斯里蘭卡 全接觸(2) – 世界文化遺產 • 古城Sigiriya(獅子岩)

斯里蘭卡 世界文化遺產‧古城Sigiriya(獅子岩)

Sigiriya(獅子岩) 是斯里蘭卡一座建於1500年前古代王朝的宮殿，位於小鎮Dambulla附近，距舊首都Colombo約170km，位於高約200米的「獅子岩」上，現在的宮殿只剩餘牆脚，及位於岩石中間的古代壁畫，屬世界文化遺產，級數等同印尼的婆羅浮屠和柬埔寨的吳哥窟。

斯里蘭卡 全接觸 – Day 2

繼續上一篇行程。因為小太熊食完早餐後想飲可樂，我便在酒店買了支細可樂(Rs30)比佢飲，所以遲了小小，司機08:10才能出車。今日我預計先用90min到75km遠的Pinnawela Elephant Orphang(大象孤兒院)，但因路面太多慢巴士和地盤車頂住，要10:00才到大象孤兒院，好彩啱啱趕到象仔的沖涼時間。

講起大象孤兒院，話說斯里蘭卡以前係野生大象天堂，但當死英國洋鬼子來到後，大量獵殺島上的善良象象，其後這島國又逢內戰，很多象象誤踏地雷，令大量象仔孤兒出現，善良的斯里蘭卡人便成立了全宇宙第一所大象孤兒院，收留傷病老弱的大象，令佢地唔駛咁慘慘，係味考緊動呢。

<< Pinnawela Elephant Orphang(大象孤兒院)>>

象仔們從孤兒院出發經大街行去河邊，個小象Pat Pat好大呀。

象仔在象伕陪同下走落大河上玩水了。

嘩！已經好多象仔玩緊水了，好好好得意。

有些象仔直頭玩浸浴，有些玩噴水，自得其樂。

象伕們替象仔們擦身

見到象仔的脚板底了，好得意呀。不過佢此鐵鍊鎮住好慘。

小象象們的樣子都好乖好可愛。

小太熊用USD 2買了些香蕉餵象仔，有些鬼妹亦一齊餵。

哇！象仔好為食，食完蕉未夠飽要食埋禾隻手呀，佢條脷原來好滑架，一啲都唔覺核凸，非常開心好玩。

同象仔玩完，便上餐廳飲杯凍檸茶(Rs400) 休息吓。

最後才知原來可以自備泳衣和象仔一齊沖涼玩水，算啦，16年後再來玩過，下次入埋孤兒院內餵象BB飲奶和騎大象。

玩足1hr都夠皮了，11:00離開，直往古城Sigiriya，原本100km的路程禾只預了2.5hr車程，但因修路大塞車，要14:50才到Sigiriya，唯有行快兩步遊快啲啦。

<< Sigiriya(獅子岩)>>

斯里蘭卡古城Sigiriya(獅子岩)

巨岩山下很多牛牛悠然自得地Enjoy。

斯里蘭卡咸濕壁畫 – 上到半山，重見這些咸濕壁畫了，1500年歴史文物泥架，保存得很好，16年都冇變過。聽講話1500年前那個皇帝好屎鐘意睇呢啲畫，睇完佢仲會”Very Happy”添。

走過這對招牌 獅子脚，上多10min鐵梯便到山頂王宮了。

小太熊話禾今日比唔夠水佢飲，天氣又熱，禾又冇水在身，剛才在入口有檔水禾又唔買，攪到佢缺水上唔到啦喎，所以要禾自己上山，佢齋睇對 獅子脚夠了。

Sigiriya(獅子岩) 山頂 –宮殿只剩餘牆脚，景色和下面差不多，小太熊唔上來都冇所謂啦。

由於早前大塞車，所以遊Sigiriya的時間由預算的2hr減到1.5hr，匆匆忙忙行到16:20便離開，住Dambulla Cave Temple進發。從Sigiriya到Dambulla Cave Temple雖照只有20km，但都要25min車程。

<< Dambulla>>

Dambulla Cave Temple山下入口



Dambulla Cave Temple位於山上，從入口要住山上行15min，行到身水身汗時便到了。

進入這門口便是Cave Temple了

Dambulla Cave Temple – 整座佛廟建於山洞內，外觀很特別。

岩洞內放滿佛像，亦畫了很多壁畫，連天花都有。

在石窟廟只停留了50min，17:35離開。原本預算15min去到今晚的酒店Heritance Kandalama (Dambulla)睇日落，點知個司機行錯路miss了個路口，要禾睇i-phone定位才發現行錯路，最後短短9km路程攪足45min，18:20才到酒店，在車上看着火紅的太陽下沉，心都痛埋啊。

Heritance Kandalama (Dambulla) –來到時太陽已完全落山了，只餘下彩雲。

很多人客在酒店的夕陽湖景下嘆鍚蘭紅茶，爽爆。

泳池面向湖景，日出日落都咁靚。

看着天色由金黃變紫紅，假如司機冇行錯路，早25min到埗睇晒整場日落便Perfect了。

睇完日落才得間飲這杯Welcome Drink。

大堂有專人吹簫，氣氛很好。

夜晚看這酒店外觀一樣甘靚。

大堂酒吧有鋼琴伴奏

Panoramic Room雙人房連早餐(HK$2005) – 房好大又舒服，但露台view全被樹遮住。

在酒店四處參觀時，發現有Cave Dinning，只招待一枱，好high呀，但都幾熱，比禾實一邊食一邊必汗。

最後揾到間有冷氣的自助餐廳，全場爆滿啊。

都好多嘢食，甜品好吸引。

即炒飯麵檔在户好，夠細心。

自助餐每位Rs3350，味道很好，抵食。

即炒海鮮麵 – 工架十足，夠鑊氣味道亦好。

斯里蘭卡水牛乳酪 –是斯里蘭卡特色甜品，很香滑又夠酸，當地人愛加蜂蜜吃，好有特色，我好鐘意，但小太熊唔like。

特色雪糕 –很古怪的甜品，值得試吓。

今日行程很豐富，只可惜中午大塞車司機又行錯路攪到miss了日落，有些不完美。

補充資料 :

1.        由Negombo去Pinnawela Elephant Orphange(大象孤兒院)共75km，因路面上太多慢車要不斷超車，車程需時1hr50min。

2.        Pinnawela Elephant Orphange(大象孤兒院) 每天均會安排大象到河邊沖涼，分別10:00 – 12:00及14:00 – 16:00，仲可以和大象一齊沖涼玩水、騎大象和餵奶比象BB，基本入場費Rs2500，另每項活動另加少少錢和Tips，應預最少2hr停留。

3.        睇大象沖涼時可買些香蕉(USD 2)餵佢地，象伕們會主動替你影很多相，影完便會問你攞USD 3，我覺得價錢OK，因為玩得真係好開心。你亦可自備泳衣和象仔一齊沖涼玩水，當然要另外再計啦。

4.        由Pinnawela Elephant Orphange去Sigiriya只有100km，但因路面上太多慢車和因修路而塞車，車程需時3hr50min。

5.        Sigiriya入場費Rs3900，應預約2hr停留。

6.        Sigiriya內有很多當地人熱心扶你上石級，扶完後全部會問你收錢的，禾當然冇中招啦。

7.        Dambulla Cave Temple入場費Rs1500，應預約1hr停留。

8.        斯里蘭卡的日出和日落都好靚，色彩明顯比其她國家鮮艶多變。

---待續---