2018年7月20日

蟹霸橫行 日本福井 • 兵庫(完) – 越前海岸天皇貢品「越前蟹」

日本 福井縣越前海岸「望洋樓」越前蟹宴

松葉蟹 是蟹中之王,雄蟹腳長肉厚,雌蟹則膏卵豐滿。越前蟹是 松葉蟹的一種,生長於福井縣對開的海域100-200m深盤地,只有在福井縣越前海岸捕獲的松葉蟹才可以叫「越前蟹」,捕獲上水後會立即被加上 黃色標籤以識別身份。由1922年開始,越前蟹 一直是獻給日本天皇享用的貢品,堪稱蟹中之皇。連蔡瀾也讚不絕口,説一生人總要去次福井吃一次 越前蟹。想吃最好的越前蟹,當地的地膽都介紹要去開業140多年的「望洋樓」,那裡有越前海岸最靚的溫泉,最靚的旅館房間和最美味的越前蟹。

以上全資訊綜合衆多網上和雜誌的資料,是小太熊今次Book唔到望洋樓的房,也要Book望洋樓日歸越前蟹宴的原因。




蟹霸橫行 日本 福井兵庫 – Day 4

<<越前海岸>>

早上07:00起身,窗外非常大風,而且還下着不細的雨。

越前ふるさとの宿こばせ 昨晚便是睡在這𥚃,原來有很多房都面向馬路,唔係咁好囉。


07:15浸個晨早温泉提提神先。


浸完溫泉,老闆問我們會否取消今早Book了那的士,因為今天很大風,而且有雨,不太適合去 東尋坊,去到可能會大風到企都企唔穩,而且的士費很貴,怕我們去到會失望。我想了一會,決定還是博一博啦,始終以後也不會再來了。

08:00在房內食早餐,份餐就嘛嘛,個全海景就好得。


的士凖時到旅館接我們,08:45出車往 東尋坊,43km路程,按錶收費¥14620

東尋坊 落的士時竟然局部出現藍天,運氣又唔錯,只要不下出雨便很幸運了。


可能時間尚早天氣又差,商店街只有很少舖開了門。


開了的舖頭有賣雪糕和紀念品,最多是賣熟的 越前蟹,但人流這麼少,啲貨怎可能新鮮呢?但見到那些蟹都賣得好貴。


近海位置有食店賣新鮮越前蟹,即叫即烚,每隻郁郁都要幾萬円,如果味道唔係頂級的話就搵笨了。


來到海邊感覺超級大風,今早民宿老闆冇吹水,這𥚃真係有可能大風到人都吹郁。

特然灑起雨來,快步走人右手邊紅色的商店避雨,順便行一會。


原來商店內還有餐廳,都有好多嘢食,當然有 越前蟹和海鮮丼等美食。


隔了一會兒雨勢減弱,只有雨粉,便快快出外行吓。

沿著海岸線行,海風實在又狠又速,海浪亦很强勁,每行一步都要小心被疾風吹落海。


東尋坊的名勝 六角柱石


只行了15min左右,看見有大雨正從遠處快速吹過來,好驚呀,立即走都走唔切。


沿著商店街行返出大馬路,大雨已經吹到來了。


出到大馬路等了10min都見唔到一部的士,於是問隔離一間商店的職員,原來想要的士就要用的士站電話亭上的電話叫車,我便拿起電話筒,電話自動駁到的士台,我用英文噏了兩句叫車,都唔知佢明唔眀,好彩3min後真係有的士來接我們。

原本打算慢慢行1.3km 望洋樓,但落大雨行唔到,現在坐的士去就¥780,有限錢啫。

10:30來到 望洋樓,雨又停了。小太熊今天Book了這裡11:0014:00 越前蟹宴「昼食・越前蟹のフルコース・大蟹プラン+日帰り温泉」每位¥40110,即是差不多HK$2800,午宴前可以免費使用這裡面對大海的溫泉,可以一邊觀賞洶湧波濤一邊享受溫泉。


