伊甸園 塞舌爾(5) – 塞舌爾の國寶 • 非洲海底椰(Coco de Mer)

塞舌爾の國寶‧雌雄非洲海底椰(Coco de Mer) – 外貌像男生和女生的重要部份。

非洲海底椰又稱 海椰子(Coco de Mer)，是世界最大的堅果，分公同乸，公係雄花，似男生果度，果實係乸，似女生果度，只在 非洲塞舌爾出產，屬塞舌爾の國寶，每個出售的真海底椰都有獨立編號，最平一個都要HK$2600。佢生長响陸地上，而且主要集中在Praslin的Vallee De Mai National Park內。

Vallee De Mai National Park是一個海底椰樹林(入場費SCR340，正門可寄存大行李)，屬世界自然遺產，內有數條主要小徑，難度和香港的一般山徑一樣，即係冇難度。遊客一般會停留1hr至3hr，1hr可揀其中一條小徑，3hr足夠慢慢行完所有小徑。在這裡可見到海底椰樹，雌雄海底椰，但我見唔到雄海底椰花。

伊甸園 塞舌爾 – Day 5

<<Praslin Island>>

今朝起身天色唔好，像想落雨似的。

晨早07:30食早餐，客人唔多，好舒服。

早餐比昨天Raffles Praslin Seychelles豐富好味，但比不上Banyan Tree。

有我最Like的Sparkling Wine任飲，慢慢嘆。

食早餐時，有很多唔同種類的雀雀陪你一齊食。

佢地唔驚人架，只要你唔怕禽流感，可以同佢地一齊玩。

很多雀雀直頭自己食枱面的糖，正式啋你都儍。

食完早餐去浸浴，SPA Centre有按摩池和Sauna供住客免費使用。

Constance Lemuria Resort的SPA Centre

SPA房，價錢和Banyan Tree一樣貴，但格局就平民得多，冇試。

冷水池和熱水按摩池，我兩玩了個半鐘都冇其他人用。

香草蒸氣浴和Sauna房

蒸完又去泳池玩一陣，落大雨了，慘。

玩到11:30，返房執嘢Check out。今日黃昏要坐船去La Dique，所以要安置件大行李先。約了司機12:00送我哋去Vallee De Mai National Park(約10km，佢收SCR200)，然後再於16:00送我哋去碼頭(約5km，佢收SCR100)，大行李可放在佢車尾箱。

司機因接到新job遲了15min，12:30車到去Vallee De Mai National Park正門。

預了3.5hr在這裡慢慢行，要行晒National Park內的所有山徑。

進入National Park先要在這大門交出門票

大門入口處放了幾個海底椰，有公有乸。

好奇地攞起個雌性海底椰研究吓，嘩！！有冇似成咁呀，化石一樣，唔怪得有人吹水話佢就係聖經中所載的禁果啦。

雌雄海底椰，不單此外型似足男女生果度，連Size都九成幾似啊. . . .

開始沿小徑不斷行，其實景色分別不大，都係海底椰樹和山林小溪啦。

沿途見好多雌性海底椰，但雄性就一條都見唔到，真係唔明解！

大樹菠蘿就見到2個

上到National Park最高的看台，睇緊個椰林全景時，特然落起大雨來，好彩arm arm有瓦遮頭。



場雨落足20min，好彩有啲雀仔同我一齊避雨，同佢地吹吓水冇咁悶。

仲有微型小蝸牛，很cute的。

毒蜘蛛，同佢就唔啱Channel了。

停雨後再行個幾鐘便行晒所有小徑了，早了20min約三點八便回到大門，司機已等緊我地，佢話可以趕到16:00班船去La Dique。

果然唔駛10min便到碼頭，買埋船票上埋船，仲要等多5min才開船。

Praslin碼頭，Bye…..

<<La Dique>>

廿分鐘左右便到La Dique，天氣始終嘛嘛，滿街都係水氹。住了3晚超貴房，今天開始要住返平嘢，原本八舊幾港紙Book了間叫Oceane Self Catering的旅館，從碼頭行5分鐘便到，點知去到個老闆娘話4間客房都Full了，安排我入住一間又有私家大花園又近Number One沙灘Anse Source d’Argent的獨立屋，嘩！講到私人醒我一樣，分明係我最遲check in，早check in的人又嫌遠唔肯去住，所以焗我去啦. . . . 曉. . . . . . 明揾笨實，唱衰妳。

間屋離碼頭足足3.5km，位於島中間位置，離Anse Source d’Argent都起碼1km，個老闆娘正衰神，响網上明明locate近碼頭的。

佢自己都知衰，所以主動安排了交通接送check-in 和check-out，亦幫我地call了兩架單車，每架日租SCR100 (我們由第 1日17:30租到第 4日早上11:30，頭尾3晚每架只收了SCR200) 。

10min車程由碼頭旁的Oceane Self Catering車我們去到一處好遠的地方(見上圖)，終於見到間大屋了。

La Dique Island獨立屋連大花園(不包早餐)每晚HK$880

間屋都幾大，冷氣夠勁，可惜熱水唔多夠，而且懷疑張床有蝨，住完3晚後全身好多粒粒，痕了2星期。

Settle好之後，趁未天黑快快踩單車出去揾食，要踩過一大段泥將路，十分之吃力。



出到大街天開始灰，求其行入呢間外觀唔錯的餐廳食。

餐廳環境唔錯. . . . . 但看看Menu，Set Dinner每位SCR900，唔包飲品亦冇乜好嘢食，伙記話新年聖誕期間只賣這套餐. . . 「啊！Thank You! May be next time la!」咁肉酸嘅對白小太熊當然唔會講啦，好自然由我出口，講完即散。

又踩了段路，去到另一間叫Chez Marston的餐廳，Lonely Planet話OK，入去試試囉。

白酒一杯(SCR 60) ; 可樂500ml(SCR 42) ; 1-Liter水(SCR 39)

蘑菇吞拿魚意粉(SCR 138) – 粉太硬，汁大咸，唔多好味。

原條燒魚(SCR 193) – 唔新鮮，味道4流，唔係又肚餓又貴真係費Q事食。

La Dique的第一餐唔掂，自己煮好食得多。

補充資料 :

1.        Praslin Island交通 : 中午從Constance Lemuria Resort去Vallee De Mai National Park約10km，的士司機收SCR200，然後的士再於16:00從Vallee De Mai National Park送我哋去碼頭(約5km)，收SCR100，大行李可放在的士車尾箱。司機叫Jean-Claude，電話 2592307，佢開價合理，可約定佢响Praslin機場接機。

2.        Vallee De Mai National Park門票每位SCR340，門口有大型行李寄存服務。National Park有三條主要山徑，難度和麥理浩徑差不多，慢慢行晒只需 3hr，但風景一樣，所以一般行1.5hr都足夠。

3.        Praslin Island坐船去La Dique約20min，船票每位SCR225。

4.        La Dique租單車每日SCR100。

5.        La Dique最好住近碼頭，因黑夜踩單車要自己攞電筒唔方便，最好自己帶頭燈。

6.        住在La Dique冇單車好唔方便，郁郁都行半粒鐘。

---待續---