極地追蹤(2) – 芬蘭玻璃屋Glass Igloo@Santa’s Resort Kakslauttanen

芬蘭Santa’s Resort Kakslauttanen的玻璃屋

住進芬蘭酒店Santa’s Resort Kakslauttanen的玻璃屋Glass Igloo，如進入夢幻世界一樣，在冰天雪地的環境中，舒適地躺在有暖氣的玻璃屋內，欣賞芬蘭的黑夜星空，絕對是難得的生活體驗。

極地追蹤 挪威•芬蘭•愛沙尼亞 – Day 1

這次極地極光之旅原本只Plan了請2日假去9日挪威加芬蘭，但因為主打的芬蘭玻璃屋在新年期間全滿，最早要年廿七才有房，只好請多兩日假提早出發，順道去埋愛沙尼亞。

今日零晨01:15乘芬蘭航空直飛赫爾辛基(Helsinki)，上機前先响機場候機室Traveler’s Lounge食宵夜。

<<赫爾辛基>>

飛機準時起飛，準時06:20到赫爾辛基(Helsinki)機場Terminal 2。由於要即時轉駁Norwegian Air 08:45的內陸機北上 Ivalo，要先入境攞完行李再Check-in，時間都好緊迫，好彩飛機冇Delay，兩班機又响同一Terminal，整個轉機過程非常順利，07:30已去到內陸機登機閘，仲有成粒鐘食早餐。

攞住張Priority Pass真好，全世界機場的候機室都可以免費入去食嘢。

赫爾辛基機場Terminal 2候機室 – Lounge 2，位於Gate 24上一層，環境和食物都唔錯。

坐到夠鐘，開始入厠所穿上保暖內衣和長褲，因為落機的地方Ivalo位於北極圈內，中午温度亦只有 –25℃左右。

<<Ivalo>>

內陸機準時08:45起飛，10:25到Ivalo，從香港出發只用15hr便到北極，非常順利。

落機要自己行入去Ivalo機場攞行李，好彩著夠衫褲。

今日天郎氣清，雖然今日的極光指數預測只有“1”，但今晚見到極光的機會都唔細啊。

小太熊Book了Hotel Kakslauttanen的酒店專車，由Ivalo機場直接去Hotel Kakslauttanen，比巴士貴一倍但可以早最少半個鐘到酒店，都化算的。

專車不需30min便到Hotel Kakslauttanen，今日中午氣温係–25℃，冷到手指尖、脚指尖、耳和鼻都非常刺痛。

小太熊其實係Book了今晚住Hotel Kakslauttanen同集團的Santa’s Resort Kakslauttanen玻璃屋，需於Hotel Kakslauttanen乘免費接駁車去。因太早未可Check-in玻璃屋，接駁車要14:00才開出，所以有2.5hr時間參觀Hotel Kakslauttanen。

