喎~不丹 行(2) – 佛國夜店Dragon Entertainment

不丹(Bhutan)地標 – 建於海拔3300m懸崖上的 虎穴寺(Paro Taktsang)

虎穴寺(Paro Taktsang)位於不丹海拔3300m高的懸崖上，建築設計令人驚嘆，是遊不丹必到的地方。從山下行上去要不斷上斜行約2hr，中段有一間餐廳可以休息食啲嘢，整段山路像麥理浩徑，難度不高。

喎~不丹行 – Day 1

今晚22:10乘阿聯酋夜機往曼谷，上機前先在香港候機室食晚飯。

食物質素終於高返了，魚蛋粉幾好味，仲有生啤任飲添。

腸粉都好好味，湯飯亦幾得。

航機極準時於22:10起機，11:55便飛到曼谷。

喎~不丹行 – Day 2

今次入境時完全冇人，去到機場酒店Novotel Bangkok Suvarnabhumi Airport都未夠01:00，非常順利。

Novotel Bangkok Suvarnabhumi Airport雙人房(含早餐)每晚HK$1203

酒店wifi要另收費，勁小氣，早知唔住呢間。

只能小睡2.5hr，04:00便要起床了。

酒店早餐03:00開始供應，我04:15去到已經好多人，但質素就算差了。

最好玩只有呢個蜂巢。

乘Shuttle去到機場都未夠05:00，櫃位冇乜人，很快攞到登機證了。由於今次去不丹程機的經濟位Full了，小太熊決定每人比多約HK$500坐商務，所以可以行VIP通道和享用法國航空候機室。

VIP通行證和法國航空候機室入場證

行VIP通道很快便到法國航空候機室了。

晨早又嘆返杯先

係咁椅食少少嘢，仲好味過剛才酒店的早餐。

06:50 Drukair又準時衝上雲宵了，商務位好濶呀。

份商務餐都唔算難食。

唔駛10:00便飛到不丹的帕羅，今日天氣唔錯。

<<Paro(帕羅)>>

帕羅機場很細，兩步走完。

剛落機便立即見到不丹國王和王后的幸福照。

一入境又立即見到不丹5代國王的相片。

導遊已經在外面等緊我哋了，一見我們步出禁區，便帶我們上車。

未來不丹的旅程都會坐呢部車和這位導遊一起。

立即展開不丹第一個節目，驅車直往虎穴寺。約10:45已到山腳，開始起行。

剛起步便不斷上斜，途經很多地方都掛滿梵文彩布。

很多馬仔，但唔見到有人騎。

慢慢行了1hr，來到這半山位置，不遠處有間餐廳。

餐廳面向懸崖上的虎穴寺，在這裡休息加午飯，然後再上路。

室內坐滿了韓國人，在等開飯。

導遊先為我們送來茶㸃，團費已包。

12:00準時開飯了，是自助餐。

味道唔差的一餐，有不丹國菜 芝士煮辣椒，又香又夠辣，幾過癮的。

食飽繼續上山

從餐廳行多45min，便可近望到虎穴寺了，這段路開始是最佳拍攝位置，要慢慢行。

最後行過這條橋和瀑布的可進入虎穴寺。

整體上這條山路唔難行，像行高山版麥理浩徑，呼吸快一㸃，慢慢行2hr便可上到虎穴寺。

寺內不准拍攝，要把相機和手機放在寺廟外的Locker才可進內。進內時要穿長衫和長褲。

虎穴寺不大，進內行30min已經行完。

14:30離開，15:45便回到起㸃，虎穴寺之行剛好用了5hr。

司機跟住車我們到酒店chech in，今晚小太熊自費Book了間好嘢，就係面向帕羅宗的Gangtey Palace Hotel，前身是王宮，內裡裝飾都好靚。

Gangtey Palace Hotel位於山腰，景觀開揚。

酒店外是一片草地

Gangtey Palace Hotel正門

酒店的景觀，可望見整個帕羅市。

另一邊望見 帕羅宗。

草地旁邊的露天茶座，坐在這裡相當寫意。

這酒店前身是王宮，3/F仍保留了以前供奉神佛的房間。

雙人Deluxe Room(不含早餐)每晩Nu3940(現金價，比card貴20%)。

在房沖個涼休息一會，很快又19:00，導遊話今晚和明早都響酒店食，佢會比錢。

夜晚的酒店都好靚架。

大樓外面的茶座。

夜晚從酒店望向帕羅宗。

今晚都唔少星星啊。

酒店餐廳，冇乜人氣。

先來一碗快餐店忌廉湯

晚飯又係自助餐，5盤嘢任食，比中午那餐差。

出發前和旅行社定好的行程，今晚會去不丹的夜店見識吓。

帕羅市的夜店Dragon Entertainment

從地下的入口落一層到地窖就係佛國的夜店。

哇！個場好細，而且21:00都只有2枱客，但就有7個舞女駐場揾食。

不丹大啤一支Nu 200，抵玩，幾好飲的。

我們一坐底，舞女們便逐個走過來，每人要資助Nu 100，之後佢地就會上台跳舞比你睇，仲會講出資助人個名，我們坐了1hr，每位小姐都給了Nu100，共Nu700。

舞小姐們正在跳舞比我地睇。

呢位小姐最靚女了，其餘都唔係好掂。

呢位姨姨成個魯芬咁樣，我退過佢一次了，但小太熊最後都比了Nu 100佢，佢的舞藝又確係全場最勁。

玩到22:00便要走了，你唔瞓導遊司機都要瞓。

補充資料 :

1.         USD 1 兌不丹幣 Nu 60.2，可在帕羅機場換。

2.         阿聯酋航空香港來回曼谷機票HK$2258。

3.         Drukair商務位曼谷往帕羅加經濟位帕羅回曼谷，每位USD792。

4.         Bhutan Mountain Holiday 9日8晚不丹Package每位USD1860。自選不丹酒店3晚每位另加HK$4420。連埋小費、保險和當地消費，整個11天行程每人共用HK$31000。

5.         今日在不丹用了Nu4000自費比房租，夜店要自費又用了Nu1050，其餘Agent都包了。

6.         在不丹進入寺廟內時要穿長衫和長褲。

---待續---