日本北海道 十勝果園「フルーツガーデンかみやま」樹上熟櫻桃
「十勝」位於日本北海道東部，區內處處都是又好玩又好食的地方，包括温泉、牧場、果園和「帶廣」市內的美食店。今次難得老遠來到 十勝，定要嘗盡「十勝和牛」、「十勝牛奶」、「十勝豚肉丼」、「十勝芝士蛋糕」、「十勝櫻桃」這些地道名物，感受 十勝的 味覺の夏。還有，在「十勝」可以到「十勝川」作溪流釣魚；在牧場住進真正樹屋和揸牛奶；及在果園摘新鮮水果食；這些都是北海道十勝最吸引的地方。
極上‧北海道 – Day 12
今天又係晨早06:00起身，酒店包早餐都唔食了，因為今日節目太豐富，而且係由朝到晚不停食好嘢。
<<十勝>>
06:30出車，駕150km到「十勝」的果園「フルーツガーデンかみやま」摘櫻桃做早餐。
這果園只有 櫻桃樹，沒有其他水果，但有不同種的櫻桃，有些深紅有些粉紅。
棵棵樹上都長滿密密的 櫻桃，而且全都成熟了，又甜又多汁，有些亦帶點微酸。
小太熊當仁不讓，立即見紅就摘食過夠。
櫻桃粒粒都肥大多汁，只吃了45min便成肚水了，唔駛一個鐘就食夠皮。
食完櫻桃，駕30km到「ウエモンズ ハート廣瀨牧場」 ，這牧場有自家出品的鮮奶，每天清早榨出之牛奶經過殺菌消毒後便隨即拿到旁邊的雪糕店製成新鮮的 Gelato和牛奶軟雪糕，賣完再立即新鮮造，小太熊話好好味架。
店內只售賣自家製的 鮮奶和雪糕，很多人專程駕車來食的。
鮮牛奶(每樽￥180) – 每日在牧場新鮮製造，牛奶味清新濃滑，牛奶的香羶味由舌頭直湧上鼻，令人一試難忘，而且冇盒裝牛奶咁滯，是世界上最頂級的 鮮牛奶，只限於店內飲用。
牛奶軟雪糕(￥298) – 香甜軟滑牛奶味濃郁，是北海道最好味的軟雪糕。
牛奶軟雪糕拚黑朱古力Gelato(￥392) – 黑朱古力Gelato味道非常濃郁又夠苦，沒有甜味，味道和甜的牛奶雪糕很夾。
下一站到今晚住的溫泉酒店「十勝川温泉 第一ホテル」，去到只係11:30，時間太早未可以Check-in，咁早去因為小太熊Book了酒店的餐廳「鉄板焼 樹氷」食十勝和牛。
酒店餐廳「鉄板焼 樹氷」只有8個位，今日原來包了場，小太熊也有些意外。
餐廳內放滿 十勝紅豆，唔知陣間係咪食十勝紅豆沙呢。
訂位時小太熊分別點了2份和牛餐，第一份￥3000共七道菜；第二份￥4500共八道菜(包括有￥3000的七道菜再加一道鐵板海鮮)。
餐湯「インカ の めざめ ビシソワーズ」海膽柚子忌廉湯，有創意夠新鮮感，小太熊都讚。
第三道菜是 沙律；第四道菜是鐵板燒野菜。
廚師拿出2份「十勝黑毛和牛」和1份海鮮「牡丹蝦三文魚」。
鐵板牡丹蝦伴三文魚 – 食材上等廚功亦到家，好味。￥3000套餐只是沒有呢味。
跟着開始煎「十勝黑毛和牛」，雖然不是A5或A4級數，但都煎得香噴噴很吸引。
每面煎了約90秒，好香，差不多夠熟了。
廚師用刀把每塊牛扒切開八份
十勝黑毛和牛 – 雖然不是入口即溶肉質幼嫩油香噗鼻，但這件牛扒牛肉味濃，肉質唔錯，少油脂所以唔滯，廚功到家，整體上好好食，價錢更加平到笑。
蒜香炒飯 加 麵豉湯
最後係 甜品，麻麻哋，只吃了2啖。
食完飯駕車到附近的 士多啤梨園「まくべついちご屋さん」摘士多啤梨食。
每位入場費￥840，平到鬆馳熊和Melody都來食。
共有6個溫室 士多啤梨園，其中3個可以入去任食。
放眼一望......好似咁少士多啤梨嘅！
很多士多啤梨仲係青，完全唔食得。
