斯里蘭卡 全接觸(1) – 晨曦下的漁港Negombo

斯里蘭卡西岸漁港Negombo(尼甘布) 日出

Negombo(尼甘布)是斯里蘭卡(Sri Lanka)西岸的魚港，距離機場只有12km，離Colombo有50km，市內的魚市場在國內相當出名，位近潟湖，魚產豐富，每朝凌晨漁民都會把捉到的魚獲送來拍賣，但緊記. . . . 復活節Good Friday是休市的。

小太熊終於決定要去斯里蘭卡(Sri Lanka)了，由於佢未去過的短線地方已經去少見少，斯里蘭卡的機票冇乜加價而且佢又未去過，所以小太熊便決定帶禾重遊舊地，去這個禾十九幾年前已經到過的地方，等禾可以温故知新。

講起 斯里蘭卡(Sri Lanka)這地方，禾早在1999年便到過了，那時HK$ 1只兌斯里蘭卡盧比Rs10，今日已經可以兌Rs17了，你話啲錢幾唔值租呢。當日<英國‧斯里蘭卡 遊走天地間17天旅程>去了斯里蘭卡3個古城(Polonnaruwa、Sigiriya和Dambulla)、Yala National Park、Kandy和加勒，所以今次小太熊就重㸃帶禾去高地茶園見識吓。

今次行程只有短短6日，來得匆匆去亦匆匆。這次計劃行程如下:

Day 1

乘機到星加坡，食個榴櫣後再轉飛斯里蘭卡，到埗後乘包車往Negombo。

Day 2

晨早遊Negombo魚巿場，跟著包車往大象孤兒院Pinnawela Elephant Orphange，然後再到古城Sigiriya和Dambulla，晚上住好嘢，位於Dambulla Rock Temple附近的Heritance Kandalama (Dambulla)。

Day 3

在酒店食完早餐後出車往Kandy，行2粒鐘後直往位於Nuwara Eliya茶園內的英式古宅旅館Stafford Bungalow Nuwara Eliya，在旅館下午茶和晚飯。

Day 4

早餐後在附近茶園逛逛，然後往世界文化遺產Heritance Tea Factory Hotel摘茶葉和品茶，跟著乘火車往斯里蘭卡高地小鎮Ella。晚上住好嘢98 Acres Resort，在酒店晚飯。

Day 5

早上在自己房睇日出，然後食早餐和游水。09:30出車往Lipton's Seat。最後預留6hr車程返Colombo，晚飯在Colombo最Top的海鮮餐廳Ministry of Crab食2.5kg重的斯里蘭卡肉蟹。晚飯後往機場，乘零晨機往星加坡。

Day 6

晨早到星加坡，先食黃亞細肉骨茶，再食 結霜橋Laksa，最後食埋My Rice海南雞飯便乘機返香港。

斯里蘭卡 全接觸 – Day 1

今日又出發了，登機前例牌在機場候機室坐坐先，近2年的Plaza Premium Lounge經常排長龍，今日又排了20min才入到場，有乜咁Premium吖。

大排長龍的香港機場Plaza Premium Lounge

<<星加坡>>

飛機今日準時起飛住星加坡，有3hr45min時間轉機，夠時間出去嘆個馬拉榴槤。

由機場可以乘地鐵到EW9站(Aljunied Station)，出站行8min到Geylang Road和Lor 17交界，便到今晚的Target<旺德福>水果檔。

  

星加坡榴槤街水果檔 旺德福

今日唔係好多榴槤，而且價錢比2013年貴了35%。

除了榴槤，芒果都又大又靚。

2kg 貓山王(S$56) – 好香濃好好食，但味道始於不及大馬吃到的榴槤，而且2013年時每1kg只賣S$20，現在要S$28了，附近檔檔都賣這個價。

這貓山王榴槤的皺紋好靚，外皮脆口彈牙，果肉夠cream，偏甜帶小小甘苦，小太熊話好正。

食完貓山王同老細要多個蘇丹王，但老細㨂極都話唔靚，最後開了一個比我試，真係唔掂喎，老細都冇迫我要，把開了的榴槤放埋了一邊就算，冇收我錢。哇！在星加坡食榴槤真有保證，正式唔靚唔收錢，香港邊有咁好吖。

從旺德福的Lor17行到Lor11都很多榴槤檔，而且更多貨，價錢冇乜分別。

食完榴槤坐地鐵返機場，去候機室Ambassador Transit Lounge等上機。

這候機室環境好好，可以沖個涼再上機，一流。

<<斯里蘭卡>>

飛機準時起飛，3hr40min飛到斯里蘭卡了，好快去到入境櫃位，諗住好快入到境啦，㸃知入境櫃位果位斯里蘭卡同志受了港共的教育，搶先在當地實施了一國一制，即係把禾本特衰護照同支那護照睇齊，佢話<康江即係支那>喎，要禾返轉頭先攞落地簽證才可入境........比USD 35，曉....不知所謂，我1999年用特衰護照去斯里蘭卡已經免簽証啦，玩晒嘢。

