德國 • 豪情 • 生活(2) – 奥地利童話小鎮Hallstatt

童話小鎮 奥地利Hallstatt

奥地利小鎮Hallstatt係世界文化遺產，亦被<國家地理>評為世界最美的小鎮，最近甚至被强國人在惠州老Dup了一個 依貓依young的小鎮，你話正唔正呢！實話實說，Hallstatt真係我見過的小鎮中最靚的頭三位，可惜自從佢在强國響朶後，現在已有超過一半遊客係強國人，佢係咪仲可以好似以前咁Keep住個仙景，希望啦. . . . .Hallstatt真的很細小，慢慢行個幾鐘乜都行晒，但要响度住一兩晚，食吓飯再去埋附近景點再遊吓湖，才可感受佢與別不同之處。

德國‧豪情‧生活 – Day 3

<<慕尼黑(München)>>

今日又係天陰微雨。因為比間衰酒店GHOTEL hotel & Living München呃左去間遠離火車站的分店，今日要早20分鐘出門，所以06:00便要起身。今早乘火車從 慕尼黑去奥地利小鎮Hallstatt，在這個被稱為世上最美的小鎮同小太熊過中秋。

一早去到慕尼黑火車站Lock大行李，見到都幾哪渣，差啲以為自己去了印度。

在車站的Burger King食早餐後，乘07:27火車左轉右轉，轉到11:25才到Hallstatt火車站，沿小路行3分鐘便到碼頭。

<<奥地利Hallstatt>>

Hallstatt火車站旁的小碼頭

從碼頭乘船到小鎮Hallstatt Markt只需10分鐘，可睇到小鎮最靚的一面。

出發前見人地個個啲相都出太陽，但我見唔到了。在Hallstatt過的21小時都係天灰，仲間中微雨，連山頂都見唔到，攪到原本想去的新景點Dachstein Five Fingers和Dachstein Ice Cave都去唔到，真係黑仔。

影了一陣相隻船便到小鎮Hallstatt Markt了，見到小太熊Book了的全鎮最靚酒店，就係橙色果間Seehotel Gruner Baum。

高處的教堂就係 – 人骨教堂

剛落船便有天鵝歡迎我啊

太早酒店房未Ready，先入教堂來個早禱~~~神啊！要天晴呀！！

神冇理到我，唯有先從小鎮碼頭行去纜車站，沿途影吓相。

由於大霧到遮住了山頂，唔適合去新景點Dachstein Five Fingers和Dachstein Ice Cave，唯有去小鎮隔離山上的 盬礦洞(Salzwelten)。盬礦洞位於半山，由小鎮上去可以行山或坐纜車，由於時間關係，我選了纜車來回。

盬礦洞山下的纜車站

纜車只需5分鐘便上到半山

上了半山望向附近的小鎮，如果天氣好，會望到對面山頂的Dachstein Five Fingers。

從纜車站要再向上行多20分鐘才到盬礦洞，去到剛好有團出發。

盬礦洞口，從這裡入洞觀光，整個過程約60分鐘。

跟着導遊穿過一條又一條佈滿盬花的隧道

去到中段有兩條滑梯玩，幾適合小朋友。

跟住再行、行、行。

小太熊又開始話悶了，大鑊. . . .

差不多尾段有個小盬池

最後坐呢架盬礦小火車離開山洞

可能我以前去過奥地利的其它大型盬礦洞，這個盬礦洞連我都覺得有D悶。

落山前，在這餐廳坐底嘆返陣先。

啤酒Zipfer(500ml ~ € 4.5)；咖啡( €2.8)；朱古力餅Sacherschnitte(€ 4.5)

落返山下，比早上更加多强國人了，景靚但Feel麻麻。

夠鐘攞房，先看看今晚住的那間橙色酒店Seehotel Gruner Baum，佢位置係全小鎮最好的，位於湖伴和廣場，行去碼頭只需2分鐘，小太熊揀了好耐，仲好早Book定。面向廣場有好多房，不過唔我鐘意。

小太熊好叻，Book了最靚那間房，即位左邊最高向湖那一間大露台房。

雙人露台房(連自助早餐)每晚€ 190

間房位置開揚，露台超大，私隱度高，好正，物有所值。

在房嘆夠後，去人骨教堂看看。

人骨教堂放了1200個當地居民的骨頭，由於Hallstatt的墓地太小，亦不能擴大，因此當地人死後下塟12~15年後，便要起骨放進這密室。

Hallstatt人骨教堂

沿路向北行，便望到這個角度下的Hallstatt Markt。

返酒店休息一陣，約18:00食晚飯，今晚去廣場一角那間屋外長滿植物的餐廳ZAUNER食鱒魚全餐。

餐廳ZAUNER

當晚餐廳有一半客係强國人. . . . . 繼元朝之後，强國又再次打到去歐洲了，希望今次唔會把歐洲大陸化，買起晒Hallstatt的鮮魚，攪到當地人冇魚食啦。

Henkel Trocken(€ 22) – 德國Sparkling Wine，味道很清香的氣酒，送魚一流。呢支嘢惠康賣HK$169，初初覺得間餐廳賣得好平，後來發現德國超市只賣€ 6。

煙三文魚伴多士沙律(Marinated Salmon Trout)(€ 8.2) – 煙三文魚鮮嫩肥美，香港絕對食唔到這麽高品質的煙三文魚。

鱒魚肝伴牛油多士(Liver of Trout on buttered toast)(€ 7.9) – 鱒魚肝有濃烈肝味，先苦後甘香，令人迴味無窮，同支氣酒味道好夾，我勁鐘意食，但小太熊話大苦唔多肯食，仲好，我食晒都唔夠。

土產魚子醬(Caviar of the Hallstatter fish “Babypillen”)(€ 8.2) – 又係好嘢，真係同上次响莫斯科食的幾舊水港紙貨式差唔多，甘香彈牙，抵食又好食。

燒鱒魚(Grilled Trout)(300g ~ € 14.7) – 魚味鮮甜，皮脆肉嫩，品質極高的一條鮮魚，睇返張相諗起都流口水。

呢餐飯好滿意，但卻係整個旅程最好的一餐，其後日子再冇這麽騖喜了。

夜晚的Hallstatt Markt廣場，好靜好舒服。

餐廳就在自己酒店對面

返自己房的露台再嘆夜景。

今次帶了個榮華月餅來過中秋，原本想和小太熊在滿天星光的湖伴賞月，那知來到歐洲後未見過太陽和月亮，幸好，在露台坐了一陣後，天上的厚雲居然穿了個洞露出月光，雖然30分鐘後又遮返住，但都算不幸中之大幸了，做人邊有咁Perfect吖。

補充資料 :

1.     乘火車從德國慕尼黑去奥地利薩爾斯堡(Salzburg)，車程90min，雙人單程票€ 29。

2.     乘火車從奥地利薩爾斯堡往Hallstatt，慢火車車程135min，雙人來回票€ 98.4。

3.     Hallstatt碼頭乘船到Hallstatt Markt小鎮只雲10min，每位€ 2.4。

4.     盬礦洞加來回纜車每位€ 26，住Seehotel Gruner Baum送€ 2現金券，記住問酒店攞。

---待續---