塞班島Kensington Saipan Hotel
塞班島(Saipan)位於太平洋，面積約120平方公里，距 關島(Guam)約200km，毗鄰 天寧島(Tinian)。從前的 塞班島是軍事重地，現在已經變成強國人和韓國人的渡假勝地。塞班島眾多酒店之中，以韓國品牌Kensington Saipan Hotel最有睇頭。酒店於2017年才開幕，由韓國人買下 日航酒店後大翻新而成，可以說是塞班島上最新最好的酒店。酒店距離機場只需要20分鐘車程，內有大型泳灘和4間餐廳，客房戶戶向海，確是懶人渡假的好地方。
碧海藍天 塞班島 – Day 1
今日乘HK Express夜機往 塞班島。17:00從屋企Call八五折的士去機場，跟著在Plaza Premium Lounge晚餐。
HK Express航機準時21:25起機，上機即瞓，其實冇飛機餐都唔錯的。
碧海藍天 塞班島 – Day 2
04:20降落塞班島，小太熊話網上很多Blog都話要排隊2～4hr才能入境，因為啲大陸仔個個都要比人攪好很耐才獲放行，所以落機後要盡快行前啲，過得一個得一個，但今次我哋坐機尾，只係快得唔夠10人，仍然要排隊尾啊！
好彩今次好像冇其它飛機一齊到，只排了1.5hr，05:50便成功入境。小太熊出發前用Apps「KLOOK」Book了的士，剛步出海關便有人接機。步出機場見到天灰灰地又濕，剛落完大雨。
06:20去到Kensington Saipan Hotel，酒店共有三百多間房，大致分為的DELUXE、ROYAL DELUXE和PREMIER DELUXE三類，其餘都是更高檔的套房。入住PREMIER DELUXE以上的客人可以免費使用Infinity Pool and Bar，其他住客想用要比US$30架。
早上冇再落雨，又見到太陽，無無聊聊先在酒店行個圈先。
酒店教堂給人舉辦緍禮的，關島的教堂靚好多啊！
酒店在Check in時會為每位住客提供一本《Kensington Passport》，內𥚃記錄了你買的Package和房間類型，客人借用毛巾、水上用品或進入餐廳、酒吧等等都會被記錄在Passport內。Passport分為Full Board(包三餐)和Half Board(包早餐和午或晚餐)兩種。
酒店共有4間餐廳：
Loria – 餐廳供應早午晚國際風味自助餐，食品的總類及味道均比East Moon好，韓國人比較喜歡這裡。
Meisho – 餐廳供應午市及晚市日本料理，不過小太熊話要買2日Full Board或3日Half Board才可以Book這裡，我哋只有2日Half Board，試唔到呢間。
Ocean Grill – 只提供BBQ晚餐，必須親身到酒店預約，不接受電話和email預約，而且星期二和六休息。我們早上去到未Check in唔可以Book，到15:00回去Check in時已經Full了，明天是星期六唔開....Oh….冇得食。
小太熊約了Agent今早08:15在酒店接我們去 軍艦島(Managaha Island)，12:30回來，每位US$32。
很快去到碼頭，在這𥚃比完錢便立即上船。
08:40開船，船上一半是韓國人，另一半是大陸人，都係一樣嘈支巴閉。
小太熊話喎，呢個島點解會叫 軍艦島呢，因為以前打二次世界大戰時，有On9軍隊誤會個島係軍艦而砲轟呢個小島，之後當地人都叫呢度做 軍艦島(Managaha Island)，現在成為塞班人氣景點之一，小島面積細小，廿分鐘已經可以環繞一圈，島的岸邊有很多魚，沙灘亦好靚，只是遊客太多好很煩，不去也不可惜。
不用30min船便到了，天氣好到不得了，碧海藍天水清見底，紫外線超強，沒有太陽眼鏡連眼都睜唔開。
島上還保留了些少大炮比遊客玩
在小賣部租了個Locker(US$2)，把錢和証件都放入去，再幫小太熊租了TASI SET(要出示船票，US$30包一支太陽傘和兩張沙灘椅，沒有船票收US$45)，我先出去玩，小太熊話要瞓一陣。
海𥚃都唔算少魚，珊瑚就冇乜了，人就多到喊。
自己玩了一陣子覺得水底都有啲嘢睇，便返去叫埋小太熊一齊玩，和小太熊一齊到遠些少的地方浮潛。
還有這些長達1m的 浪人鰺(Giant Trevally)，淺水地方甚少見到。
玩完水環島行一圈，發現了些好可怕的東西～～～
接著散開擺晒核凸舖屎影相，見到都嘔晒奶。
