國際都會 上海(1) – 黄埔江 外灘

上海黄浦江外灘

上海是中國的經濟、金融、貿易和航運中心，也是中國人口最多的城市。早在新石器時代上海地區已經有人聚居。1843年《南京條約》開始，上海設立外國租界，從那時開始大量歐洲式建築物便矗立在上海市中心。現時上海仍有不少著名地標，包括豫園、城隍廟、南京步行街、外灘、陸家嘴摩天大樓等等。2008年12月聖誕，所有短途的機票都好貴，曼谷都要四千幾，最平只有選擇 上海，但連稅都要HK$2200。今次聖誕只請半日假便可以放五日，下午飛，共去了上海五天。這次假期主要是食、食、食……攞住本香港旅遊書四圍食。

國際都會 上海 – Day 1

早上返工，下午請半日假出發。在機場的Plaza Premium Lounge食完免費午餐，再坐埋張特大OSIM按摩椅便上機。今晚是平安夜，所以飛機餐有哈根大師雪糕條食。

到達上海機場已經天黑了，決定坐浮滋火車出市區，當係一個節目了。

買完火車票入閘前都要照行李，仲嚴過飛機，呢個國家實在多仇家，成日怕比人炸。

浮磁火車 – 最高時速可達500km/h，一般也會開到450km/hr，單程每位￥40。

這列浮磁火車冇人坐，我們2人用￥80便包一個車廂。

只係10min浮滋火車便出到市中心，要再轉地鐵到 人民廣場站。

新世界麗笙大酒店 – 位於南京步行街尾，人民廣場旁邊，今次住足4晚。

雙人房(連自助早餐)每睌HK$700

Check-in後已差不多晚上十時，雖然今晚是平安夜，但很多食店都關門了。在南京步行街行到一間百年老店(始於1875年的老字號) 沈大成，關23:00，立刻入去食。

鮮肉小籠包(￥18) – 包皮很厚，味道同求其一間佐敦的上海舖差唔多 ; 兩面黄(￥22) – 麵較硬，油勁多，味偏淡，食到面都黃。

紅燒牛肉麵(￥14) – 味道重普通過我啲普通話，但麵質唔錯，飽肚有質感。

國際都會 上海 – Day 2

早上在酒店食自助早餐，好似好多嘢食。

最初看見好多食物都覺得幾多嘢食，但幾乎攞上碟嘅都麻麻，食部都唔多掂。

最好食就只有…………白粥加豬肉鬆。

咁差的自助餐每人要￥195，支那真係病了，好彩房價已包。

如果酒店唔包早餐，可以出去食生煎包飲豆漿就好啦。

早上09:00沿南京步行街漫步到外灘

南京步行街內全是歐洲設計的建築物。

永安百貨公司(建於1918)

沈大成(始終1875) – 昨晚便在這𥚃食飯。

真老大房食品公司(始於1851年) – 最出名是鮮肉月餅，每個只¥2.5，試了一個，好味道的。

街外太凍，入了肯德基家鄉雞飲了杯熱奶茶(￥6)。

松花糕(￥1.5) – 路過百年老店 五芳齋(1858年開業)買了件糕試吓，硬硬地韌韌哋甜甜地很有松花和白米香氣，好食。

食完再買多件 蜜糕(￥1.5)試吓，口感十分煙韌，糯米粉味和蜜糖味都很清新香口。

11:30行到黄埔江 外灘。

黄埔江對岸便是 陸家咀，見到東方明珠塔、金茂大廈、環球金融中心。

浦東發展銀行 – 黄埔江畔全是這些法國式建築，現在已經是大量中資企業的總部。

行到13:00，坐觀光船「 上海風采」遊黄浦江，1hr航程每位￥50。

上海風采沿着黄埔江慢駛，沿途經過的景點都有介紹。

人民英雄紀念碑

陸家嘴 金茂大廈(420.5m)；環球金融中心(492m)

東方明珠塔(468m) – 上第二球要￥100，上最高的第三球要￥150。

遊完船河已經14:30了，走到一間上海的百年老店平民飯堂 – 五芳齋午餐，今早便是在這裡買糕食。

爆魚大排麵(￥14) – 可能是太肚餓，覺得好好食，尤其是啲麵。

小餛飩(￥4) – 味道OK，勝在夠平又飽肚。

過橋米線(￥13) – 勁多青菜，淡口，可清腸胃，味道就一般啦。

差不多16:00去到上海新天地，氣溫越來越低，只有3-4℃。

坐在露天位置食下午茶都好凍，雖然剛食完午飯，仲好飽，但都要試一試 新天地嘅高端感覺。

下午茶 朱古力餅 + 咖啡(￥42) – 唔算太差，一般味道。

下午茶 雞翼薯角洋蔥圈+ 紅茶(￥48) – 貨素和大家樂差唔多，勝在環境好。

食完下午茶已經17:30，本來想在 新天地直落食埋聖誕晚餐，點知啲價錢好似歐洲甘貴，一位晚餐郁郁都要五百人仔，太貴了…….只好返回南京步行街食。

晚上的新天地比日間更靚，只係太貴唔係好值。

由新天地乘的士返外灘，看完夜景才食飯。

東方明珠塔

浦東發展銀行

外灘三號(建於1861年，前為上海俱樂部)

南京步行街

晚上在南京步行街內的 燕雲樓晚飯。

佛跳牆(￥38) – 落足料湯底好正，好飲。

榨菜皮蛋豆腐 – 皮蛋十分香口，豆腐就唔夠滑，榨菜和豉油味都太咸。

糟溜魚 – 很有魚味又夠滑，比預期好食。

上海炒筍 – 好似食菜一樣，口感很脆。

北京烤鴨(￥44半隻) – 要等45分鐘，皮下脂肪不多，味道好好，拍得住香港的北京樓，抵食，只係碟醬太濃，扣了分。

碗豆糕(￥4) – 豆味濃郁，不太甜口感又夠煙韌，值得一試。

完了第二天行程，不停食，食到個肚似皮球。

 

---待續---