2017年3月10日

極上 • 北海道(8) – 知床半島「注意!小太熊出沒!」

北海道 知床半島 ~ 熊出沒!注意!

知床半島 位於日本北海道東,屬世界自然遺產,區內最值得一遊的著名景點有 知床五湖和 羅臼岳。知床半島的天然資源豐富,除了盛產海鮮,陸上亦有很多野生動物,其中最著名的肯定是 棕熊了,區內不時會見到 熊出沒。在 熊出沒 的地方,必須帶備熊鈴才可以在郊野活動。



極上北海道 – Day 9

<<知床半島>>

昨晚小太熊臨時決定,今朝要04:00起床,然後要我揸車到附近兜兜,來個Morning Safari喎,佢話昨天馬路上咁多鹿,可能有熊添呀。

非常眼瞓地慢慢開車,沿著去知床五湖和木下小屋的路慢駛,不久便有嘢睇了。

野生鹿仔,一大清早已經開始覓食。


小鹿正在吃奶,母親鹿就眼甘甘望著小太熊。


沿途勁多鹿,原來晨早真係會多些動物。


在車上影影吓相,四隻鹿仔特然好似受了驚地跑過馬路,我以為係自己嚇親佢地啦,隔了10秒,我離遠見到熊呀!!係野生棕熊,唔係小太熊呀。

一隻棕熊悠自然得地行過馬路


再往山林處走


佢行得好慢,最後行入樹林了。


好正呀,小太熊終於遇到同類了,雖然大家膚色唔同,不過小太熊好開心啊!
車再繼續向前行多60min都冇再見到鹿以外的動物了。

回程時遇到鹿仔截住條路,要停車來等佢過馬路。


今天好開心地返酒店食早餐。

早餐是自助式,味道好好架,尤其是牛奶啦。


酒店送了雙人 遊船河「硫黄山 コース」路線1.5hr,自己比錢每位要¥3300架。

08:15在酒店旁邊的旅行社出發。


乘這艘小船出海,整個船河時間大約70min


昨晚住的酒店「知床グランドホテル北こぶし」


知床八景之「フレペの滝」


知床半島的懸崖和峽彎


最後去到溫泉瀑布「カムイワッカの滝」便回頭了,去唔到有熊出沒的位置。


遊完船河返酒店出車離開知床市,今日會揸去 羅臼市,沿途遊覧知床半島的景點。

「フレペの滝」剛才船河經過了,現在在岸上睇看不清楚瀑布,但懸崖仲靚。


第二站到知床八㬌之一「カムイワッカ湯の滝」,是條天然暖水瀑布,因為瀑布上游有個泉眼,因此河水混和了熱水而變成微暖。


沿著河中央向上行幾分鐘,便會見到一個水池,可以當溫泉來浸。


「カムイワッカ湯の滝」天然瀑布溫泉 泉水只是微暖,因為環境夠天然,初時都幾舒服,但浸浸吓全身越來越痕,可能是水質關係,浸唔夠10min便要上水,最慘係牡水沖身。


知床八㬌之一「知床峠」,遇上今日天氣好,羅臼岳特別靚。


中午到達目的地 羅臼市,小太能話要去「知床食堂」食飯先,佢話「知床食堂」係區市最Top的餐廳,而且食堂的招牌菜「汁煮金目鯛」每日限賣10份,太遲去怕會賣晒牡得食啊。

北海道羅臼第一食店「知床食堂」


小太熊落車先,我要在店外泊好車,泊車處只是普通L位,左右均已泊了車,但空間唔算特別窄,我貪方便求期用車頭駛入車位,但入錯了位,要倒車再來,但入極都唔正,最後泊得斜斜的樣衰衰,開門落車都有些難度,我便慢慢郁前駕車想攞多少少位,點知車頭突然好似碰到嘢,小太熊在車外大叫「撞咗啦,仲郁,花晒啦」,我即時入返後波郁後少少,跟住冇心機再泊這裡了,駛過隔離個大停車場,勁多位,一樣你免費。


泊好車返過去剛才的車位望望,原來有欄杆凸了出來,我剛才冇留意啊!


車頭花晒了,今次賠硬 保險NOC那上限¥20000


出車第2日被影快相,第4日已經碰花了車頭,還有6日要揸車啊!個人牡晒心機頭Dup Dup,小太熊仲好衰,耐不耐就笑吓禾,攪到禾更加牡心機。但牡心機都要食飯的,頭Dup Dup地行上2/F 知床食堂。

北海道羅臼第一食店「知床食堂」


今日唔算旺場,還有幾張枱。


汁煮金目鯛定食(2900)是「知床食堂」的招牌菜,每日限定10份,每份賣¥2000-3500,視乎魚的大小,今日還有3條,我要了條最大的。

一啖金目鯛入口...... 鯛!失望,鮮美度和肉質都只算是普通好食的一條魚,完全沒有驚喜,2010年在東京築地「喜代村」吃的 汁煮金目鯛魚頭比這次更好食。


元貝麵豉湯 定食附送的餐湯,加了未發育的北海道元貝BB一齊煮,夠晒鮮甜。


三色丼(3000)食堂另一招牌美食,三文魚子一貫高水準,外皮脆卜卜魚油甘香不太咸;海膽只是紫海膽,好食過一休屋些少,但和禮文島馬糞海膽冇得比;蟹肉是解凍的松葉蟹,解凍蟹來說已經很鮮甜了;都係果句,在香港比多少少錢都可以食到這種味道。


