喎~不丹 行(1) – 地球上最快樂國度 不丹(Bhutan)

不丹(Bhutan) 街頭常見到的僻邪壁畫 – 龍朘

在佛國不丹(Bhutan) 的國境內，雖然舉國信佛，但卻經常看見大大小小的朘朘壁畫和飾物，仲碌碌都扯到行，好似好變態。查實，傳說因為上古有位得道高僧曾用朘朘來降度伏妖(唔通係女妖? 咁似警訊講果啲性交驅鬼嘅?)，因此不丹人相信朘朘可以辟邪，於是這頭壁畫便成為了可能係世上唯一的獨特文化。


不丹(Bhutan)位於藏傳佛教的勢力範圍，被強國西藏和強姦國大吉嶺包圍着，除了強姦國人民可免簽證出入境和自由行外，其他國家人士都要經當地旅行社申靖簽證才可入境，而且要最低消費(每日約USD250)和全程要比導遊Mark實，驚死旅客們會教壞啲國民咁。其實，都冇乜民族衰得過強姦國啦，比得佢地自由出入，做乜仲要咁驚其他人啫。

由於去不丹10日8日動不動便三萬大洋，加上冇咩特別嘢睇，所以一向以來都冇乜人會考慮呢度，攪到不丹好像很神秘咁。但自從梁朝偉响不丹結婚後，個個香港人都認識呢個係全世界最快樂嘅國家，國民快樂指數全世界最高(因為只得佢有數據?)，又係世外桃園，咁究竟堅定流呢？導遊話不丹人平均月入大約USD200，揾咁少都快樂，係真唔係架？

聽聞不丹山明水秀，人民又快樂，又可以行山減肥，所以決定同小太熊來個幸福不丹之旅，行4日山做吓運動，住梁朝偉包起結婚的酒店Uma by COMO嘆吓，再參加埋不丹首都延布一年一度的傳統面具節(Thimphu Tsechu)，一次過感受晒不丹人民的快樂。

<前言>

從法國回來冇耐，小太熊特然問我：「想去北海道定不丹？」

我諗咗一陣：「不丹啦」

小太熊：「北海道好食好住風景又靚喎！機票只係四千幾，不丹就睇咁多Blog啲相都好流咋喎，尼泊爾靚過佢啦，又貴，又乜乜. . . . 又襪襪. . . .」

我：「咁北海道囉。。。」

小太熊：「你又話不丹？講兩句你又改，你究竟想去邊道架？」

我：「北海道啦。。。最緊要妳鐘意啦，我邊度都鐘意，就咁決定啦。」

過了2日，小太熊又問我：「想去北海道定不丹？」

我：「乜唔係講好咗北海道咩。。。又問？」

小太熊：「係呀，等你諗清楚啲先吖嘛。。」

我：「你咁問得，即係可能北海道冇咁啱啦，咁去不丹啦，就咁決定。」

小太熊：「乜你日日都講唔同嘢架，你諗清楚啲先啦。。」

我：「我蠢我唔啱吖嘛，我唔識嘢吖嘛，就去不丹啦，就咁決定。」

過了2日，小太熊又問我：「想去北海道定不丹？」

我：「又問？唔係決定咗不丹咩。。。」

小太熊：「北海道好食好住風景又靚喎！不丹啲相都好流咋喎，尼泊爾靚過佢啦，仲咁又貴，乜乜襪襪. . . .」

我：「又問？答呃幾次了，考慮晒了，就不丹啦，反正遲早會去一次，去咗就唔駛再成日諗來諗去不停咁問咁煩。。。」

小太熊：「我係鐘意不停咁問架。。。你話我煩就即係唔鐘意我. . . . . 巴啦巴啦。。。」

我：「北海道幾時去都得嘛，但不丹行山可能出年已冇力行了，趁仲有氣不如去咗先啦，不丹不丹不丹」

又過了2日，小太熊又問我：「想去北海道定不丹？」

我(汗+笑)：「北海道幾時去都得嘛，但不丹行山可能出年已冇力行了，趁仲有氣不如去咗先啦。。。」

 如此這般都忘記重覆了幾多次以上對話，最後還是決定去不丹了。

<不丹最低消費>

遊不丹，除了強姦國人民外，每個人都須要附出最低消費。

旺季3～5月和9～11月

3位或以上每人每日(一晚計）USD250;

