悠嫻 日本關西(1) – 大阪 道頓掘

日本大阪環球影城 綠野仙踪主題公園

日本環球影城位於大阪市郊區，是全世界4個環球影城主題公園之一，2001年開幕，其設計與美國環球影城相近，園內設有 侏羅紀公園河流探險、蜘蛛俠、綠野仙踪主題公園和 大白鯊探險等等，適合以大阪為中心作一日遊。2009年7月和小太熊加兩大長老去了日本的大阪和京都5天，來回香港及大阪的機票只需HK$ 2814。HK$ 8.15兌 ￥100。

悠嫻 日本關西 – Day 1

早上11:00從屋企出發去機場，出發前望到藍天白雲，天氣極好。

午餐在機場的Plaza Premium Lounge食自助餐。

Plaza Premium Lounge買了一張OSIM按摩椅，好舒服架，奇怪冇乜人用。

下午乘全日空航機離開香港，直飛日本關西機場。

<<大阪>>

在關西機場買南海電鐵火車票到 大阪市。

南海電鐵 – 日本私營鐵路，單程車票往大阪難波駅每位￥1390。

到達大阪道頓掘的酒店已經20:30，要趕去食晚餐。

Hotel Vista Grande Osaka雙人房(不包早餐)每晚￥10000 – 房間很細又冇景觀又冇浴場，勝在位置便利。

安頓後即往道頓掘的松葉蟹專門店 かに道樂 大吃特吃............

一進內便看見滿缸生猛松葉蟹

4個人每人叫了一份 全蟹定食share，埋單只需￥20005，相當平，而且味道比香港吃到的鮮甜很多。

蒸松葉蟹凍食 – 鮮甜到不得了，多多都唔夠食。

松葉蟹刺身 – 蟹肉鮮甜，蟹膏香口唔苦cream cream哋，雖然新鮮好味，但連蟹膏都生食好似有啲變態，始終都驚有蟲，試一次算了。

職員即場堂煮另一味蟹湯

松葉蟹豆腐湯 – 食完生蟹飲最啱，湯底冇乜特別，白灼蟹腳一樣咁鮮甜。

松葉蟹肉蒸水蛋 – 好味!水蛋香滑又有蟹香。

松葉蟹肉壽司 – 壽司屬高水準貨式。湯就太清冇乜味。

生蒸松葉蟹飯 – 幾特別，不過味道偏淡。

甜品 – 錄茶雪糕，好香滑奶味又濃。

今餐太好味了，但份量太大，飽到嘔。

悠嫻 日本關西 – Day 2

晨早07:00起身，道頓掘的食店大部份仍未開門，只有 金龍拉麵開24hr，今天早餐試試正宗關西拉麵。

大阪道頓掘 金龍拉麵

大清早已經有幾個上班族在這裡食早餐

自己先在售賣機買票，再到櫃檯攞麵。

义燒拉麵(￥900) – 湯底唔錯，拉麵和义燒都好味。

食完麵，隔離檔 鱆魚丸燒剛剛開檔，順便買幾粒試試味。

等了10分鐘，正宗日式鱆魚丸燒出爐。

鱆魚丸燒(6粒～￥300) – 味道普通，同香港SOGO賣的差不多。

乘地鐵到 環球影城，步出地鐵站便見到人潮往同一方向行。

大阪環球影城(門票￥5800) – 約10:00到達這大門口，今天會在這裡玩一日。

環球影城 好箂塢區

侏羅紀公園 – 是河流探險遊戲，會乘船先在河流睇恐龍，最後升往高處像過山車往下衝。

最後一段激流旅程估唔到十分之跨張，整船人都完全濕透了，好彩冇帶相機上船。

小太熊話我和小朋友爭玩 旋轉木馬。

環球影城 三潘市區 – 恐佈大火災

環球影城 綠野仙踪主題公園

愛麗絲和鋼鐵人，仲有熊大。

獅子王和稻草人會主動遊客玩，佢哋都好得意。

環球影城 紐約區

蜘蛛俠3-D歴險遊

環球影城 芝麻街巡遊

奪寶奇兵劇場

環球影城 Hello Kitty巡遊

今日影城的人流不多，大多數3-D電影和機動遊戲不用等30分鐘便有得玩，一日已遊遍70%地方。行到18:00離開，乘車回大阪市道頓掘。

黑門市場 – 原來商舖已經全部關門，冇嘢睇了。原本想在這裡食晚飯。

在黑門市場附近見到有間閣樓食和牛的炭火烤肉店「李休」，上去試試。

和牛刺身(￥1480) – 人間極品入口即溶，牛香肉嫩，不可不吃。

什錦和牛燒(￥2980) – 香港多多錢都食唔到，肉味香濃牛油甘香，必食。

埋單四位只係￥10192，感動人心的價錢與味道，感覺完美的一餐。

 

--待續--