潛行宿霧 鯨鯊 • 風暴(完) – 菲律賓中部古城 宿霧市

菲律賓Mactan Island度假酒店 – Dusit Thani Mactan Cebu Resort

宿霧市(Cebu City)是菲律賓最古老的城市，亦是菲律賓第三大城市，現時城市內仍然保留着許多歷史建築和歐洲式教堂。位於宿霧市東部的Mactan Island是國際機場的所在地，島內很多國際級大型觀光酒店，也有少量景點可作一遊。

潛行宿霧 鯨鯊‧風暴– Day 6

繼續上一篇Day 6行程。

<<Mactan Island>>

14:25到達Dusit Thani Mactan Cebu Resort，Reception表示15:00才到Check-in時間，叫我們先放下大行李行一陣，15:00再來攞房。

酒店大堂酒吧很開揚又夠氣勢。

Infinity Pool非常之大，環境仲超正，不過未Check-in唔用得住。

今朝潛完水，那些Diving Boot、泳衣和Mask仲好濕，所以用膠袋包住冇放進大行李，因為唔想攞住四圍行，又見唔係咩貴重嘢，所以便放在這張大堂梳化上(當時沙發上冇人)，然後四處走走。

酒店唔大，很快便行完，於是入去一間大堂內的coffee shop坐一陣等check-in，裏面的客人也是我們一樣。

椰子和芒果雪糕(每杯P145) – 同一般菲律賓雪糕一樣，奶味濃郁而且香滑好食。

大約15:15我們回到梳化位置，發現唔見了我們的膠袋，再四圍搵過晒都唔見，死火，只係行開20分鐘便被人偷了，他媽的菲律賓這麼窮撚，又濕又臭的潛水靴和近視潛鏡都偷，有冇搞X錯。

我突然靈機一觸，在check-in時通知Reception，並叫佢問問Housing Keeping有冇攞到我個膠袋，他媽的果然被Housing Keeping的人快手快腳偷了，死死氣攞返個袋出來，仲幫我分好埋類，真賤格。

雖然攞得返個膠袋，但係酒店依然俾唔到房我，佢話未執好房，於是我又等到16:00再去問Reception，佢依然還未執好房，我便要求她換第間房給我，佢話原本預備給我們的房是高層，現時只有一間低層的房有空，真他媽的，再等落去天都黑了，游唔到泳池仲洩底，被迫要了間低層房。

雙人房(包括早餐)每晩HK$1731 – 小太熊話佢今次買的是最平的房，比了錢之後才減價，減到HK$1300，白白貴了$400好唔抵。

16:30開始游水，霸了2張泳池上的太陽凳，跟住游到太陽落山。

酒店內的客人超過一半是韓國人，反而大陸人就真係唔覺有，看看呢個韓妹都相當粗獷。

今天全日都未正式食過嘢，只係晨早食了少少麵包，餓到有點兒頭痛，於是便在泳池叫些小食嘆一嘆。

炸薯條(P175)；炸魷魚圈 (P420)；喜力生啤(P220買一送一) – 食物都好好食，一邊游水一邊送啤酒一流。

游到18:00天黑，便返房沖身。

晚上會到Mactan Island的Lapu-Lapu City食晚飯，因為這間酒店位於Mactan Island的末端，距離機場太遠沒有Grab車，只可以叫酒店安排Call的士，的士要多收P100 Call車費，連咪錶價錢一起比司機便可以。宿霧的士P40起錶，開車即跳，之後約每1km～P18。

從Dusit Thani Mactan Cebu Resort往Marina Mall，的士跳錶P240.5，另加P100 Call車費。

Zubuchom – 位於Lapu-Lapu City Marina Mall的乳豬專門店，小太熊的Target。

生力啤酒(P95) ;可樂(P80)

Crab Relleno(P230) – 普普通通的蟹肉釀蟹蓋，味道一般；乳豬腩(P340～細) – 皮唔算鬆脆，不過豬肉就夠腍和有豬肉味，一般好食啦，不是太特出。

呢餐唔算好食，有點兒失望，小太熊一直都想話食海鮮，我哋便四處逛逛看看有沒有好的海鮮吃。

Seafood Island – 在對面的商場Island Central Mactan內居然找到一間海鮮店，有新鮮的肉蟹，而且算是大隻，決定入去食多一餐，還小太熊一個心願。