2位每人USD280; 1位就USD290;

包括每日三餐和普通住宿、導遊、司機、私家車和所有門票，睇醫生都包括埋，即係唔需要再換錢都得。

<不丹9日8晚行程設計>


小太熊設計的 不丹9日8晚行程路線

Day 1

乘阿聨酋夜機到曼谷，在機場酒店休息3hr。

Day 2

晨早乘Drukair往不丹(Bhutan）首都 帕羅(Paro)。

導遊接機，立即往虎穴寺，上落山加中途午飯共5hr。

往酒店Gangtey Palace Hotel休息。酒店內晚飯後，往夜店Dragon Entertainment消遣。

Day 3

早上往帕羅宗(Paro Dzongkha)、帕羅博物館(Paro National Museum)、7th Century Kyichu Monastery。

午飯後逛帕羅市，參觀射箭場，再往Farm House飲酥油茶、米酒和泡不丹熱石浴。

乘車往2840m高營地Shana Zam，展開4日5晚Jhomolhari Trekking露營行山生活。

晚上於Shana Zam露營。

Day 4

早上08:30起行，行22km(約7.5hr)到3610m高地Soi Thangthangkha扎營。

Day 5

08:30起行，行19km(約5.5hr)到4115m高地Jangothang扎營。

Day 6

08:30起行，上到旅程的最高㸃4890m的Bontela Pass，然後落到3800m高的Soi Yaksa Valley (Dhumzo)扎營。全程17km，約行9hr。

Day 7

08:30起行，行24km回到起點Shana Zampa，途經兩個4520m和4380m的山峰，約10hr。

晩上扎營。

Day 8

早上乘車往首都 延布(Thimphu)。

參觀大佛、動物園、郵政局、15th Century Changankha Monastery和市集。

黃昏check in酒店Terma Linca Resort。

Day 9

早上參加面具節(Tsechu)，午飯後到Iron Bridge，再往Paro入住梁朝偉結婚的酒店Uma by COMO。

酒店內晚飯。

Day 10

早上嘆酒店，中午往機場乘14:10班機往曼谷。

曼谷住Holiday Inn Bangkok Sukhumvit。

The Local食泰國菜晚飯。

Day 11

早上做1.5hr SPA，再乘的士往機場，乘13:45班機回香港。

<不丹旅行社>

今次幫襯的Agent叫 Bhutan Mountain Holiday

小太熊問了數間Agent，大都企硬USD280一日，小太熊自己訂了3晚酒店又唔肯減返啲房錢，而且多數唔肯做Jhomolhari Trek呢條線，又或者要6人才肯成團上山，最後只有這間Agent最好。

1.）2人成團每人只收USD250一晚，比公價平USD30，即9日8晚遊每人慳了USD240。

2.）小太熊自己訂了3晚靚酒店，Agent再每人扣減了USD360。

3.) 送每人一次 熱石浴，約USD10一位。

最後，Agent只收了每人USD1860，包括：

1.）不丹簽証費每人USD80;

2.）全程伙食及非酒精飲品；

3.）5晚露營和山上所有用品；

4.） 全部門票；

5.） 全程私家車交通；

6.） 導遊和司機各一位；和

7.） 廚師、馬伕和助手各一名，再加7隻馬陪同上山。

雖然佢收得最平，但服務比我眼見的其他Agent更好，上山又有Tea食，人哋比足錢都冇，所以最後比了很多小費佢班伙記，希望大家開心啦。

<不丹簽證>

如果只係去帕羅、延布和Punakha等熱門地方，特衰護照便可簽證。但如果想去行Jhomolhari Trek，就要用BN(O)至攞到簽證了，因為不丹和強國有邊境糾紛，而Jhomolhari Trek位於西藏和不丹邊境，因此不丹唔歡迎強國人行呢條線，所以揸特衰護照便冇得行了。

