人間荒漠 新疆 (2) – 飛越死亡之海

在新彊羅布泊的日子，天天都要面對猛烈的陽光，乾旱的氣候和早晚35℃的温差，所有生物都難以生存。

羅布泊是位於中國新疆維吾爾自治區 - 若羌縣以北的一個已乾涸的鹹水湖，乾涸前面積約187平方公里，曾經一度是中國第一大湖泊，但在上世紀六十年代已經完全乾涸並變為一處戈壁灘，漢朝時期羅布泊區域曾經出現一個頗具規模的 樓蘭王國(公元前176年~公元630年)，有800多年歷史。

 

人間荒漠 新彊 – Day 4

<<庫爾勒>>

今日早上11:00從 庫爾勒出發，穿過號稱死亡之海的「塔克拉瑪干沙漠」到  若羌市，途經一條 羅布泊人村，距離500km。

酒店包了早餐，環境唔錯，食物也不是垃圾，只係below average。

早餐之後出街行吓，Mr.Bean又話要買物資入沙漠，四圍搵水桶，最後嘥錢嘥時間買咗又冇用，真戇柒。

呢個好似係Bang字，但見揮春的Bang字又冇咁複雜。

11:00出車了，今日沿途很多沙漠，因為已經進入了死亡之海 塔克拉瑪干沙漠。

13:30到達 羅布泊人村(入場費￥20)。戇豆先生又唔識路，沿途不斷問人才找到這理。

羅布泊人村外圍的土地已完全龜列，環境像人間地獄。 小太陽一步一步地走過這片土地。

羅布泊人村 胡楊樹

羅布泊人村入口，村內展示了從前的羅布泊人生活。

塔里木河 – 塔克拉瑪干沙漠的水源。

羅布泊人亦有牧蓄。

羅布泊人村現在已非常商業化，村內可乘滑翔飛機(￥280～6分鐘)從高空觀看 塔克拉瑪干沙漠全景。

旅客亦可以騎駱駝進入 塔克拉瑪干沙漠。

因為剛剛坐完滑翔飛機，所以決定唔再嘥錢騎駱駝，自己步行進入沙漠算了。

自己行沙漠比騎駱駝更好玩啦，可以避開吵耳聲，清清靜靜。

在村內的沙漠區行到接近16:00才到村內的餐廳吃午餐。

羅布人烤魚(￥50) – 乾爭爭，味又淡，唔好食。

烤羊排(￥65～1kg) – 非常美味，羊肉味香濃烤得又香口，食慢啲都比人搶晒。

離開羅布泊人村後繼續上路400km，飛越死亡之海 塔克拉瑪干沙漠。

<<若羌>>

晚上22:00終於到達 若羌市的 萬豪賓館，在這𥚃住一晚。

雙人房(包早餐)每晚￥138 – 房間殘舊又重煙味，大陸都是這樣的。

Check-in完之後，戇豆先生今日又有新攪作，就係部車的後門門鎖給他撞懷了，架車鎖唔到門。唉……..最後佢整了成個鐘都攪唔掂，點算好??? 好快已經23:30了，附近的食店大部分已關門，唯有唔理佢，我們自己在附近搵食。

最後發現一間餃子店未關門，便入去問問有咩食，老闆話只賣剩一款 豬肉餃子，在回教地方賣豬肉餃子想唔剩都幾難。

豬肉餃子(￥40～100隻) – 味道其實唔差啊，餃皮有口感餡料又有肉味，唔錯。

明天要進入羅布泊區的荒漠了，要連續四晚露營，心情既緊張又興奮。但係，戇豆先生肯定唔識路，現在車門又瓌了，到時唔知有乜意想不到的事發生，衛星電話又壞了，冇得求救………..有點驚驚哋。

 

 

 

 

---待續---