喎~不丹 行(6) – 不丹的香格里拉 高山湖泊Tshophu

位於海拔4380m高的 不丹高山湖泊Tshophu

不丹的高山湖泊Tshophu是今次4日山中旅程中最壯觀的自然風景，這湖泊由2個淡水湖相連組成，湖水在陽光下會呈現碧綠色，配合萬理無人只有野生動物的自然環境，絕對把強國九寨溝完全比下去。

問世間，何處冇蝗蟲呢，可能只剩下這片有不丹軍隊守護着，蝗蟲不可飛進的不丹絕地。

喎~不丹行 – Day 6

<<Jhomolhari Trek>>

昨晚下了一整晚毛毛雨，幸好今天一早又再現藍天了。 

廚師07：30已經為我們預備好早晨全餐，加埋大雪山Jhomolhari和陽光做配菜。

今日有芝士奄列，好正架。

炸薯條，估佢唔到咁有水準，好味道。

仲有茄汁焗豆送多士，很豐富呀。

日出後一小時，昨晚積聚的水氣被蒸上了半空，令雪山古堡冰河更迷幻。

不知那裡來的山狗，營地上四處找吃的。

今日08：50起行，會由4080m的營地上到今次旅程的最高㸃，4890m的Bhonte La，再急降至3800m的營地Soi Yaksa (Dhumzo Chhu Valley)，長度16km，Lonely Planet預計行6至7hr，但我卻行足8hr，可能係中途風景太好行慢咗掛。

但事實上，今日路段的風景確係非同小可，而且甚多不丹野生山羊Blue Sheep，實在冇㨂錯這條 route。

起步時天朗氣清，心情大好。

上到半山，回望山下的營地。

上到4300m了，今日不用行泥漿路了，而且風景出奇地好。

沿途不時見到大羣野生的山羊Blue Sheep。

來到4380m的山中湖泊Tshophu，在陽光下呈現出碧綠色，美極。

上到更高處，看見 2個相連的湖泊。

約12：30開始天氣極速轉壞，離開湖泊前已經積滿厚雲。

跟著一段路要澗水過2條河，冇士的就麻煩了。

跟著一段路十分荒涼，空氣亦開始薄弱。

突然落雪了，而且極大風，13：00氣溫只有9度，非常辛苦。

差不多冇氣冇力了，13：30終於在斜路上食飯了，否則無力再上。

食完飯繼續慢慢行，快唔到呀，空氣太薄弱我冇氣呀。

14：10上到4890m的山頂Bhonte La了。

實在太大風，停了10min便頂唔順，匆匆影完相便從這山路離開，下斷下降。

落山30min便去到一處大斜坡草原，草原上有一大羣野生山羊和幾隻人養的牦牛。

不丹氂牛

不丹野生山羊Blue Sheep

在這片大草原停留了30min睇動物，然後再上路。

從這裡再行多60min落到山谷底便到今晚的營地了。

16:50到這今晚的營地，3800m的河谷Soi Yaksa (Dhumzo Chhu Valley)，河谷長滿野花，可惜……. 超極多馬屎呀，望少眼都中招。

剛到埗馬伕已替我們扎好營了。

食Tea先，今日有幾十年冇吃過好好味的椰子餅和咸爆谷。

晚鈑又係呢啲，好悶呀。

今日我已用盡所Energy，原本明天還要行10hr共24km，上升920m下降1990m，把一般人行2日的行程 1日行完，但導遊見我今日太慢怕我行唔完，問我會唔會行條較易的路，8hr不斷落山的路，我諗最高最靚都到過了，不如快些走啦，早些到唔駛扎多晚營，可以自費去酒店沖個涼，仲好啦。

於是叫導遊安排司機明晚接我們走，由於我改了行程，明晚的酒店、晚飯和後日的早餐要自費。

補充資料 :

1.         今日我早晚共吃了2粒高山藥Diamox了，一般狀態正常，只是黃昏剛到營地時有點氣喘。

2.         中午13:00最高只有9度，而且天陰大風加落了陣雪，但清晨時帳幕內仍熊有6度。

3.         晚上陰晴不定，但冇落雨。

---待續---