本來想排第條隊試吓，但條龍已經很長了，再排如果又入唔到境，今晚又要再瞓少半個鐘頭了，唯有死死氣買個落地簽證先。

比完USD35，只有張收據，Passport冇任何記錄，我和小太熊便排了第二條隊，入境時我特登唔比個簽證佢睇住，今次這個職員冇講任何嘢便打了入境印，呢位人士.....定係一國兩制的支持者，按照法律和規則做嘢，可惜禾排錯隊在先，2個人白白唔見USD70，鹵味。

成功入境後，見到禾個各牌，接禾機的司機在等啊，因為叻叻的小太熊早就用e-mail 包了4天包車，今個行程完全唔駛禾揾交通，正。

<< Negombo(尼甘布)>>

從機場去Negombo的酒店Choy's Waterfront Residence只要13min車，但去到已經深夜了，伙記瞓晒覺，要門口的食蕉叔叔call足佢25min才現身替禾check-in，差點嚇到禾以為今晚冇房瞓。好彩食蕉叔叔好人，不的替我追call，否則實最少等多30min。

  

Luxury Room雙人房連早餐(HK$524) – 位於頂層，從露台可以望見海景和日出。

今晚入境時被浪費了30min，check-in時又浪費了25min，今晚瞓少成粒鐘，好彩响2程機上都瞓到覺，唔覺十分攰。

斯里蘭卡 全接觸 – Day 2

昨晚整晚閃電但冇落雨，瞓得麻麻。今朝05:30要起床了，趕得切睇日出。

晨光下的Choy's Waterfront Residence，外觀其實幾靚。

日出了，左邊那座摟便是Choy's Waterfront Residence，位置極徍。

天色越來越靚，漁民們亦開始要幹活了。

漫天烏鴉亦開始四處覓食。

漁船泊滿岸邊，死火，唔通今日放假冇人出海打魚？

從酒店行10min便到魚市場，屎啦，鬼影都冇隻，今日真係假期休市呀。

Negombo魚巿場，靜ing ing乜鬼都冇得睇。

唉吔~好失望呀，第一個行程便食白果. . . . . . . 唯有求其四圍行吓啦。

小太熊第一次來斯里蘭卡，覺得除街閒逛都好多嘢睇好新鮮喎，唔駛次次都星馬泰台灣日韓甘悶喎。

滿街都見到天主像，還有幸福郵筒添。

荷蘭要塞遺址   冇乜睇頭的古蹟。

自己去旅行的好處，就係可以近距離感受當地民生。

從剛才的魚市場行20min過2條橋，便到Lonely Planet介紹的另一個魚巿場，但都係冇開。

幸好旁邊一個小型街巿有開檔，都好多人氣。

街市內賣的魚獲都好渣，全部都係海死魚毛蝦毛蟹毛，陣陣腥臭味好鬼臭。

最大條係吞拿魚，但未見有成交。

當地很流行賣這種獎卷，唔知有冇六合彩甘勁呢。

Negombo市中心的Clock Tower。

Negombo市運河Hamilton Canal。

除了檳城和怡保，連Negombo都滿街壁畫。

斯里蘭卡Tuk Tuk係當地主要交通工具，過2日禾都會坐吓。

整個Negombo舊區都很Colourful，電線滿天飛。

Negombo(尼甘布)火車站，每日只有十多班車，唔算繁忙。

火車站售票處，有英文字方便遊客買票，可惜旅客真係少。

月台上 等車的都是當地人。

火車的車箱十分殘舊，相當有懷舊味。

Negombo市的戲院，今日假期冇開門。

戲院的職員見到禾在外面四圍影相眼望望很好奇的樣子，便友善地請我們入去參觀，非常好客。

戲院的大堂和賣票的地方。

斯里蘭卡人實在很友善好客，不像印度人(雖然樣子很似)，遊斯里蘭卡不需要像遊印度那樣事事提防。

07:30回到酒店食早餐，味道就麻麻，但見個環境都好好。

早餐有水果碟和麵包，只有小杯果汁，唔夠水飲。

奄烈一件，普普通通啦。

約了司機08:00出車，佢早15min便到。部車都幾舒服架。

司機叫Namal，USD400包了佢4日車，佢全程都非常準時，態度亦很好，可惜衰了收尾，攪到這次斯里蘭卡之旅欠了Perfect。

補充資料 :

1.        乘星航經星加坡來回斯里蘭卡，每位HK$5703。

2.        S$1兌HK$5.73(滙豐價)。

3.        USD1兌斯里蘭卡盧比Rs130 (Colombo機場價)。HK$1只兌Rs16，用美元換着數啲。

4.        從星加坡機場乘地鐵到到EW9站(Aljunied Station)，車程25min，車費S$2.1。從EW9站行8min至Geylang Road和Lor 17的交界便是星加坡榴槤街。

5.        Colombo機場的滙價間間找換店一樣。

6.        斯里蘭卡包車4天(連機場接送)，全程行大約800km，共收USD400。已包括司機食、宿、雜費和油費。

7.        遊斯里蘭卡我不建議用特區護照入晚，因為我在機場接觸到幾個斯里蘭卡政府的同志已把香港和支那等同。為免不必要的誤會，用BN(O)入境最穩陣。

8.        這次旅程按觸到的 斯里蘭卡人全都好客熱情，民風像淳樸。

---待續---