極地追蹤(6) – 地球最北麥當勞@芬蘭Rovaniemi

挪威極北之城Gamvik的日出

極地追蹤 挪威•芬蘭•愛沙尼亞 – Day 5

<<Gamvik>>

昨晚總算見到一場唔弱的極光，但小大熊始終唔多滿意。不過冇辦法，今日10:00一定要走了。

今朝又係08:00食早餐先，唔理其他人了。邊食早餐邊望住窗外的燈紅色日出。

日日係咁食，唔肥至奇。

走了狗仔，下次見。

Bye拜馬仔，下次再來騎吓你哋。

仲有時間，帶小太熊出外行吓啦，後面間紅塔屋是消防局。

這間是郵局，但冬天開11:00，冇得寄Postcard比自己了。

10:00要離開了，車子又經這過一片白茫茫的極地。

車子行了兩個鐘，Ate發現山上有野生馴鹿(Reindeer)呀！

車不斷行，好快又開始日落(其實只係挪威時間14:30)，亦進入芬蘭了。

又發現公路旁有野生馴鹿(Reindeer)

<<Inari>>

因為去程已影了好多相，回程冇乜停車，所以7hr便返到Inari。

今晚住Inari Hotel

今晚Inari Hotel的平價房全Full了，豪氣的小太熊Book了間貴嘢套房比我嘆啊！

雙人湖景桑拿套房(連早餐)每晚€ 158

雙人套房的大客廳

私人桑拿浴室，好正。

今晚响酒店的餐廳食，價錢都幾大眾化。

磨菇蝦肉Pizza簿批(€ 9.9) – 夠脆又好味，抵食。

吞拿魚蝦肉Pasta(€ 15.9) – 好味過Pizza，呢餐好過三日前餐貴野。

食完飯，Satu來收錢了。佢初時話這個King Crab Safari貨不對辨，問收我七折O唔OK，但我始終浪費了半日極寶貴的時間，所以我還佢價Zero Pay，佢最後都接受，連Ate都幫埋我口，整個講數過程都算愉快。最後我只比了兩位基本團費共€ 1150。

今晚室外好暖，有–9℃，但烏雲密佈，連網站的天氣預告都係整晚密雲。

當晚由21:00開始，每半個鐘都出外看看，但始終冇見到一粒星，睇到00:30放棄了，瞓覺。

極地追蹤 挪威•芬蘭•愛沙尼亞 – Day 6

昨晚Book了今朝10:00過酒店隔離間舖 玩雪地電單車，所以08:00又要起身食早餐。

日日自助早餐，點攪呀。

一個人食完上面份餐，仲要隊多大碗乳酪. . . . . . .

我們準時09:45過酒店隔離間舖揀保暖身和手套鞋，好快已攪掂，但個Guide話要等埋其他人至出發，頂，我趕12:10班巴士架，班PK遲到阻X住晒。

10:10五個阿毛加阿伯me me mor mor行入舖，me me mor mor揀衫，小. . . . . 最後原來有另一個Guide帶佢哋，剛才叫我等的那條Poor Guide只帶我兩個，咁做乜春要我等啫，小小小. . . .

約10:20個Poor Guide帶了我上車，教了我Snow Mobile的基本操作，好Easy啫，出發啦。小太熊，坐穩呀。

Poor Guide好快帶我穿過了冰湖Lake Inari，進入了Winter Forest，佢見我跟得到，就越開越快。

好快到了一間建於樹林內，Sámi人起的木教堂。

間教堂幾百年了，上到閣樓D木板會Gi Gi聲，幾特別。

停了十幾分鐘，五位阿毛阿佰到了，你地來我就走啦。Poor Guide帶我原路出返Lake Inari後，再在湖面飛車一段時開。雖然只係55km/hr，但差不多是我部Snow Mobile的極速了。

到了Lake Inari另一處，見到幾隻野生馴鹿呀！

我地落車飲吓茶食件餅暖吓身，休息一陣。

11:40又再出發。

又係一枝箭咁快，只12:00就回到起點了。妖，即係呃我鐘啫，自己遲出發又準時返，收咁X貴都呃鐘，影衰晒芬籣人。

趕得切乘12:10由Inari Hotel開去Rovaniemi的巴士啊，我們極速除下保暖衣行返過酒店攞行李，再入厠所開鋪細，出來已見小太熊唔等我就攞住行李上緊車了，等埋我呀. . . . . . 小太熊. . . . . 你自己一個唔識路架。

坐呢架大巴士由Inari Hotel去Rovaniemi火車站，5個鐘車收每位€ 60.1。

中途在Invalo停半個鐘休息

當日負十幾度，路牌都結晒冰。

<<Rovaniemi>>

下午五點過Di Di已到Rovaniemi火車站，天都黑透了。

正式踏出了北極圈，離開北極了，亦結速了6日的 極地追蹤北極光旅程，進入另一個4日<感受 北歐‧波羅的海>旅程。

在火車站旁便是往聖誕老人村的8號巴士站。

小太熊今晚Book了好多香港自由行都住的Guesthouse Borealis，貪佢最平又近火車站，在火車站前過條馬路上小小斜行8分鐘便到。

Guesthouse Borealis正面，沿右邊斜路行上來的。

單人房加床(連雙人早餐)每晚€ 77，樓下有廚房可借用。

Rovaniemi都有好多極光團，但我諗都係揾笨居多啦，離極光環中心這應遠，要arm arm你出團時極光指數去到“3”再加天清再加冇月光，才見到小小微弱綠光，盞攪啦。

食了多餐貴嘢，今晚到宇宙最北的麥當勞開餐，慳少少。

由Guesthouse Borealis行20min，便到宇宙最北的麥當勞。

這開麥當勞位處北極邊緣。

2人點了 巨無霸餐(€ 6.4)和香港冇的McFeast Meal(€ 6.4)，味道和香港分別不大，只係D麵包冇咁軟熟。

估唔到，店內有一半客都係香港人；港燦攻佔芬蘭宇宙最北的麥當勞，咪好似強國人攻佔旺角麥當勞？？

補充資料 :

1.    2hr雪地電單車Snow Mobile(二人一車) 每位€ 98，但Inari Hotel隔離間衰嘢呃鐘，由上車至落車只係1hr40min，離Q晒普。上網睇過好多人玩都只有玩到過鐘，從未見過有Poor Guide呃鐘，正賤精，影衰晒芬籣人。

2.    玩雪地電單車Snow Mobile唔駛車牌，好易控制。

3.    由Inari去Rovaniemi的巴士每位€ 60.1(超貴)，每日有幾班車，車程約5hr，上車買票。

---待續---