極地追蹤(8) – 芬蘭冰雪の堡Lumi Linna Snow Castle@Kemi

芬蘭Lumi Linna Snow Castle@Kemi – 冰雪教堂

每年冬季，芬蘭北都的小鎮 幾米(Kemi)都會建造一間大冰屋，內有酒店、餐廳、酒吧、教堂和各種冰雕，是冬季遊芬蘭必到的地方。

極地追蹤 挪威•芬蘭•愛沙尼亞 – Day 7

<<Kemi>>

繼續上一篇Day 7行程。16:11由Rovaniemi乘火車出發，17:29便到Kemi了。到埗已經天黑。先在火車站Lock好兩件大行李。

Kemi火車站

行出Kemi火車站便即見指路牌，沿指示慢步行25min便到Snow Castle。

Snow Castle門口，位於海邊。

大海都結冰了

遠處泊了幾架大旅遊巴士，大濟，有團呀，慘啦，好炒耳呀。

冰雪の堡Lumi Linna Snow Castle

小太熊昨天訂了今日的晚餐，Snow Castle即刻從信用咭扣了€ 96 (共兩人晚餐和入場)，所以Show個E-mail已可入場了。

入場了，紅色部份係有暖氣的Shop和餐廳。奇怪，冇乜人。

這餐廳有暖氣但只見一枱四個香港客，佢哋今晚會留宿冰酒店。

剛好冇人爭，先試玩室外這條 奮怒鳥冰滑梯

嘩！原來超級刺激，好快架。

跟住進入冰雪堡，先參觀 冰雪教堂。

難得見到寧靜的 冰雪教堂，好靚。

行過隔離，開始見到冰雕。

穿過這冰門，又見好多冰雕。

還有冰滑梯，見到小朋友們玩得好開心，我又玩，點知一落地就Dun親尾龍骨，痛了兩個星期呀。

冰雪酒吧，飲品只係€ 3起，唔貴。

原來剛才幾車蝗蟲係香港旅行團，多達五六十人一齊迫埋响呢度飲茶，只十五分鐘又變回寧靜了，好彩佢地早到早走，同佢地撞正就大剎風景了。

冰雪堡內的其他冰雕

最後一站係參觀酒店房，這冰雪堡有十幾間雙人房，一間大的 蜜月房和兩間團體房，房內全部只有–5℃。

普通雙人房，細到暈，只放得落一張雙人床。

兩間團體房都唔大得去邊，但就靚過普通雙人房。

蜜月房幾大，燈光夠情調，瞓响張寒玉床上，似足楊過小龍女啦。

出發前小太熊問過我想唔想响度住一晚，我諗返起兩年前尼泊爾行EBC，晚晚凍到揪根的經歴，都係唔制了，不如食餐飯算啦。最後小太熊就Book了晚飯比我食。

19:10行入冰雪餐廳，有6枱客共24人，其中三格12個係香港人呀，似唔似蝗蟲呢，不過佢哋都唔會高聲講嘢架！

我地坐呢張單邊枱，隔離係個冰雕。枱和椅都係冰造，坐落去涼浸浸好Feel到極。

第一次體驗在–5℃環境食晚飯，先加錢要杯白酒(€ 50)和一支細水(€ 3)。

三文魚湯 – 頭盆熱騰騰的湯，出晒煙看似好熱，入口其實已涼了，頂盡只有廿幾度，唔快D飲結了冰就浪費了，味道OK。

鹿肉忌廉湯 – 頭盆熱湯，鹿肉係煙肉，Cream都幾夠味。

雞肉飯 – 主菜有快餐店水準。

薯菜伴魚肉 – 主菜，真係覺得有些難食，不過我都食晒佢。

甜品 – 士多啤梨Mousse，清甜好味。

甜品 – 雲呢拿焗蘋果批，最好食係呢味。

晚餐包一杯熱飲，我原本打算19:00食到21:00，再影陣相，然後慢慢行返火車站，坐22:39的通宵火車返 赫爾辛基，很Perfect。但現場太冷了，食到約20:10，飲埋杯茶已頂唔住要走了，真係好凍。

慢慢行返火車站，只係21:00，我就執吓相，小太熊就瞓覺。

22:39準時上火車，間雙人房好靚好舒服呀，而且好平。

房內有厠所，又可變身做浴室，熱水都好夠，滿分。

車上有餐卡，飲杯酒吹吓水都晤錯。

我好鐘意瞓火車，搖吓搖吓特別好瞓。

補充資料 :

1.    芬蘭Lumi Linna Snow Castle@Kemi入場費每位€ 10。在場內飲杯嘢只係€ 3起，唔貴。

2.    Snow Castle的Office Hour由10:00至19:00，只在冬季開放，室內温度Keep住–5℃。

3.    19:00開始晚飯時間，冰雪餐廳最平套餐(三道菜加餐飲)每位€ 38，另加入場費，值得一試。必需預訂。

4.    出Kemi火車站便即見指路牌，慢步行25min便到Snow Castle。

5.    Kemi火車站有大Locker，€ 2已可Lock好兩件大行李。

6.    Kemi乘通宵火車返 赫爾辛基，頭等雙人房連浴室，每位€ 59，車程10hr20min。

---待續---