<不丹住宿>

住宿方面，除了山野露營外，小太熊精心揀選了3間酒店。

帕羅Gangtey Palace Hotel(雙人淨房每晚 HK$515) – 面向帕羅宗，環境一流，房間裝飾亦好靚。

延布Terma Linca Resort and SPA(雙人房含早餐每晚HK$2892) – 面向延布河，環境清幽。

帕羅Uma by COMO(雙人房含早晚餐每晩HK$5450) – 全酒店共有20間房和9座獨立屋，梁朝偉結婚時包了這酒店一星期。價錢超貴但格局一般，令人失望。

不丹高山露營 – 雪山冰河圍繞着，環境似好好，但其實極多馬屎，像睡在馬廁所一般。

<不丹饍食>

不丹人唔殺生，肉類全部從印度入口。每餐通常係芝士辣椒、芝士什菌、芝士什菜和白烚菜等等，再加雞肉或牛肉，其實冇咩好食，味道就一般啦。

Local果汁係咁樣色，真係比都唔想飲。

<不丹一般景點>

通常去親不丹都必到的地方

帕羅市(Paro)

延布市（Thimphu)

帕羅 虎穴寺

帕羅宗

不丹行山的風景雖然比不上尼泊爾EBC，但都算唔錯。

Jhomolhari Trek山中湖 – Tshophu(4380m)

Jhomolhari Trek

山中野生動物Blue Sheep

<不丹國民快樂指數>

以我所觀察，不丹同其他地方一樣，都係有人快樂有人愁啦，話不丹國民全世界最快樂，即快樂指數最高，我覺得只係管治國民的一個數字遊戲啫。

快樂的不丹人，多數都係後生女生同小朋友。

不快樂的不丹人，大部分係老人家和窮困的小孩子。

帕羅宗的小喇嘛細細個就要賣紀念品揾食，又會有幾快樂吖。

不丹最快樂的人，我唸一定係第五代國王，從踏進不丹開始便不斷見到佢曬幸福的相，有權有錢有靚老婆，唔快樂除非有病啦。

<不丹文化遺產>

來不丹，當然不是單單為了行山和住隱世酒店啦。想行山，尼泊爾才是平靚正。想嘆山林靈氣酒店，泰國清箂多的是。所以一場來到不丹，必不可錯過感受她的獨有文化。

傳統文化面具節Tsechu，每年一度在延布舉行三天，從早到晚不停戴上面具歌舞三天。

通街通屋畫賓周賣賓周文化肯定只有不丹人會咁做，話僻邪喎，我都買了一大碌返屋企擺，希望有用啦。

玩賓周肯定又係不丹獨有文化啦，連傳統面具節的面具人都揸住一大碌四圍玩，太前衛了。

除了玩賓周，射嘢文化都係不丹男士的專長，其中以射箭最撚手啦。

咪睇不丹舉國信佛以為好淳樸，都有夜店同舞小姐架，仲可以飲啤酒添，只須Nu100便可包起一位小姐，係咪抵玩呢。

夜總會的海報，幾狂野啫。

不丹的大喇嘛，一樣咁狂野囉。

不丹國獸羚牛(Takin)，個樣幾Cute。

不丹的女導遊

不丹的男導遊，連小太熊都大贊。

補充資料 :

1.         USD 1 兌不丹幣 Nu 60.2，可在帕羅機場換。

2.         HK$ 1 兌THB 4.1 百年換。

3.         阿聯酋航空香港來回曼谷機票HK$2258。

4.         Drukair商務位曼谷往帕羅加經濟位帕羅回曼谷，每位USD792。

5.         Bhutan Mountain Holiday 9日8晚不丹Package每位USD1860。自選不丹酒店3晚每位HK$4420。連埋小費、保險和當地消費，整個11天行程每人共用HK$31000。

6.         因為眾人服務很好，而且見佢地都幾窮困，所以比了幾多小費。導遊USD120、司機USD80、廚師USD80、馬伕USD60和助手USD50。

---待續---