極地追蹤(7) – 芬蘭 聖誕老人村(Santa Claus Village)

聖誕老人的屋企 – 芬蘭聖誕老人村(Santa Claus Village)

極地追蹤 挪威•芬蘭•愛沙尼亞 – Day 7

<<Rovaniemi>>

今日節目豐富，早上會去正牌聖誕老人的屋企 – 芬蘭聖誕老人村(Santa Claus Village)，黃昏就參觀Kemi的冰雪堡(Snow Castle)，然後响堡裡食晚飯，再玩通宵火車返 赫爾辛基。

朝早07:30食早餐，嘩！4張枱有 3張都係香港人，近呀。

早餐算普通，但已食大了個胃，加上任食，我自制能力又低. . . . 救命呀。

食完早餐把行李Keep在旅館，便行去火車站等09:10班8號巴士。

09:35便到 聖誕老人村(Santa Claus Village) 門口了。

聖誕老人村(Santa Claus Village)的Reception，北極線便是劃了在裡面，但10:00至開門，外面那條線被雪埋下了。

聖誕老人村(Santa Claus Village)的郵便局，又係10:00至開門。

郵便局前的大城市距離指標，不過係冇香港嘅。

兜過Reception和郵便局，見到後面聖誕老人屋企了。

09:53去到聖誕老人屋企門口，見冇人排隊嘅，唔理了，我排第一啦。

我和小太熊在門口排隊後，好多人跟住又過來排埋一份，好快就排了廿幾人了。

10:00準時開門，聖誕老人呀. . . . . 認識了你幾十年，終於見到你了，你欠我幾十份聖誕禮物呀. . . . .

由這個門口，進入聖誕老人間房。

進入門口後，要穿過一條奇幻的長廊，心情越來越高漲。

再上樓梯後轉個大圈，便到房門口了。

我和小太熊排第一，在門口又等了10min，見後面已有40人左右了，隊尾最少等一個鐘啦。

工作人員突然叫我地come come come，好緊張，聖誕老人已坐在裡面等我哋。

聖誕老人親切地同我們打招呼，又叫我們坐响佢身邊，問我地邊度來. . . . .

小太熊爭住同聖誕老人影張相先。

跟住聖誕老人就同我地吹吓水，問吓我去了芬蘭邊度玩呀，我又問吓佢有冇老婆呀，年紀有幾老呀. . . . . . . . . . 

吹完水要Bye拜了，由入房到講Bye拜的過程，足有兩分半鐘呀！

跟住係戲肉了，買嘢。買一張8R合照相就€ 25，一套5張同款Postcard就€ 30，一隻USB有齊D相和吹水過程再送官方相加Video就€ 49，我買了隻USB，小小錢當係聖誕老人村入場費加個紀念啦。

買完USB仲未夠，房外有印上”Santa Clause Office” Logo的Postcard賣，每張€ 1，比外面賣冇Logo的Postcard貴€ 0.3，我又買了張寄比自己。

收錢的聖誕女生

放入呢個郵筒，就要等到今年聖誕至收到張Postcard了。

在聖誕老人屋間Shop行了陣，行出門口時才11:00，慳了排隊時間，仲有大把時間慢慢行。

同小大熊企响北極線影張到此一遊相先，線的右邊就係北極，即係從條線的左面直行就會到南極。

在Reception買了張證書，又在Passport打了個印，之後裡面已冇嘢行了，全部都係Shop，賣的野都差不多。

跟住去郵便局參觀吓。

郵便局唔係好大，又係賣紀念品多。

人客們買完Postcard，便即場寫好同寄埋佢，但這裡的Postcard都冇印上“Santa Clause Office” Logo的。

原來每日都有大量小朋友從世界各地寫信比聖誕老人，講出願望，希望同聖誕老人攞啲Jetso。

聖誕老人好認真架，請了個 聖誕老女人，專門睇信和回信。

小太熊好鐘意 聖誕老女人。

小太熊都好鐘意呢隻肥熊仔

聖誕老人後面有個鹿場，坐鹿車行400m只需€ 15，行1000m都係€ 25，唔係太貴。

原來聖誕老人都要半場休息，好彩一早見咗佢先，否則有排等。

行完晒聖誕老人村才12:30，未有咁快到火車出發時間，可以食小小嘢先，今次揀了這間傳统Sámi人開的 三文魚屋Lappish Tepee Cafe。

屋內生了個火爐，熱朱古力和咖啡每杯只係€ 3，送餅乾。

三文魚扒伴沙律加麵包(€ 19) – 三文魚鮮嫩肥美，好食。

屋入面好舒服，嘆了足足一個鐘。冇乜好再行了，坐早一班巴士，14:00離開聖誕老人村返火車站。

返火車站才14:30，多了成兩個鐘，想改早一班火車走又要我加€ 5，最後決定四圍行吓行到夠鐘。

其實Rovaniemi個Town冇乜好行，商場我又冇興趣，最後又返去麥當勞上網。

夠鐘返酒店攞行李了，從酒店行返落火車站途中，見到個好Cute的雪人啊！

乘16:11 – 17:29班次火車到Kemi的冰雪堡(Snow Castle)參觀，然後响堡裡食晚飯。

補充資料 :

1.    聖誕老人村(Santa Claus Village)冬季的Office Hour由10:00 – 17:00，最好開門前5至10min到聖誕老人屋門口排定隊，否則遲5min比幾個40人的香港/日本/韓國團排了先，便要等多個幾鐘才見到聖誕老人了。

2.    聖誕老人村(Santa Claus Village)太商業化，人太多太雜，完全冇童話世界Feel，，我比較喜歡Santa’s Resort Kakslauttanen的聖誕老人屋，那裡才像真正的童話世界。

3.    聖誕老人村(Santa Claus Village)的Reception有北極證書買，每張只€ 4.2，另可在Passport打個印，每個€ 0.5。

4.    和聖誕老人吹水和影相免費，但買一張8R相就€ 25，一套5張同款Postcard就€ 30，一隻USB有齊D相和吹水過程再送官方相加Video就€ 49。

5.    聖誕老人村(Santa Claus Village)最寧靜舒適的地方是 三文魚屋Lappish Tepee Cafe，三文魚十分肥美，最好預最少30min入去嘆吓。

6.    乘8號巴士由Rovaniemi火車站去聖誕老人村，來回票每位€ 7.2，車程約30min。

7.    乘火車由Rovaniemi去Kemi每位€ 19，車程約1hr20min，可以上車前才買票，因為改時間要加€ 5。

---待續---