國際都會 上海(完) – 東方明珠塔

奇幻詭秘的黃浦江外灘觀光隧道

上海外灘觀光隧道是連接上海外灘與陸家嘴的一條觀光隧道，全長647m貫穿黃浦江，隧道於1998年開工，2000年10月開始營運，隧道內部營造有各種閃爍的燈光效果，奇幻詭秘。

國際都會 上海 – Day 4

早上09:30從酒店乘￥14的士去 玉佛寺。

今天玉佛寺的門票由￥20減到￥10，所以大排長龍。有黄牛票賣￥13，不過冇乜人幫襯。

玉佛寺內人山人海香火鼎盛

善信們十分神心，個個都求個發財立品。

瞻禮玉佛 – 如要觀看這個玉佛寺的招牌，比完入寺費之後要再比多￥10。

約11:00乘的士到外灘，乘奇幻的外灘觀光隧道列車，由 外灘到 陸家咀，每位單程￥40。

七彩奇幻的外灘觀光隧道

東方明珠塔 – 曾經是全亞洲最高的塔，高463m，上塔第二球收費￥100，加多￥150可以食埋塔頂的旋轉餐廳自助午餐和上最高的第三球。

買了￥250套票，首先上塔頂的旋轉餐廳開餐，等了一會兒便有窗口位坐，好正啊。

海鮮已經被清得七七八八。

好彩廚房特然攞了一盤蟹出來，當中有10隻手掌般大的肉蟹鉗，我立即攞了5隻，留低一半蟹鉗和蟹身比其他人。

肉蟹鉗的蟹肉出奇地鮮嫩脆口又鮮甜，而且雞髀咁大隻啖啖肉，有點後悔冇攞埋剩下的5隻，轉個頭都冇埋了。

東方明珠塔下的上海市

沿着黃浦江行街，經過哈根大師入去嘆返杯。

雪糕新地(￥58) – 雪糕溶的，上海係咪唔夠電呀，蜜桃只係罐頭貨，差到暈離晒譜。

晚上到地鐵靜安寺站的 鷺鷺酒家食飯。

花鵰醉蟹鉗(￥22) – 味道幾特別和鮮甜，蟹是生醃的，有點核凸。

蟹粉獅子頭(￥28) – 不吃也罷，只是一般貨式。

樟茶鴨(半隻￥38) – 賣相乾爭爭，但原來肉質好靚味道一流，有肉汁又夠入味，比香港樟茶鴨的好食好多。

鷺鷺酒家旁的 百樂門夜總會，上海灘時代跳老舞的地方。

上海杜莎夫人躐像館 姚明像 – 今日才知道中國人原來這麼喜歡美國人籃球員，真係攪笑。

晚上20:00到Mandara SPA做了個半鐘Massage(￥890)，有 Banyan Tree 9成水準。

國際都會 上海 – Day 5(完)

早上09:30先到 舒蔡記食生煎包。

生煎包(￥3.5～4隻) – 外脆內香，包皮厚薄適中，食時小心肉汁射到隔離枱(像九龍城清真牛肉館的牛肉餅)，味道絕頂，不可不試。

最後一擊，到地鐵陝西南路站 滄浪亭。

滄浪亭今日冇蟹粉，吃不到招牌蟹粉麵了。

雪菜蝦麵(￥24) – 有蝦味，好食。吃完已經太飽了，不能再試其它，下次一定再來試她的招牌三蝦麵和蟹粉麵。

12:30乘浮磁火車到機場。

上海浦東機場頭等候機室，用Priority Pass便可以免費入去食嘢。

下午15:00乘機回香港，完成五天國際都會 – 上海之旅。感覺是，相對人均收入，上海的物價比香港更高，上海人也很有米，連狗都肥過人。再過幾年可能我這個港燦已去唔起上海旅行了。

 

 

 

-----國際都會 上海(完)-----