望洋樓 開業140餘年,位於福井縣三國港,是首屈一指的溫泉旅館,以望海風呂和冬日越前蟹宴而聞名。


據説 望洋樓是日本第一家在房內設有私人風呂的旅館,而且是露天又望到海。部分房間更能望到東尋坊的懸崖,因此都十分難訂房,而且價錢極貴。望洋樓老闆有豐富的捕蟹知識,熟悉區內的漁民,又能付最好的價錢,因此 望洋樓能夠買到最肥美的 越前蟹。

早了30min到,房間還未預備好,職員先招乎我們在大廳坐下,這大廳面向大海,看見巨浪洶湧而至甚有氣勢,小太熊話一陣可以一邊浸一邊欣賞架。


房間10:50凖備好了,職員立即帶我們上房放低行李。
  
全海景房間望見 東尋坊,景觀開揚程度令人驚訝,好舒服好舒服的房,即使不能在這裏過一晚,在這裡享用一份午餐也令人好滿足喔。


午餐12:00才開始,現在先去享用這裡的溫泉。

ふたつの大浴場 小太熊浸這個池。溫泉浴池臨海而建,泡在池內絕對令人心曠神怡,返工積下的霉氣也立即一洗而空。


浸在温泉池內面向浩瀚的大海,風聲海浪聲 聲聲人耳,浪花雨點 㸃㸃灑到面上,使人忘憂地覺得人生是多麼的美好。


東尋坊 方向出現雨後彩虹啊,太令人感動了,今天沒有落雨便不會出現彩虹,原來落雨才是幸運。


小太熊浸的温泉就見到 東尋坊,我這邊就差些少角度見唔到,但同樣是面向大海,一樣感受到海浪的洶湧氣勢。

室內浴池已經很開揚,日本很少室內池有咁正的。


戶外池就比隔離細少少,不過因為只有我一個浸,依然覺得很寛躺。


浸了一陣,特然落了5min大雪,漂雪被狂風吹打到面上,個身暖笠笠塊面就冷冰冰,好過癮呀。


大雪過後又見一片藍天,天氣真是變幻無常。


浸浸吓特然聽到小太熊大叫「有彩虹呀,好靚呀」我便裝個頭出去,真係有彩虹喎,不過我就睇得比較辛苦。


沖涼沖到11:45返房等食,等了約10min終於開餐,這個2人餐有一隻900g的烚越前蟹和一隻800g的烤越前蟹,每人有半隻。

「望洋樓  昼食・越前蟹のフルコース・大蟹プラン」的餐單


墊枱紙和餐具有隻蟹仔,都好特別。


せいこがに・蟹味噌 原隻越前蟹乸起膏拆肉,每人一隻。蟹肉明顯比昨晚的蟹鮮甜,貴嘢果然真係好食啲,蟹膏滿爆,味道和口感都似斯里蘭卡膏蟹的紅膏,蟹籽都係有些腥,冇食到。