還有30min才回程，小太熊有點肚餓，我便去小食部買些食物。行過去時見到有條支L發狂地㷛煙(島上四處已用殘體字寫上《不准吸烟》)，被島上職員看見，但叫牠「No smoking」，條支L當聽唔到加快大口大口地吸，職員便走去牠面前兇惡地喝「No smoking」，支L才驚死把煙頭掉進花盆之後閃身便逃...職員呆了唔識比反應，隔了一會兒才Fuck Fuck聲把煙頭弄熄放回垃圾筒。
12:00坐船離開，天氣依然咁好，相信10年前這裡真係天堂，現在己變成了滿街XX的天堂。
碼頭有Shuttle Bus車我們回到市中心，我們先去市中心日本人開的潛水店Aqua Connection confirm 了明天的潛水行程先(3次潛水共US$117, 乘船出海USD$70, 租全套潛水裝備US$45)，2次船潛加1次潛藍洞，總共每人US$232，店員話明天出發才比錢。
因為啱啱至吃完一大份芝士漢堡仲未餓，所以兩個人只要了一份Set Menu – Baby Back Ribs再加多2杯飲品。
Baby Back Ribs Menu(US$33) – 包括餐湯、燒汁烤豬肋排和甜品，非常之大份，足夠2人食。
Baby Back Ribs(燒汁烤豬肋排) + 粟米薯條 – 粟米比較乾唔算甜，薯條有點硬，豬肋排的味道和香港分店一樣，冇乜肉汁和肉質較鬆散，冇乜肉味只有燒汁味。
Brownies(雪糕加特濃朱古力蛋糕) – 整餐最好食是這份甜點，但是好肥啊。
食完飯到附近的Duty Free Shop行一陣，跟著乘免費的接駁巴士回酒店。
巴士由早上10:0至晚上10:00，每小時一班車，分別接駁北部和南部的幾間大酒店。
14:34 - 15:06乘這巴士回到Kensington Saipan Hotel
Check in了，先送上一杯Welcome Drink，想Book今晚BBQ時，剛剛最後一張枱已經冇埋，明天又關門，真係黑。
我們的Kensington Passport，職員叫我們去到邊都要帶，因為所有活動和食飯都要出示。
小太熊今次Book了PREMIER DELUXE Room，在最高的12/F，好好View架。
PREMIER DELUXE Room(包早晚餐)每晚HK$2798 – 房間有全海景大露台落地玻璃，好舒服架。房間仲免費供應大量啤酒汽水及朱古力和薯片等小食，而且每日添加，好細心。
房間可以望見整個大泳池，開罐啤歎吓先。
接著到泳池游水，好Hea呀。
返房歎住薯片啤酒睇日落
今晚去East Moon餐廳食中餐，明晚才吃自助餐。East Moon供應2款中式套餐，可以每人選一款，包埋餐飲的。
海蜇菠蘿拼牛肉及蝦
點心三拼
竹筍海參
麻辣牛肉
生炒牛肉飯
辣海鮮湯麵
水果材柿乾
每一味都唔可以話好食，但絕對不是難食，普通過普通。
因為我們住PREMIER DELUXE Room ，可以在20:00 - 22:00到Infinity Pool and Bar免費飲酒和游水，其他住客要收US$30，非住客收US$50。
Sparkling Wine和紅白酒都免費任飲，還有些小食送酒。啤酒唔包的，要比錢。
玩到22:00都好攰了，要返房瞓。
晚上小太熊收到潛水店的email，表示我中午簽的生死狀有問題，所以明天的潛水行程取消了。小太熊立即聯絡KLOOK內一個中國人Agent安排潛水，他表示只能安排明天下午2潛，首先去Laulau Beach潛一次(US$60)看看我們的技術水平，如果OK的話就可以去埋 藍洞(US$70)，租全套裝備每人加US$30，即是2次岸潛每人總共要US$160，比日本人貴好多，不過冇計。
Confirm之後Agent立即飛車過來收錢，真係積極。
補充資料 :
1.) Hong Kong Express 香港來回 塞班島，每位HK$2853，沒有行李寄運和機上餐飲。
2.) US$1 兌HK$7.8。
3.) 塞班島機場沒有公共交通服務，的士也必須預約，否則便冇車。上網用KLOOK訂的士從塞班島機場到Kensington Saipan Hotel，19km路程車費US$35。
4.) 2人5天保險費共HK$110。
5.) 鴨記買5天 - 30G上網卡HK$250，收得算差。在酒店見到有上網卡US$20有3G，早知去到至買。
6.) 塞班島中午的陽光異常猛烈，紫外線超強，沒有太陽眼鏡和太陽油太陽帽會非常大鑊。
好好天好靚!
回覆刪除中餐普通過普通, Ocean grill 可能都一般^^
其實都估係一般，不過啱啱check in時睇住最後2個位比人book埋有些唔忿氣囉～
刪除塞班島整體上都係普通，20年前來就會覺得正。
海底世界很美，原來當地咁受內地客歡迎
回覆刪除以前就全部係日本人，現在就七成大陸人三成韓國人。
刪除