斯里蘭卡 全接觸(5) – 古國鐵道 漫遊山城 • 茶園 • Ella

斯里蘭卡山城Ella最美的酒店<98 Acres Resort>

斯里蘭卡中部的高山除了茶園之外，還有一條貫通高山部份小鎮和西部沿岸的鐵道值得遊覽。Ella是衆多高山小鎮中最值得到訪的小鎮，小鎮被山林包圍着，靈氣迫人，Ella其中一間酒店<98 Acres Resort>更加係位置無比優越，一生最少往一晚的酒店。

斯里蘭卡 全接觸 – Day 4

<< Nuwara Eliya >>

繼續上一篇行程。

14:25離開Tea Factory後，叫司機驅車直往20km遠的Nanuoya Railway Station，因為中途轉錯了路口兜遠了5km (15min)，13:20才到達火車站。

今日專程來這裡坐Local火車往Ella，因為這段高地的火車出名風景優美，沿途都係山林和茶園，亦可以近距離接觸當地人感受一下當地的民生和習俗。

火車坐位分成頭、二和三等，票價分別係Rs1000、600和400，建議係坐二等最好玩，因為頭等係冷氣車箱，不可以開窗冷氣又唔多夠，三等就太迫人，二等就最好了，人唔算多，而且可以開窗，加上這段路位於高地，氣溫清涼，所以我買了頭等票都走了去二等度坐。

火車時間表，唔準時的，我坐那班車遲了75min。

如果唔坐位，票價平很多。

15:20去買票，可以買15:00那班車，因為票務處話班車16:00至到。

Nanuoya Railway Station位於山坡上，唔太繁忙。

月台等車的人唔多，遊客甚少。

這位小朋友見我揸住相機，主動叫我同佢影張相，他們對遊客很友善啊！

當然啦，如果當地好似康江咁多遊客，仲攪到影響晒當地人嘅生活，相信佢地一樣會唔like。

火車16:15才到站，人們都好興奮啊！終於等到了。

上車時，有位遊客拿著16:00班車的車票上車，站員唔比佢上呀，話這班是15:00的班車.....嘩！好彩冇一早買定16:00班車的票，否則....on9了。

頭等車位最少人，但我坐唔夠10min便和小太熊走了去二等車卡。

開車了，沿途都係山林和茶園。

有兩位老外小朋友勁大胆，伸個人出車都夠胆，未死過。

呢個人又想學人玩又冇胆，唔敢把手腳伸出車外，冇鬼用。

沿路見到不少佛像

還有真正的茶廠，唔係酒店泥架。

入隧道了，一條接一條，連續過了很多條。

其他遊客都好High，不停伸出車外影相。

途經幾個小車站，只有少量乘客上落車。

整段車程中，不論本地人和外國人都咁興奮。

又起行了，列車左右邊風景同樣開揚。

列車不斷向上行，越來越高，氣溫亦越來越清涼。

又開始不停穿越隧道了。

列車走到深谷橋和茶園了，鬼妹High到爆，成個身伸晒出車。

這鬼仔算時運高了，伸個人出車外坐了個幾鐘都冇乜損傷。

深谷橋一條接一條

80min後來到大站Haputale了，如果去Lipton茶園就在這站落車。

日落了，今日雲非常厚，看不見太陽，但天色十燈紅。

<< Ella >>

坐足2.5hr，終於在18:45到達Ella，天色黑晒了。

Ella火車站，很細但是很多人。

Ella只是個細小的高地小鎮，來到這裏主要目的係行山或是住禾一陣去的酒店<98 Acres Resort>。

<98 Acres Resort>離火車站3km，位於山邊，只有12間房，每間房間都一望無際，壯觀非常。原本預算17:45便可以Check in，在房裡睇日落的，可惜司機兜錯路火車又遲大到，令完美的旅程計劃未能實踐。

好快到酒店攞埋房了，一片迷霧圍在酒店四週，像去了天堂。

從房間露台望向隔離屋，係咪好迷幻呢。

雙人房連早晚餐(每晩Rs 30130) – 樓底極高，兩邊玻璃窗甚開揚，露台超大，景觀無敵，雖然貴，但值得。

浴室都OK，水力夠大亦夠熱。

酒店餐廳位於最高處，今晚在天堂食晚飯。

Local啤酒625ml大支裝(Rs 500)、大可樂(Rs 130)

今晚酒店包了晚飯，有5道菜唔但包嘢飲。

頭盤  木瓜絲沙律 – 冇網上的評論咁差，我覺得唔難食。

餐湯 番茄熱湯伴麵包 – 味道唔差，話好飲都得。

小食 炸芝士 – 奇怪的一道菜，味道OK的，外皮幾鬆脆，芝士炸得幾軟。

主菜 煎雞扒伴薯條 – 小太熊食呢味，有花園餐廳的水準。

主菜 煎吞拿魚伴米粉 – 我食呢味，普普通通啦。

甜品 香蕉布丁 – 又係普通。

餐飯的質素普通，但係環境十分好，值得在這裏食一餐飯。

補充資料 :

1.        斯里蘭卡乘火車從 Nuwara Eliya (Nanuoya Railway Station) 到 Haputale的一段路風景非常好，即使包了車都應該坐一坐。但要預算火車遲到。

2.        二等車位最適合適客，有窗之餘人亦唔算太多。

---待續---