蟹鱈白子 口感和味道都像豬腦一樣,睇樣都估到超級高膽固醇,只吃了三分一,唔敢多食。


蟹刺し 刺身三拚有越前蟹腳、吞拿魚和螺肉,都是用上等的新鮮食材,螺肉很鮮甜吞拿魚味道濃。


小太熊話蟹刺身比昨天鮮美,但烚熟會更好味。


焼き蟹 因為我唔食蟹刺身,所以廚師把我的刺身燒熟,真係比生食甜啲架。


越前蟹釜飯 即場煮的飯,加了蟹乸的蟹膏蟹肉蟹籽和蟹殼一齊煮,令每粒飯都充滿蟹味。


焼き蟹 燒了半隻蟹2個人分,蟹肉相對較乾和甜,伴著蟹膏一起食甘甜味十足。


茹で蟹 2人分了這隻900g的烚大越前蟹,很是鮮甜美味,肉質鮮嫩滿滿,蟹膏亦充足,和第一晚吃的間人蟹一樣咁好食,不像昨晚那隻咁衰。


蟹肉喬麥麵 蟹肉當然好味啦,喬麥麵只用來飽肚。


越前蟹釜飯已經煮好了,味道比昨天的「開高丼」好,整碗飯充滿蟹香,而且唔覺很滯。


甜品 紅豆糯米餅加 士多啤梨 高品質,士多啤梨又大又甜又多汁, 紅豆糯米餅都比第一天的「智恵の餅」好食。


這餐飯的菜上得很慢,食足2hr,食完飯旅館免費車我們到「三國港駅」, 14:39 - 18:59  JR直接往關西空港。

乘這部只有一卡的小火車出發,要走了。




<<關西空港>>

準時去到機場,還剩很多時間,便求其行入接駁巴士站樓上一間餐廳食少少野。


天ぷらうどん(天婦羅烏冬麵)(680)炸粉成吋厚,蝦又細又冇味,烏冬亦流到嘔。


天ぷらうどんセット(1080)烏冬一樣咁流,至於壽司.......這個定食好似女人街內那些HK$42Set Lunch,勉強人到口啦。

飛機準時21:25離開。



蟹霸橫行 日本 福井兵庫 – Day 5()

零晨00:40到香港了,小太熊話咁都當一日咁呃秤、我答佢話跟旅行團同買保險都係要計一日架喎。








補充資料 :

1.)     樂桃航空 香港來回大阪關西空港,每位HK$4817

2.)     100 HK$7.02 (永恆找換公司)

3.)     以信用卡簽賬¥100 HK$7.22

4.)     25天保險費共HK$210

5.)     關西 北陸地區鐵路周遊券(Kansai-Hokuriku Area Pass) 每位¥16000,在網上先預訂就收¥15000,有效期7

6.)     日本的JR、新幹線和大部份私營鐵路都有獨立的 火車站和出入口,火車偶然會遲到34min,因此轉火車必須預留充足時間和後備班次,否則很易送車尾。

7.)     201812月份日本北陸的氣温不太冷,一般早晚也有 5 - 10

8.)     在越前海岸乘的士的價錢和日本其他地方差不多,每1km大約¥340








-----蟹霸橫行 日本 福井‧兵庫()-----

13 則留言:

  1. 又見彩虹又有飄雪,浸温泉浸得好過癮。

    回覆刪除
    回覆
    1. 食餐飯包埋浸佢個溫泉,雖然冇得住但都算係試晒佢的好嘢😬

      刪除
  2. 想請問間人蟹同望洋樓越前蟹,邊間CP值高啲?
    謝謝!

    回覆刪除
    回覆
    1. 我之前食松葉蟹full course都係1萬yen,我覺得cp值好高,而家貴幾倍,都唔知點好,唔食又一年貴過一年��

      刪除
    2. 其實¥10000的蟹餐應該是最抵食又好食了,間人蟹和越前蟹只是名氣大,食落並不覺得有何特別出眾而值咁貴。但因為太多不負責任的名人和傳媒吹得太大,所以幾貴都想一試,最重要係日本人自己食都要咁貴,冇呃人的。

      刪除
  3. 嘩﹐個lunch都要成三千銀﹐真係好好食???

    回覆刪除
    回覆
    1. 名氣大於一切,只是普通鮮甜的松葉蟹,見識過就算了。我在釜山試過十分一價錢的松葉蟹都鮮甜過這餐。

      刪除
  4. 戶外池 facing the rough sea. It is quite attractive.

    回覆刪除
    回覆
    1. 這是越前蟹餐以外的一大賣點,好正!

      刪除
  5. 雪中浸溫泉係好正, 在長白山試過一次

    回覆刪除
    回覆
    1. 原來長白山都有温泉,喉咪人蔘溫泉來的?

      刪除
    2. 又唔係, 不過露天的, 在飄雪下係好好FEEL

      刪除