2018年12月10日

瑞士仲夏 • 簡約自然(5) – 阿爾卑斯山 不似在人間

瑞士阿爾卑斯山少女峰地區(Jungfrau Region)著名小鎮「Interlaken

瑞士阿爾卑斯山少女峰地區(Jungfrau Region) 2001年被宣佈為世界自然遺產。這區域有幾個主要小鎮,包括InterlakenGrindelwaldLauterbrunnenMürren,最有人氣的自然景點包括全歐洲最長的冰河Aletschgletscher、少女峰(Jungfrau)、雪朗峰(Schilthorn)等等。Interlaken是登上 雪朗峰(Schilthorn) 少女峰(Jungfrau)的必經之地,位於2個碧綠湖泊的中間,整個小鎮都甚有度假感覺。小鎮內有無數的酒店和餐廳,完全是為遊客而設,豐檢由人。從Interlaken開始進入Jungfrau Region已經不可以再用EuroPass,即使是持有Swiss Travel Pass也只能享有部分免費和部分折扣。



瑞士仲夏簡約自然 – Day 5

昨晚凌晨開始便不停閃電,一直下大雨,頭四日的晴天完結了,小太熊話天氣預測一連7日全瑞士都落雨,慘了,未來7日會去少女峰地區架,咁點算呀!

今朝07:30起床,唔食早餐了,慳返啲錢,乘08:23 的火車從Chexbres-villageInterlaken

<<Interlaken>>

火車又遲到3minChexbres-village,幸好沒有影響行程。

10:57 到達Interlaken Ost,天氣又好返些喎,出埋藍天白雲,只是依然時晴時雨,變幻莫測。


先在火車站Lock好大行李,大LockerCHF 7,剩下最後一個咋,好彩,遲2min都冇埋,真旺場。


今天首先會坐纜車上1322m高的Harder Kulm,那是一個小山丘,山上只有一間餐廳和一個觀景臺,上去對住雪山食一個午餐,真是人生最佳享受!

從火車站Interlaken Ost沿河行7min便到纜車站Interlaken Harderbah


買票都要排隊10min,等纜車又等了20min,都唔少人上山喎,等等吓又開始落毛毛雨,真大鑊。

Harder Kulm纜車加午餐套票(CHF 45)我們用Swiss Travel PassDiscount,只需CHF 35


纜車上山了,不斷穿過好多山洞啊。


Harder Kulm天灰灰的,有微雨粉,可以不用開傘。這裡可以欣賞整個Interlaken,清楚看到她夾在兩個湖泊之間,真係牡改錯名。


Harder Kulm觀景臺的設計都很前衛,又玻璃底又申山懸崖,而且景觀真係好得。


站在觀景臺上欣賞Interlaken,單看這個景觀已經值回票價,可惜太大霧看不見少女峰。


天氣的變化太快,只是1分鐘便從天青的情況下變成煙霧彌漫。


趁時間尚早不是太多人,先吃午飯,可以坐邊位。


可樂(CHF 4.5)Sparkling Wine(CHF 12)飲品要自費的。


Interlaken 飲杯


兩道菜的午餐每位CHF 24.5 (沒有套票的價錢),我們的纜車票費用已包。

Mango-Carrot Soup這份餐湯的味道很古怪,真係有芒果味和蘿蔔味,鹹鹹酸酸實在古怪。


主菜二選一,我和小太熊每人揀一款。

Truthan Saltimbocca with Rosemary Mushrooms Vegetable cep Risotto好像是豬扒煙肉蘑菇意大利飯,我覺得太咸乜肉味,麻麻哋。


Rösti corners stuffed with cream cheese and mixed saladsRösti是瑞士鄉土名菜,即係薯仔煎餅,配上沙律都幾醒胃好食。


食完飯又開始下着雨粉,差不多中午兩點鐘落山了,在Interlaken逛一逛街。

沿着小河從火車東站行到西站,環境優美自然,河水十分碧綠。


偶然在街上也會見到馬車,我記得1994年來Interlaken時講個第日有錢時一定會坐一坐馬車,但現在錢有了,還是唔捨得坐,唔知要幾多錢呢。


在雪山群之中玩滑翔傘,相信心情一定非常舒暢。


最後沿着Interlaken的大街,慢慢行會火車站Interlaken Ost,沿途有很多酒店和餐廳,還有教堂。

Interlaken OstCOOPCHF 75買齊2人未來兩天的糧食,再在車站買埋明天從Grindelwald少女峰的一段齒輪爬山火車票,約16:30便往海拔1050m高的小鎮Grindelwald進發,這程車可以用Swiss Travel Pass,但Europass就不可用。




<<Grindelwald>>

Grindelwald火車站


Grindelwald座落在 艾格峰(Eiger)山谷裡,是前往 少女峰中途純樸又美麗的瑞士小村莊,是往 少女峰的2個起點其中之一(另一個起點是Lauterbrunnen),被群山環抱著,舉目都是翠綠的夢幻草地山坡,美得像童話世界。瑞士傳統小屋稱為Chalet,通常是24層高,今晚會住在Grindelwald一間有超級露台的傳統3層高瑞士小屋,晚餐在小屋內自己煮。

今晚住的Chalet叫做Apartment Dolce Vita,由Hotel Jungfrau Lodge經營,首先要從Grindelwald火車站行10分鐘到Hotel Jungfrau Lodge攞鎖匙,然後再行7分鐘去Apartment Dolce Vita

