日本世界文化遺產 – 京都 金閣寺舍利殿
金閣寺(原名 鹿苑寺)是一座位於京都市的佛寺，建於1397年，在1994年被列為世界文化遺產，原址為鎌倉時代的古宅。寺內大部分的建築物都曾因戰亂而被破壞，只有舍利殿得倖免，不幸後來又被一名見習僧人放火燒毀，現存的舍利殿是1955年重新修復搭建。
悠嫻 日本關西 – Day 4
<<京都>>
07:30起身，08:30食早餐，食完休息一陣便check-out，到京都市郊一日遊。
10:30去到京都嵯峨嵐山站。
在嵯峨嵐山站買觀光套票，包括乘觀光火車往 龜岡，的士從龜岡站接駁到保津川河，再乘激流船回到起點，每位￥4500。
先乘30分鐘觀光火車(￥600)到 龜岡。
10:50火車開出，站員歡送我們離開。
小火車沿途不斷過隧道。
火車沿着 嵐山保津川河行駛，沿途的河谷風景幾靈秀，很有日本風味。
火車到一個中途站時，有隻日本魔鬼走上車攪攪氣氛。
火車繼續行，不時遇到玩激流的木船。
到達 龜岡站，乘客都很快落車，差不多全部都有的士接去碼頭上船玩激。
龜岡站 有班大肚小動物歡迎火車乘客。
在龜岡火車站乘的士住 保津川河激流的起點玩激流，約1.5hr的船程散票每位￥3900，由 龜岡返回 嵯峨野。
開始玩激流，看似驚險刺激，隻船其實都幾慢，成船都係亞婆亞伯，連掌舵人都係。
船頭這位最後生了，因為始終都要用力撑船的。
中途有人釣魚。
沿途風景都好好，不時都會有水花彈進船內，個半鐘船程很快便過。
最香噴噴是這鐵板燒魷魚，買了一份(￥400)，都好大份同幾好味。
這艘是餐船，船上的客人在小艇上用餐，十分之寫意。
上岸了，立即見到周總的詩碑，原來周總細個時在日本讀書架，一時友好一時又有仇，呢種動物特性在生物學稱為 隨時變態。
上岸後沿着竹林行20分鐘便到 天龍寺。
世界文化遺產 – 天龍寺，1339年建成，入場費￥500。
天龍寺 書院
參觀完 天龍寺，行路返 京都嵯峨嵐山火車站，途中入了一間地道日本食店食午飯。
大阪燒餅(每件￥730) – 有特色好味道，值得一試。
日式鐵板炒麵(￥650) – 在客人面前即炒，美味又夠鑊氣。
飯後乘車往 金閣寺，天氣開始變得灰灰的。
金閣寺 龍門淹，遍地黃金。
最後一睌，住在京都火車站附近一間日式旅館「若みや」。
京都塔(￥770上塔頂) – 今晚夜遊 京都塔(131m)，睇京都全夜景。
塔頂上有願望牆，個個都寫上自己的願望，唔知會唔會實現呢，始終希望在人間，今生唔實現來世也會實現的。
京すいしん – 晚上食壽司餐，這餐壽司不算頂級，但質素唔錯。
和牛刺身(￥1400) – 比不上在大阪吃的，但比起香港貨已是超水準。
中吞拿魚腩壽司(每件￥580)；板壓鯖魚壽司(4件～￥1300) – 好好味道，抵食。
特選壽司拼盆(￥2700) – 很有水準，抵食。
行到很夜，返酒店時在附近發現間居酒屋，𥚃面的人客大部份是日本麻甩佬，又煙又酒，很地道。
店員全部是勤快的後生仔女。
由於剛才已吃得很飽，只能只叫了小小嘢食試吓，加杯生啤，味道只係一般。
炭燒吞拿魚頭(左)(￥680)；炭燒若雞(右)(￥560)
悠嫻 日本關西 – Day 5(完)
晨早在京都站乘JR特急(￥2980)往 關西機場，再乘09:45班機返香港。整個5天行程都幾舒服，食得招積，住得(1晚)舒適。第時大個中了六合彩再到日本玩3個月。
-----悠嫻 日本關西(完)-----
金閣寺好靚呀!
回覆刪除行程真的不錯!
[版主回覆11/01/2010 17:34:00]如果見到藍天下的金閣寺便好了 ，可惜天氣差了一點點。
這 5 日行程好趕，每日都瞓得好少，所以節目都算豐富。