生力啤酒(P55) – 剛才的乳豬店要P95，差不多貴一倍，好搵笨呀。

黑椒炒肉蟹(P1600~約1.2kg) – 蟹肉頂晒殼，鮮甜但卻非常黐殼，食得好困難，黑椒很香口但係味道好辣，整體上算是比得上星加坡的黑椒肉蟹，抵食。

Halo Halo Sa Buko(P175) – 是菲律賓宿霧的特色甜品，類似雜錦刨冰，加入椰果、番薯、甜紅豆、芋頭雪糕、粟米片和煉奶，幾好味道的甜品，足夠二人份量。

離開時在商場的門口有很多的士在排隊，我們便上了第一架車，講出想去的目的地(約12km遠的Tree Shade SPA)，的士旁邊有一個local人話車費要P400，我沒有還價便一言不發立即落車，司機立即說「By meter by meter」，我便說OK，叫他開車。不過小太熊還是說「信唔信得過㗎，會唔會仲呃我地㗎」。

最後司機老實地起錶送我們到了目的地，車費P162.5。

來到Tree Shade SPA想即刻歏返2粒鐘才回酒店，但已經Full了，職員話要等2hr後才有位。

冇辦法，唯有明天才做，返正是順路回酒店。SPA店替我們Call的士，立即就有車到門口，回酒店跳錶P98.5。

晚上的泳池夜景好正架，可惜我們的房望唔到的。

晚上再試試用Grab訂明天的車，不過還是冇車。

潛行宿霧 鯨鯊‧風暴– Day 7(完)

今天如常07:00起身，執好行李後去食早餐。

酒店包了自助早餐，主要供應西式和韓國食物，因為太多韓國人了。


我們選了戶外最後一張海景二人枱，環境都好得。

食物的味道一般啦，勝在坐得舒服。

食完早餐之後再游一陣水，09:40 Check-out。今日打算包車在宿霧市一日遊，不過昨晚和今朝試過好多次用Grab都Call唔到車，最後只好叫酒店Call的士往 聖嬰大教堂(Basilica Minore del Santo Niño)，可能要逐程去截車，平一點點但比較花時間。

酒店Call車後等了20min才有的士，上車後我問司機包車6hr作市內遊，最遠去到Tops收費多少，佢開價P4000，最後討價還價之後以P3000成交。

宿霧的士包車6hr收費P3000

10:10出車，因為市中心很塞車，31km路程用了70min，11:20才到Tops。

<<宿霧市>>

Tops(入場費P100) – Cebu City最高的地方，位於宿霧最高的2000m山頂上的展望台，天氣好的話可以飽覽整個宿霧島的景色。



今日天氣唔好，只可以望見宿霧市，而且天灰灰隨時會落大雨。

Top of Cebu Restaurant – 位於Tops旁邊的餐廳，景觀和Tops一樣。我們11:40早到可以坐到最邊靚位，食完離開的時候要等位了。

Cappuccino(P100)；生力啤酒(P75)

BBQ Chicken¼隻(P200) – 炭火燒烤味道香口，送啤酒唔錯。

因為塞車令到交通時間超出預算，今日的時間都算緊迫，所以唔敢在餐廳歎咁耐，12:15離開往附近的下一個景點Temple of Leah。

Temple of Leah(入場P100) – 很古怪的半亞洲半歐洲式神廟，睇外觀以為自己去了希臘，但又冇歐洲的類似神殿咁宏偉，有點兒不倫不類。

山頂上就只有這兩個景點，其實再行多10km山路會有另一個景點Sirao Flower Garden，不過因為小太熊選擇了黃昏時做SPA，所以便放棄這個景點。

下一站是回到山腳下的一座中國式道觀Taoist Temple。

Taoist Temple(宿霧定光寶殿) – 是位於宿霧市Beverly Hills的道教寺廟，由宿霧的華人社區於1972年建造。其實和荃灣 圓玄學院和屯門 青松觀差不多。

下一站是到宿霧市就熱門的景點 麥哲倫十字架和 聖嬰大教堂。

麥哲倫十字架(Magellan's Cross) – 葡萄牙航海家麥哲倫在環遊世界一周的途中~1521年4月來到宿霧時興建的巨型十字架，當地傳聞這十字架能醫治百病。

聖嬰大教堂(Basilica Minore del Santo Niño) – 建於1565年，曾經兩次遭火災燒毁，現在保存的建築物是1740再重建，是宿霧最著名的天主教堂。

