樂天無價 寮國 • 越南(1) – 夢到 河內(Hanoi)

越南河內 舊城區隨處可見的小販

寮國(Laos)是毗鄰越南和泰國的內陸國家，屬世界少數低度開發的國家之一，中國稱她為 老撾，而台灣和星加坡則稱之為 寮國。龍坡邦(Lunag Prabang)是寮國北部的小鎮，現屬世界文化遺產，但遊人依然未算太多，走在街上感覺還算寧靜。

樂天無價 寮國‧越南 – 序

聖誕節4天紅假期，匆匆到越南河內(Hanoi)和寮國(Laos)的小鎮龍坡邦(Lunag Prabang)玩5日。又係由早行到晚，非常疲累的一個假期。今次發現，東南亞國家連越南和寮國的物價也直迫香港了，在河內食碗牛河要HK$ 16，在街邊坐櫈位飲咖啡都要HK$ 8，坐的士每1km要HK$ 5，榴槤每1kg要HK$ 30；在寮國龍坡邦一間普通餐廳一個小菜要HK$40~50，叫碗白飯要HK$ 5~10。去完這次旅程後，覺得這世界應該再冇可以“平”玩的地方了。

雖然世界的物價這麽貴，但當地人依然很窮，住在山區的小朋友更加係百冇，派點糖已逗得他們滿心歡喜，樂天的笑容肯定比香港的港孩或强國褲易袋多；他們雖然沒有物質享受，但卻擁有樂天性格和笑容，世界就是如此公平。如果我性格樂天又有米就Perfect了。

這次行程只有5天，但係就玩足5日，行程緊密。。。

Day 1 – 早機飛去越南河內，到埗後立即到市內名食店掃街和漫步河內古城；再夜機飛 寮國龍坡邦(Lunag Prabang)，住在世界文化遺產改建的酒店Villa Nagara。

Day 2 – 晨早05:30日出前起身，走到大街買定位等和尚化緣派飯。酒店早餐後乘小船沿眉公河從水路北上到一間Resort – Kamu Lodge住一晚。Kamu Lodge位於山林河伴，對外交通只有水路，旅舍由20個帳幕和一片稻田組成，是近年寮國政府大力發展的生態旅遊項目之一，鄰近有一條住了75個家庭的小村落 – Khamu族村落。中午飯後村莊探訪、射箭、網魚和掏金，晚上在Resort吃寮國小菜，住Kamu Lodge的帳冪。

Day 3 – 在Kamu Lodge早餐後，09:30乘船返 龍坡邦(Lunag Prabang)，途經Pak Ou Caves參觀。中午回到 龍坡邦，先去一間由五座舊建築改建的豪華酒店(龍坡邦第二靚的酒店) –The Luang Say Residence攞房，跟住漫步龍坡邦、睇日落、行夜市、晚上在酒店伴着火爐飲酒。住The Luang Say Residence的上層露台房。

Day 4 – 在The Luang Say Residence早餐後再嘆一陣，11:00 Check-out。跟住去 龍坡邦No.1的酒店 – La Residence Phou Vao做個90min嘅SPA和在泳池伴食個Lunch，跟住往機場，乘黄昏機返 越南河內。晚上19:00回到河內，到數間名食店晚飯後，Check-in河內頂級的古董酒店 – Hotel Metropole Hanoi (Sofitel Legend)。這酒店在河內的地位等同香港半島或星加坡Fullerton。Lonely Planet說，唔住都要行入去間酒吧飲杯野。

Day 5 – 早上在酒店嘆到12:00才退房。中午乘三輪車遊河內市，然後到竹帛湖伴的海鮮店 – Banh Tom Ho Tay食海鮮，跟住行返36古街，食埋 檸檬葉煮田螺便乘飛機離開，深夜回到香港。

樂天無價 寮國‧越南 – Day 1

今日早機，要晨早五點半起身，乘08:45班機去 越南河內，飛機遲了35分鐘才到埗。

<<河內>>

由於今晚要夜機飛 寮國，要在機場keep行李。好在河內Noibai機場真係有行李寄存，而且價錢超平，比歐洲和關島好得多。

在機場換了越南盾後，第一時間乘的士(Mai Linh Group)(1km ~ VND 11200)到位於河內市法國區的名河粉店 – PHO Thin，車程足要60min，冇兜路都行了33km，超遠。