很辛苦才找到些紅色可以吃的，但都很細粒，而且有一半是酸的，只算是比香港的士多啤梨園好食，和其他日本的士多啤梨園完全冇得比。
摘了40min左右已經摘晒啲最靚的了，早些離開，去下一站位於十勝「帶廣市」內的「十勝トテッポ工房」再食好嘢。
甜品店「十勝トテッポ工房」– 位處公園的中央，環境清幽，小太熊話佢啲芝士蛋糕好好味架，仲好多人專程來買外賣。
好彩，剛巧這時段冇乜人，唔駛排長龍。
坐在窗口位慢慢嘆，堂食不另收費，而且有免費自助清水飲。
人氣芝士蛋糕「3種のフロマージュ(3種Fromage)」(￥149) – 以十勝產的忌廉芝士、清水町產的羊奶芝士及別海町產的Mascarpone Cheese調配而成 , 每日新鮮於店內工場焗製，香濃而且極富層次質感。
人氣芝士蛋糕「カマンベールのフロマージュ」(￥177) – 用法國軟芝士Camembert製造，Camembert用生奶製成，表面遍布發黴的白毛，內部黃色。「カマンベールのフロマージュ」的味道較濃厚而單純，質感豐富。
小太熊話來到 十勝帶廣市，一完要去帶廣的「た丼のとん田」吃碗烤豬腩肉飯，那裡的豬肉以秘製醬汁醃過，再即叫即放在炭爐上燒得有點微焦，豬肉肥瘦均匀，鮮嫩得叫人難以形容。
店內還有位剩，只是職員做唔切。
全店只有這位女生和另一位姨姨做樓面，落單上菜執枱一脚踢。
ヒレぶた丼(￥780) – 是豬脊肉，比較瘦，肉味濃，飯和醬汁都好味。
ロースぶた丼(￥780) – 是五花腩肉，內質很嫩，肥肉帶點微燶非常香口，好食到唔停得口。
食完飯回酒店「十勝川温泉 第一ホテル」休息，今次住露台房，面向十勝橋。
酒店送的甜點和餐卷很精美。
房間的景觀是 十勝中央大橋
不幸在酒店碰到一團日本世紀PK賤團，住在我對面的冇露台房，成團PK在非吸煙房打開門食煙，整到走廊臭晒，煙味攻埋入我房，成班都係賤精太郎。
大風呂
不幸，今日酒店G/F的 庭園露天風呂維修中，冇得浸。
今晚在酒店食自助餐，只能坐在中間位。
刺身很新鮮，以自助餐來說算好靚了。
天婦羅蝦、燒元貝和鐵板和牛都OK架。
甜品和水果都合格
自費加了 1/4個富良野蜜瓜(￥500) – 又甜又腍又多汁，像飲蜜瓜汁一樣，非常好味。
自選配料軟雪糕 – 選好配料後連軟雪糕一同在冰石上炒，好好玩。
杏仁開心果軟雪糕 – 都係中午那杯軟雪糕好味啲。
今晚房間的夜景都好靚呀。
食完飯行15min到附近的公園睇螢火蟲，原來只有十幾隻，冇乜睇頭。
今日都係由朝玩到晚，很眼瞓......
補充資料 :
1. ￥100 = HK$7.57 (永恆找換公司)
2. 在北海道TOYOTA租10日車，連全保險共￥122094。但TOYOTA的全保險仍然唔包NOC (Non Operation Charge)，如果碰花架車最多自己要比多￥20000，撞到架車唔識行就最多自己要比多￥50000。
3. 今次10日環遊北海道總共行了1862km，入油總共用了￥8376。
4. 北海道的道路全部限速50km/hr或以下，即使在高速公路亦只許70km/hr，令到冇人唔超速，只視乎超多或少。北海道的道路上不時會見到黄色牌寫着 自動速度取締路線。然後不遠處便見到相機影人快相，整個10天自駕旅程有7日都遇到快相機，小心。
---待續---
櫻桃無洗就即食? 不過真係好紅潤極吸引@@@@@@
回覆刪除冇水洗啊，不過唔覺有乜塵，感覺都算乾淨，當用口水洗囉～
刪除