食完飯繼續向 知床半島東部進發,會行多20km左右,沿途停車遊吓景點。

「マッカウス洞窟のヒカリゴケ」內有會發光的野草,但這裡不知因何封閉了,入唔到洞冇得睇。


天然 熊岩


セセキの滝 馬路旁的大型瀑布


最後一站「瀨石温泉」是位於海上的天然温泉


「瀨石温泉」的泉眼位於海中,當水退時温泉浴池便會露出水面,水温都有接近40,但水漲時海水會湧進池內,令水温下降。

出發前小太熊已經Check過今日中午會水退,可惜來到都牡得浸,因為水池長滿了青苔好核凸,今日還在清洗中未開放,唯有明朝晨早再來碰碰運。


駕車返回 羅臼市,再到附近的天然温泉「熊の湯」浸一浸。「熊の湯」是區內著名的天然公眾露天風呂,收費全免,男賓部完全開放連門都冇,在停車場位置更可以清楚看見男賓出浴;女賓部就好啲,外面睇唔到裡面

「熊の湯」女賓部


女賓部有木板圍着,男賓部就全開放。


「熊の湯」男賓部 浸在這風呂都非常Free,可惜池水温度超高,應該有最少46,太熱我完全浸唔到,只能用木桶仔畢水再加冷水沖身,連同場的老外都說「Too Hot」。


在停車場位置可以清楚看見男賓出浴


浸完浴,到今晚的旅館「陶灯りの宿 らうす第一ホテル」Check-in,位於「熊の湯」1.5km

陶灯りの宿 らうす第一ホテル


旅館大堂很舒適,在這裡休息一會。


旅館內的 足湯


雙人淨房(14340)房間整潔舒適,不過冇View


陶灯りの宿 室內温泉 忙了一整日,現在正式沖個涼先。


陶灯りの宿 露天風呂 男賓浴池又大又開揚,游水都可以。


女賓露天風呂又細又冇View,小太熊話係歧視喎。


沖完涼駕車到 羅臼市食晚飯,原本Target了「Kajika 鰍」,但不知為何又冇開門,最後在市內兜了幾個圈,揀了這間外觀最好的「旬菜家ゆらり」,但未知食乜。

知床料理 旬菜家ゆらり


鋪外又見有 野生孤狸,像野狗咁慘。


店內原來已有十多個客,都算旺場。


餐牌是全日文,要靠Google翻譯來點菜,但今次譯得麻麻。

本日の刺身定食(1500)   有三文魚、八爪魚、鯛魚腩和螺肉,全都新鮮好味,鯛魚腩入口甘香細嫩,螺肉超級爽脆鮮甜完全唔腥,非常正的刺身。另外還有 毛蟹麵豉湯、炸魚沙律和白飯,抵食又好食。


毛蟹麵豉湯 誠意十足賣相一流,有半隻毛蟹仔,湯底很夠味。


炸魚沙律 普通好味啦。


かに天丼(2000)皇帝蟹脚天婦羅飯,蟹脚肉幾甜,碗飯都幾好味,唔貴。


燒牛舌(1100)味道一般,很油口,質感似豬腰,很古怪,整體上唔係咁好食。


北海道蜜瓜雪糕(200)回旅館前路過7-11,見門口廣告「北海道季節限定蜜瓜雪糕 1/731/8」好似好正便買一杯食。唓!流嘢!冇咩蜜瓜味,北海道來講這杯雪糕算差了。


回到旅館再嘆嘆温泉才瞓覺。





補充資料 :

1.     100 = HK$7.57 (永恆找換公司)

2.     在北海道TOYOTA10日車,連全保險共¥122094。但TOYOTA的全保險仍然唔包NOC (Non Operation Charge),如果碰花架車最多自己要比多¥20000,撞到架車唔識行就最多自己要比多¥50000

3.     今次10日環遊北海道總共行了1862km,入油總共用了¥8376

4.     北海道的道路全部限速50km/hr或以下,即使在高速公路亦只許70km/hr,令到冇人唔超速,只視乎超多或少。北海道的道路上不時會見到黄色牌寫着  自動速度取締路線。然後不遠處便見到相機影人快相,整個10天自駕旅程有7日都遇到快相機,小心。




---待續---

6 則留言:

  1. 咁好彩竟然見到熊,係咪好近距離見到?
    其實HI花左架車係咪要即刻報警的?

    回覆刪除
    回覆
    1. 距離大概40~50m,唔敢再行近了,太近有些危險。
      理論上係,但報了警也要賠,所以冇報。

      刪除
    2. 4月份開始, 租toyota 也有noc, 加 1620円/日 包晒

      刪除
    3. 太好了,下次就唔駛咁煩。

      刪除
  2. 哇!小太熊好大隻~~

    回覆刪除
    回覆
    1. 果隻係大太熊,小太熊今天冇出鏡~

      刪除