Hotel Kakslauttanen的木屋酒店

因為呢類木屋以前住過，所以我今次鎖定玻璃屋(Glass Igloo)試一試。

Hotel Kakslauttanen的柴火Sauna房

Sauna房外可以跳落冰湖過冷河，不過冇見過人試。

Hotel Kakslauttanen的冬季限定版冰屋酒店

全部房都一眼見晒，只有張冰床，凍到儍，真係免費住一晚都冇興趣。

行了半個鐘已冷到頂唔順，要入玻璃教堂暖暖個身。

Hotel Kakslauttanen的玻璃教堂

玻璃教堂附近有個厠所，一定唔會攪錯男女厠。

行到Hotel Kakslauttanen的玻璃屋(Glass Igloo)了，好靚啊！不過前面太多樹擋住個View了。

因為出發前看過不少人對玻璃屋的惡評. . . . . 又細、又貴、又冇沖涼、又乜乜、又物物，所以現場見到時比想像中更好啊！

Hotel Kakslauttanen的冰雪教堂

剛巧遇到有人乘馴鹿車去冰雪教堂結緍行禮

睇完行禮，穿過這冰湖便回到Hotel Kakslauttanen的Reception。

返到Reception等車，餓餓哋見到餐廳有熱湯加麵包，但……一碗要成€ 10，真係叫唔落手。忍忍算了。

終於等到14:00，原來Santa’s Resort Kakslauttanen和Hotel Kakslauttanen只需8min車，好快就到。

Santa’s Resort Kakslauttanen的Reception和Sauna Room

Santa’s Resort Kakslauttanen的玻璃屋(Glass Igloo)冇庶冇擋，非常開揚。

要自已用雪車推行李入房

門口好矮，要彎低身才能入屋。

玻璃屋(Glass Igloo)連雙人早餐每晚€ 360。

左邊是厠所，右邊是放行李的空間。

入到屋內又唔覺細喎，而且瞓在床上望天真係非常舒服。

才三點幾已開始日落，忽忽脚出外行吓。

由房行去Celebration House要8min，凍到儍，可能又跌多幾度了。

Santa’s Resort Kakslauttanen的招牌，童話世界一樣的Celebration House。

Celebration House面向冰湖

Santa’s Resort Kakslauttanen另一招牌 – Santa’s Own House，聖誕老人住在這裡。

聖誕老人屋內，今日星期四聖誕老人唔見客，要明天才能見到佢，可惜我明天要走了。

Santa’s Own House旁的紅磚塔

Santa’s Own House旁的馴鹿場

太凍了，行多陣都凍彊。原路行返房。

間房黃昏後一樣咁靚

趁未食飯，先去焗個Sauna，Sauna和香港的分別不大。

沖完涼又要捱凍行去Celebration House食飯，只一分鐘已凍得個鼻刺痛，氣温可能已降至負三十幾度。

入黑後，玻璃屋像燈胆一樣靚。

入黑後的Reception

行到Celebration House附近，看見那些橋、塔和聖誕老人屋，感覺完全身處童話世界，只欠一個聖誕老人。

太凍了，影幾張相便入去Celebration House等食。裡面都好靚啊。

晚上19:30 – 21:30是指定晚飯時間，早了少許入場，影吓相先。

今日的三道菜晚餐每位€ 28，抵食。送的麵包非常新鮮軟熟。

頭盆 – 三文魚沙律，新鮮又好味。

主菜 – 芝士汁煎雞胸，雞肉很入味，但幾鞋口。

甜品 – 紅苺乳酪，夠香甜，有點像雪糕。

個場和食物都很好，可惜遇着個30人的香港團，嘈吵程度和强國團相差無幾。

食完飯返到房才21:00，諗住瞓一個鐘才起身等極光，始終有6hr時差，今日又係第一日，加上瞓在房張床望見滿天星真係好舒服，其實都好想休息。

臨瞓前還見滿天星，心諗隨時可瞓在床上睇極光。

小睡了1hr，22:00起身一望，滿天烏雲，星星也不見了，更加冇極光。

然之後較好鬧鐘，瞓半個鐘便起身望望個天，但天色越夜越衰，01:00還開始落雪. . . . . . . . . 算了，反正今晚極光指數只係最弱的“1”級，即使好天見到極光的機會也不太大，於是大覺瞓，明天再碰運氣吧。

補充資料 :

1.        芬蘭航空香港直航赫爾辛基(Helsinki)，每位來回票價HK$ 10510，機程11hr，年廿七零晨01:15起飛，06:20到埗。

2.        Norwegian Air由赫爾辛基(Helsinki)飛Ivalo，單程票價每位€ 87。

3.        Hotel Kakslauttanen的酒店車，由Ivalo機場去Hotel Kakslauttanen，單程每位€ 24，車程約30min，可用e-mail預訂。

4.        € 1兌HK$ 10.48。

5.        Santa’s Resort Kakslauttanen的玻璃屋(Glass Igloo)內沒有浴室，要沖涼就要行去Reception旁的Sauna房沖。

6.        Santa’s Resort Kakslauttanen比Rovaniemi的聖誕老人村更像傳說中的聖誕老人村，可惜住在Santa’s Resort的聖誕老人只在每年12月至3月逢星期二和五出現。

7.        Hotel Kakslauttanen和Santa’s Resort Kakslauttanen每日只有兩班接駁車來回，不太方便。

8.        芬蘭二月的日照時間約09:00 ~ 17:00。

9.        每日入黑後，在天清、冇乜月光及極光指數强時，北極光隨時在天上出現，基本上唔覺有分什麽時段機會較高。能否睇到超强極光，只視乎運氣加耐力。

---待續---