教堂內有很多信徒誠心下跪禱告。

教堂外就放滿許願蠟燭

我都許返個願先.....好人一生平安，邪惡的人全家落地獄。

聖嬰大教堂外面是個市集，很多地道民生百態，可以慢慢行感受一下。

這些街邊食檔有幾分似福岡屋台啊，很地道，每檔只有3個位，不過小太熊唔肯食的。

行完市集之後又上車往附近的景點 聖彼得古堡。

聖彼得古堡(Fort San Pedro)(入場票P30) – 建於1565年的堡壘，由菲律賓的征服者~當時西班牙海軍興建，用作抵禦另一個侵略者~摩洛人的襲擊。感覺很像澳門的聖地牙哥酒店。

<<Mactan Island>>

時間差不多了，今天Book了16:00回到Mactan Island的Tree Shade SPA做90min按摩，因為怕沿途塞車，所以早一點上車回去，哪知道沿途卻非常之暢順，多了半個鐘頭時間，所以路過Lapu-Lapu City時便在Island Central落車，到Jollibee食啲嘢，因為小太熊話網上啲人係咁贊Jollibee好食，想試吓喎，於是入去試了2份套餐。

炸雞意大利粉餐(P90)；芝士漢堡餐(P120) – 只可以話唔算難食，KFC的炸雞和Burger King的漢堡包好味道太多了，小太熊老點。

Lapu-Lapu Monument – 位於Mactan Island返酒店Dusit Thani Mactan Cebu Resort的途中。1521年葡萄牙航海家麥哲倫抵達宿霧之後，展開軍事侵略，結果被當年Mactan Island的原居民領袖Lapu-Lapu殺死，因此Lapu-Lapu成為抵抗國外侵略者的英雄。

最後回到Tree Shade SPA剛剛16:00，我們便在這裡埋單放車，攞埋大背囊放在SPA店，按摩完90min之後便直接去機場。

入房前先在這裡磨砂洗腳。

Swedish Massage(P1500~90min) – 價錢比宿霧市中心的Tree Shade SPA貴50%，但手勢返而冇咁好，這次手勢只是一般。按完之後仲放個利是封，半強迫比Tips啊。

離開時終於落暴雨了，其實都天黑了好耐，SPA店替我都Call車到機場，沿途有些少塞車，途中司機問我從那裏來，我答話 香港，佢就問香港是否「Same to China?」嘩！梗係唔Same啦，簡直完全唔同，Passport都唔同，錢又唔同，文化唔同連講咩話都唔同啦，大陸仔在外國扮香港人想搏大霧就多。

17:40-18:05去到機場，寄完行李之後便排隊出境。

痴撚線㗎，離境勁多人排隊，得3個Counter而且賓佬賓婆做嘢非常之慢，由18:20排到19:15才出到境，我去旅行幾十年(包括以前多次出入菲律賓)也從未試過咁難出境，菲律賓唔知發乜神經。排隊的中途有幾個大陸婆驚遲到上唔到機，突然發癲走到Counter想打尖，但比其他人迫佢哋排返隊，今次我就好體諒佢哋，因為根本就係菲律賓唔啱。

Plaza Premium Lounge – 因為排隊太耐，只有15min在這機場候機室食嘢，這可能是最後一次入機場候機室了，因為Priority Pass又到期，唔知仲有冇機會攞得返，菲律賓實在衰格。

食物的味道都唔錯，有生啤任飲，一定好食過飛機餐。

飛機準時20:00起飛，國泰機好少準時的。

飛機餐極度難食，所以只係食咗杯雪糕和飲了少少白酒。

23:35回到香港了，小太熊明天又要返工，好慘，不過下次佢都唔使再返工了。

補充資料 :

1.     國泰航空 香港來回宿霧機票每位HK$2877(包括寄行李和餐飲)。

2.     HK$1兌P6.33(永恆找換公司)。

3.     宿霧市的士司機一般都肯按咪錶收費，P40起錶，開車立即跳錶，每1km約P14~18(視乎的士的種類)，偶然有司機會希望定額收費多收些車資，只要堅持用咪錶便可以。

4.     宿霧市包的士6hr收費P3000，最遠去到Tops，如果要到Sirao Flower Garden便要再加錢。

-----潛行宿霧 鯨鯊 • 風暴(完)-----