天地任我行 - 環遊世界

這篇<天地任我行>為自己過去廿多年超過120次的旅程作一次總結，記下每次旅程的總費用、日數和旅程重點。同埋連結到相關網誌。

<2019年12月 – 潛行宿霧 鯨鯊 • 風暴>

旅程日數 : 7日

旅程總費用 : HK$13700

遊覽地點 : Cebu City、Mactan Island、Moal Boal、Oslob

行程重點 : Moal Boal潛水‧Oslob潛水睇鯨鯊

天地任我行 – 非一般活動

從前去旅行，資訊有限又冇銀用，最叻都只係攞住本Lonely Planet，用書內簡單的地圖，只要能成功坐車坐船去到特完景點影張到此一遊相，已經好開心，算係成功地達標，一般只有行行企企食個包又一Day，甚少有特色活動，對食同住只有一項要求 ----- 平。時至今日，資訊發達，對旅程的要求亦自然高了，單係到此一遊已滿足唔到小太熊，一定要食得招積、住得特色、玩得夠激，才算是過到自己又過到人的完美旅程。這章「天地任我行」就分享一吓我在世界各地參與過的 非一般活動。

<大洋洲 Oceania>

斐濟 Fiji

Drawaqa Island – 與巨型的野生魔鬼魚MantaRay一起浮潛！！在大海中和3條巨型的野生魔鬼魚一起玩，今次撞正佢哋心情靚，在我身旁不斷打圈游，仲擘大個口比我睇啊。

天地任我行 – 世界自然遺產

喜歡四圍去，除咗因為唔鐘意返工，返工望放工，最主要仲係喜歡親身體驗多啲唔同地方的文化和親眼見多啲大自然的奇妙、試多啲唔同地方的食材、遊走天國與地獄、感受貧窮和富有、由極寒走到極炎、從高山潛到深海，將返工辛苦賺返來的臭錢洗乾淨佢. . .在過去廿幾年的自由行裡，數一數原來都見過唔少大自然奇境了. . . . . 當中有唔少係被封為「世界自然遺產」，又有些我覺得正過一般的「世界自然遺產」，以下想分享一吓自己在世界各地見識過的「世界自然遺產」。

<歐洲 Europe>

瑞士 Switzerland

Mürren – 雙彩虹！！Mürren是瑞士少女峰地一個無污染的桃花源秘境小鎭，位於Lauterbrunnen旁邊的斷崖絕壁之上1650m高處，那裡的天氣變幻無常，經常在雨後出現世上最完美的雙彩虹，非常壯觀。