roman Camp – 大學附近的山丘露營地點，黃昏時段很多附近的居民來放狗，由於位處最高點，風景十分之開揚，適合睇日落。

Garth Pier – 威爾斯第二長的碼頭，整段木橋碼頭總長度460m，於1896年正式開放使用，現在的碼頭已經成為保育的文物，Bangor的著名景點和市民跑步的地點。

站在木橋上欣賞日落，原來不比山上差啊。

Pier Pavillion Tea Room – 木橋的盡頭是一間茶室，當然要入去幫襯啦。

茶室很有心思和誠意，在門口放咗個很有趣的吹氣公仔。

冇乜遊客咋，差不多包場，好清靜舒服。

Americano(£2.4)；奶茶(£1.8)；Chocolate Orange Cake(£3) – 咖啡奶茶味道係一般啲，件蛋糕又太甜橙味又唔香，不過環境咁好冇所謂啦。

今晚日落勁靚啊，今朝天氣咁衰，點會估到黃昏咁靚，英國天氣就係時常都咁大變化。

班戈大教堂(Bangor Cathedral) – Bangor市內的主要地標景點，位於市中心巴士站旁邊。教堂在歷史上曾經多次被毀，但現在的教堂建築也超過400年。

<<Betws-y-Coed>>

今日玩到好夜，乘尾班巴士No.T10回到屋企已經天黑了，小太熊要快啲煮飯呀，如果唔係我沖完涼就未有飯食呀。

頭盆食埋啲雜錦芝士和餅乾，唔好食呀，飲埋支白酒和Rosé。

油鹽水生菜 – 雖然好食，不過餐餐都係呢啲，好悶。

蜜糖焗雞髀肉 – 我沖涼之前落多了鹽去醃，咸到揦脷，唔關小太熊事的。

全餐晚飯成本每人約£3.5。食完飯見天色好出外行吓，好多星星呀，估唔到英國會咁多星星，好彩有帶三腳架。

No.2 Railway Cottages – 我哋住的火車屋，在滿天星下原來咁靚。

Betws-y-Coed火車站 – 雖然地面很光，但天上繁星都唔弱喎。

隨便抬頭望天已經繁星閃爍，差點可以媲美不丹的天空。

幸運今晚咁多星星，不過天氣很冷，凍到手指麻木，影相都有困難，早點返屋企休息了。

旅居英國 • 動態移民 – Day 18

今朝我自己一早起身，看看07:15的巴士No.6B有冇放飛機，在07:23見一架校巴駛過，相信係呢架了，可能早幾日學校停課，所以巴士放飛機但車站電子牌又冇公告，英國其實很多時都幾騎呢。

終於等到6B巴士，還了一個心願，返屋企等小太熊瞓到安樂醒。

08:00第一班火車經過屋前，開始晴朗的早晨。

唔怪之得昨晚凍到手指僵硬了，早上08:00屋外木枱上的水珠結冰呀，估唔到已經三月中仲咁冷。

Betws-y-Coed火車站早上又係曬到要搽太陽油，唔知可以維持幾耐呢。

Alpine Coffee Shop – Betws-y-Coed火車站內的餐廳，在落地玻璃可以欣賞駛過的小火車。今朝在這裡歎早餐，試試威爾斯早餐的風味。

08:30開舖便做第一個客人，揀了張靚枱，一邊食一邊睇火車。

Cappuccino(£2.95)；Latte (£2.95) – 早餐唔包飲品，要散點。英國的咖啡味道始終係差一點點。

Traditional Breakfast (£9.5) – 平過昨天的早餐，而且今次好好食，又可以食住睇火車，呢餐物有所值啊。

食完早餐天色已經轉灰，好似想落雨。今日冇乜特別節目，只係諗住在附近Hea住行吓，所以選擇了上對面山，去一間小太熊曾經想過要租住的山中酒店望吓。

Sapper’s Suspension Bridge – 由這條吊橋做起點，行上對面的小山上，大約行1hr。

穿過吊橋再走過牧場便開始上山，不久便開始落雨。

行了1hr，到了位於山中的Guesthouse，在Capel Garmon附近，小太熊鐘意佢清靜隱世，但唔揸車真係行唔掂架。

屋外又係牧場，養了很多羊仔。

回程繼續落雨，但係時大時細，於是決定開傘再行多一段路去附近的Swallow Falls，沿著森林小徑大約行4km。

行去Swallow Falls的一段路非常之青綠，落雨之後地面濕滑好難行。

Swallow Falls – 只係一條不太大型的瀑布，而且沒有好位置欣賞，唔來也不可惜。

回程行了第二條路，進入了一個鬼抓樹林，最終原來地圖上的路是私人路不可進入，迫住走回頭。

這樹林的樹很像德國黑森林。

又回到Betws-y-Coed火車站，行完山天氣又好返啦，真係吹到啤一聲。

沙典魚加吞拿魚蜆殻粉 – 食埋啲罐頭，我用了 家樂牌濃湯寶煮的，味道還可以，今晚呢餐每人成本只係£0.7。

明天會離開呢度，搬去英格蘭Cotswolds，先在牛津住3晚。

 

 

補充資料 :

1.     £1兌HK$10.66 (HSBC網上兌換)

---待續---