11:50到達河內行程第一站，名河粉店 – PHO Thin

未入門口已覺熱力迫人

大廚工架十足，快手快脚應付人客潮。

店內人山人海，但人流很快，因為又迫又唔好坐，個個都食完即散。

找到位坐定後不用點菜，伙記已送上一碗熱辣辣的 燒牛肉湯河，因為這裡只賣這碗湯河。

燒牛肉湯河(VND 40000) – 湯底清甜，牛肉有炭火香，河粉超滑，上佳之選。但始終及不上在 胡志明市PHO Le吃到的極品湯牛河。免費油炸鬼太油唔好食。

食完牛河，沿路向北行1km到市中心 還劍湖(Hoan Kien Lake)，感覺勁似杭州西湖。還劍湖中有一小塔和寺廟。

還劍湖心Tortoise Tower

沿還劍湖西邊行了半個湖，再轉入小街Hang Hanh，到達“飲食男女”大力推介的雞絲米粉店Café 29。

Café 29 – 飲食男女 講到佢天上有地下冇，仲話每日中午前賣晒便收檔，所以要急急腳13:00前趕到。

Café 29煮雞絲米粉的亞姐，手勢非常熟練。

雞絲米粉(VND 30000) – 湯底幾清香但不及PHO Thin，雞絲有雞味，米粉也夠滑，好味的，但沒有飲食男女講得咁正，有點失望。

食完米粉，向北行入舊城36古街。舊城36古街是河內的舊區，區內佈滿小商店、小販檔、路邊咖啡店、啤酒店和古屋，可見盡河內的特色，是河內市最值得遊覽的地區。

舊城36古街的建築物大致如下，其實都似香港的戰前樓。

舊城36古街有很多古廟和專載遊客的三輪車

河內和胡志明市一樣超多電單車，而且不定向亂走，睇落都唔敢過馬路，但慢慢慣了又唔係太驚。

舊城36古街的雜貨店

舊城36古街的舊式理髮店

香港比較少見在街邊剪髮了

舊城36古街路邊隨處都見的小販和大排檔

法包 – 不過冇試，唔知有冇胡志明市的好味。

有機會真係想試試這些蒸蟹

炸蟹仔 – 見到都食唔落。

士多啤梨大大粒，但食唔落了。

行到白馬寺發現有榴槤賣，VND 70,000~1kg冇價講。

這個榴槤約1.5kg收了我VND 100,000，比胡志明市平，而且見佢生意甚好未停過手，本地人一樣收這個價。

坐在隔離咖啡店，即開即食。

全個榴槤有4大舊但亞姐開時跌了舊落地下嘥左 >_<

樹上熟榴槤(VND 100,000) – 這榴槤一食就知係今早樹上熟的正貨，外皮乾脆肉又香又Cream，完全比得上檳城和怡保食到的好野；凍黑咖啡(VND 15,000) – 這檔咖啡是在河內飲過最平和最靚的咖啡，香滑濃郁，飲完齒甲留香。

熱牛奶咖啡(VND 15,000) – 和凍咖啡一樣咁香滑。

藤行街87號(87 Pho Ma May)古屋 – 舊城36古街唯一開放的民居，普通舊屋一間。

Café Lam – 轉多個彎便到舊城36古街的名咖啡店，人多到要坐晒出街。

Café Lam舖內的亞姐沖咖啡極快手

熱牛奶咖啡(VND 20,000)；熱黑咖啡(VND 20,000) – 坐了出街飲，只係普通嘢，下次來河內唔會再飲。

飲完咖啡行返出還劍湖，遊湖心的玉山寺(VND 10,000入埸)。

玉山寺外很多越南女生影相

還劍湖 – 玉山寺

行了5分鐘便入返舊城，到法國餐廳Green Tangerine三點三。

Green Tangerine – 裝飾很優雅，坐在花園飲杯嘢休息吓真係爽。

越南啤(VND 59,000) – 味普通；熱咖啡(VND 45,000) – 飲完口酸的劣貨。

Delicacies Plate(VND 135,000) – 難食到差點爆粗。

Passion Fruit Tart with Ice-cream(VND 135,000) – 妖….. 點會咁很難食架，不知所謂。

只有好環境但又貴又難食的一餐。

河內最後一擊，在街檔飲生啤。

河內生啤(VND 8000) – 味清淡易入口，整個行程唯一覺得又平又正的東西。

河內大教堂 – 有布拉格的魔鬼教堂feel，今日只路過，過幾日回程時再入內參觀。

路過完大教堂，在路邊等了15min才有的士去機場，係Mai Linh Group的士，這架 1km~VND 13,200，比早上貴，但價錢貼了在車身，唔係呃人。

去到機場只一間餐廳，幫襯佢食些一東西。

雜菜湯河(USD 4.4) – 清清地夠飽肚。

牛肉湯河(USD 5.5) – 味道整體上都合格啦。

<<寮國 龍坡邦(Lunag Prabang)>>

由河內飛 寮國龍坡邦(Lunag Prabang)要90min，飛機準時21:50到達，機場外的找換店已關門，大鑊了。

由龍坡邦飛機出市區只有Pre-paid的士，收美金的，每程USD 6。

龍坡邦(Lunag Prabang)位於寮國北部眉公河伴，全個Town都係世界文化遺產，很多民居已被改建成酒店或餐廳。

酒店Villa Nagara – 今次住眉公河伴民居改建成的酒店，伴住這個眉公河景。

雙人房(包早餐)每晚HK$732

當晚熱水爐壞了，15℃要沖凍水，wooooooo….. 明早05:00要起身睇和尚化緣。

補充資料 :

1.    USD 1分別兌越南盾VND 21,000和寮國基普KIP 8000。

2.    龍坡邦機場的兌換價比市內高0.5%，越南盾不論機場和市區的兌換價都差不多。

3.    港龍香港來回河內機票每位HK$5620(早去晚返聖誕價)。

4.    越南航空河內來回龍坡邦每位HK$2164。

5.    越南多次入境簽証HK$550，香港的越南領使館做。

6.    寮國可在機湯做落地簽証，BN(O)和特區護照都係USD 31，只收一張相。

7.    河內的士有很多公司，即使同公司價錢亦架架唔同，但價錢全都貼在車身上，按標收費。我分別坐過Mai Linh Group、Noi Bai Taxi和Honoi Tourists Taxi，全都沒有兜路。

8.    的士收費大致上收1km ~ VND 10,500, 11,200或13,200，視乎公司和車種而定，從機場出市區還劍湖約31km，需時45~60min，Noi Bai Taxi在車身寫明劃一收費(連公路費)VND 315,000，其他公司雖然冇寫價在車身，但酒店職員說比 USD16(即約340,000)便可以，貴車跳標會跳到VND 400,000。

9.    越南和寮國近年物價飛漲，大都份食物和入湯費都比2008年版Lonely Planet的資料高了約一倍。

10.龍坡邦飛機場出市區只有Pre-paid的士，收美金的，每程USD 6或KIP50,000。

11.龍坡邦市的找換店08:00開門。

---待續---