Hotel Jungfrau Lodge在這裏的reception攞鎖匙。


攞完鎖匙之後沿路行去Apartment Dolce Vita,經過的地方美得完全像天堂的仙景一樣。

Grindelwald的翠綠山坡和小屋,夢幻得不似在人間。


往少女峰的爬山火車,會經過這些夢幻景緻。


Apartment Dolce Vita即係左邊間瑞士小屋,1/F靠右邊的大房,其他單位都是普通民居。


傳統瑞士小屋(不包早餐 每晚CHF 195)這小屋有開放式廚房和特大露台,今次會連續住兩晚。


露台的景觀是阿爾卑斯山脈,亦常常有爬山火車經過,像活在童話世界一樣。


休息完之後在Grindelwald小鎮上逛街。


原來這裏也有一間大型的COOP,身痕地又買了CHF 25,包括一些酒和雪糕。

Grindelwald大街散步,沿路有很多酒店兼營餐館,包唔會餓親。


整個小鎮也被雪山包圍,無論哪個角度也能看見阿爾卑斯山。


回到房間沖涼了,卻發現冇熱水,熱水唔夠熱只是一些不冰凍的水,大鑊,開了熱水爐煲多半個鐘頭也是如此,最後要行返酒店的reception問職員,原來要在總電制箱𥚃開關的,咁大整蠱,難怪小太熊話看見網上有人話這裏的熱水爐有問題。

今晚小太熊大顯身手,煮一餐又豐富好味又平的大餐給我食。

瑞士紅酒375ml (CHF 7.5);瑞士三角黑朱古力(CHF 2.7)


今晚有酒有湯有肉,來瑞士咁耐最豐富係呢餐了。


雜菜湯 小太熊用了大量洋蔥和番茄,加些少蘑菇和薯仔㷛的,好甜好開胃,佢話好花功夫架。


焗豬扒雞翼 屋肉有大焗爐很方便,雞翼好好食,豬扒的肉就太硬而且唔入味,仲乾爭爭添,好彩我買了蜜糖,加埋落去味道當堂唔同晒。


蘑菇番茄意大利粉 加了在COOP買的Paster茄醬,又夠腍又好食。


焗牛排 塊肉的味道又差肉質又差,不是我貪平,而是COOP只有這款牛排賣,難食到只吃了三分一便真係頂唔順。


瑞士雪糕 是雪糕磚來的,在腥港已經消失幾十年了,大啖大啖地食非常奔放,味道就一般啦。

小太熊這2日不斷硏究不同的天氣網站,發現全都預測瑞士未來7日的天氣都甚差,只有明天中午有50%機會出太陽,所以決定改動行程,把明天由“First”行山7hr的行程讓路,改上少女峰博一博。今晚要早啲瞓,明天乘最早火車上少女峰。




補充資料 :

1.      CHF 1=HK$8.41(永恒找換店)

2.    15天瑞士交通証Swiss Travel Pass CHF 485,隨可免費任搭瑞士境內的巴士和火車,很多吊車和博物館也免費。但是只可以免費去到GrindelwaldLauterbrunnen。從GrindelwaldLauterbrunnen再繼續少女峰的一段齒輪爬出火車只有七五折。Harder Kulm纜車加午餐套票用Swiss Travel PassCHF 10

3.    SBB Mobile是瑞士交通Apps,可以用佢來Search瑞士的火車和巴士班次。

4.    瑞士的火車經常遲到,遲3~10min相當平常,攪到很多時駁唔到車。

5.    火車站Interlaken Ost的大Locker收費CHF 7,數量有限經常爆滿。

6. 瑞士最大型和最多分店的超級市場是“COOP”,但賣的生肉類質素很差,只有雞好食,豬扒唔好,牛排甚差,羊架超級貴;返而另一間“Migros”的貨品較平,肉類的選擇也多,連DA牛排都有,價錢亦比香港平,只是發現時已經冇機會試。







---待續---

15 則留言:

  1. Kulm 我都好想去.
    interlaken 和grindelwald 好美
    間apartment 唔錯呀.
    瑞士紅酒加瑞士三角黑朱古力好吸引 :)
    都係小太熊既晚餐一樣咁吸引

    回覆刪除
    回覆
    1. Harder Kulm算是Interlaken最值得去的去方,好過在鎮上行街。
      間房比預期中更好,看網頁都唔知環境咁好的,比佢間酒店更平更靚。
      晚餐第一晚吃就好正,不過瑞士的超級市場都是賣這些,往後幾餐自煮也是差不多這幾味,開始有點食到悶。

      刪除
    2. 瑞士係又貴又唔好食.

      刪除
    3. 完全係啦~講食瑞士真係歐洲最差,攪到今次行程只係出街食了幾餐,自己煮又來來去去果幾味,連即食麵都少選擇過其他地方。

      刪除
  2. 瑞士真係又貴又唔好食

    回覆刪除
    回覆
    1. 所以小太熊揀了很多有廚房的Apartment 住,可以自己煮多幾餐。

      刪除
    2. 有熊煮埋比你吃,嘆呀~~

      刪除
  3. Grindelwald 好舒服,上次住左4晚,有3日落雨,激死! 有機會一定再嚟!

    回覆刪除
    回覆
    1. 這山區好像常常落雨的,我在少女峰山區住了3晚,基本上都是微雨和大雨,只有在少女峰的幾個鐘出太陽,天氣是十多日行程最差的幾日。

      刪除
  4. Interlaken 一個想起都少少暈的地方, 靚到暈

    回覆刪除
  5. 好富貴啊, 我那時住床位咋

    回覆刪除
    回覆
    1. 我第一次去又係住Interlaken的床位,廿幾年前都要成CHF30,貴絕東南西歐。

      刪除