消遙自在去 台灣(3) – 花蓮 • 兩潭自行車步道

花蓮市名店<鵝肉先生>的名菜 – 鹵水鵝肉

花蓮市是東台灣最大的城市，人口比台東市更加多。花蓮市的中心有很多遠近馳名的地道食店，亦有幾個大型夜市，不愁沒有夜街行。

消遙自在去 台灣 – Day 3

<<花蓮>>

今天07:30起床，瞓足6.5hr，精神好多了。今日會踩一天單車，遊山玩水。

一早便見到少許藍天，今日可以如期去踩單車。

酒店有單車免費借用，但小太熊嫌佢太細部，所以決定自己去單車店租車。

酒店早餐都很豐富，乜都有得食，質素就中等啦。

食完早餐，行去火車站旁邊的<GIANT>租單車，一天NT 300，18:00要還車。

今天會從一花蓮站出發，沿着市內的<兩鐵自行車步道>到海邊，再接上<兩潭自行車步道>往壽豐鄉鯉魚潭，環潭一圈後回到起點，全長約60km。

09:00出發，開始1km沿花蓮市的馬路到達 美崙溪旁，推車上這斜路便看見美崙溪。

美崙溪畔這段單車徑又平又闊，很易踩。

從火車站行3.5km，走完<兩鐵自行車步道>，到達海邊，接上<兩潭自行車步道>。

開首一段路沿海而行，而且天氣越來越晴，非常爽。

沿途經過 南濱公園

繼續沿指示往前走，出太陽了。

中途景點 武聖宮

轉入海邊繼續沿海而行，單車徑依然平坦。

特然間睛天pig pig....封路了，不知點算好....心中只感躁暴....只係10:10咋，㸃可以咁快回頭架。

附近冇其他路了，一是回頭，一是硬過，我便枱起兩部單車搬過旁邊較矮的鐡板，繼續行程。

走過封路位置，見到一個牧場。

沿着牧場沿海踩多2km到達花蓮大橋，發現行錯路了，便踩回頭。

又返回牧場，行返啱條路了，但因行錯路白走了4km。

離開牧場後便要踩出馬路，指示開始唔夠，經常要兜兜轉轉才能找對路。幸好那段馬路的車唔多，而且台灣的馬路都會有條 單車/電單車專線。

離開海旁道便沿着馬路走，經過花蓮小學。

不久便進入田園區，差不多11:20了，兩旁種滿蔬菜和稻米，好大陣天然肥田料的氣味。

田園小徑的盡頭又是一條馬路，而且很多車。

離開田園小徑轉左立即見到這間茶座，環境很好，但剛才行錯路浪費了很多時間，唔坐了，繼續趕路。

跟著的2km路又要踩馬路，非常多車，都幾危險。

過完 木瓜溪橋之後，踩完最危險的2km路段，但是開始進入最辛苦的一段，要不斷上上落落5km，超辛苦。而且小太熊好慘呀，炒了小小車整親個頭仔仲流了小小蚊飯添，要鍚返佢啊！好彩段路冇乜車，如果在大馬路出事便慘了。

不停上，要落車推。

走完高低山路又出返大馬路，向前走多2km便到 鯉魚潭。

到了到了，12:45到達鯉魚潭，好肚餓呀，小太熊話要食炭燒Pizza。

炭火燒Pizza店 – 這裡的Pizza都是用柴火古法烤成，份外香脆好味。

夏威夷Pizza(NT 150) – 非常美味，比香港吃到的好好多。

飯後開始單車環遊鯉魚潭，全長共5km。

鯉魚潭的全景，風景其實幾普通。

環潭路段的風景亦不見特出。

潭中有A貨鴨仔呀，比較真貨差不多啫。

14:15離開鯉魚潭，回程時因指路牌唔夠，在一分岔口轉錯了路，又白行了30min，真係大鬼鑊。

15:30回到剛才的茶座了，環境咁好，點都要座低嘆杯咖啡。

拿鐵咖啡(NT 80) – 很舒適的咖啡。

再次進入田園徑，行完小徑後一轉出馬路又轉錯路了，明明冇乜車的小馬路變成超多車的大馬路，大鑊。

幸好在馬路上看見<香港加油>，頂硬上啦。

好彩有i-Phone 6+的GPS定位，知道自己冇行錯方向，於是沿著大馬路去返牧場位置，沿途要和大車一齊行，都幾可怕。

從牧場順利返回起點，17:45還車，安全到埗。

還完車都差不多天黑，餓到飛起，涼都唔沖便出去掃街。

從酒店行15min到達 蔥油餅街，但全部都新年休息；行過2條街去另一間Target了的食店<橄㰖園>又係關門，試唔到佢的爆汁小籠湯包了。

再行多10min到達另一間花蓮市的名食店 鵝肉先生，有開門呀，仲好多人添。

花蓮市名食店<鵝肉先生> – 等位等了20min，非常值得等呀。

門口見到伙記們切鵝肉，香噴噴。

台灣大啤酒(NT 60)

鹵水鵝肉(9兩)( NT 200) – 超級抵食，價錢係香港的25%，肉質嫩口，皮下脂肪很薄，少許鵝油脂分佈在肉中，鵝肉味濃中帶㸃油香，比九龍城創發優勝許多，是我食過最好味的鵝肉，亦是我在台灣吃過最好食的食物。

鵝肝(NT 30) – 完全唔掂，像吃雞肝，乾爭爭很鞋口又冇乜味，失望，因為創發的鹵水鵝肝是非常好味的。

糯米鵝血(乾)(NT 30) – 味道和口感都怪怪的，唔係好啱食。

湯米粉(NT 45) – 好食。

食完又平又靚嘅地道嘢個人特別開心，繼續掃街，中華路和中山路一帶都掛滿紅燈籠，很有新年氣氛。

花蓮鋼管紅茶 – 巿內另一人氣茶店，飲品全部由4條鋼管流出，包括紅茶、豆漿、杏仁茶和楊土汁，人山人海，小太熊排隊30min才買到。

豆漿(上)(NT 40)；杏仁茶(下)(NT 45) – 2杯都只係普通貨式，只可以話係唔差，唔明點解咁多人。

小太熊排隊買豆漿時，我排對面另一人氣店 公正包子店，又係要排隊30min才能買到。

超級旺場的“公正包子店” – 不論早晚的人龍都一樣咁長。

伙記們已經算快手快腳了，但仍然要排隊30min。

小籠包(每粒NT 5) – 其實是食開的蒸豬肉包，包皮厚而有質感，肉餡有肉汁，是個有質素的包子。

蒸餃(10隻NT 30) – 外皮夠韌肉餡亦夠濕，味道唔錯，很抵食(如果唔駛排隊的話)。

鳯梨灣 – 2011年台灣的冠軍鳳梨酥，買了一盒(9粒NT 300)。

花蓮木瓜牛奶(NT 40) – 唔錯的一杯木瓜牛奶。

五霸焦糖包心粉圓 – 條隊去得好慢，因為這款甜品要一層一層地整，整好耐，排隊足50min才有得食。

舖內返而有位，因為根本食仲快過整。

五霸包心粉圓焦糖煉奶刨冰(NT 50) – 包心粉圓即係小湯圓，有紅豆、芋頭、黑糖等味道；底層有豆花、涼粉、紅豆和綠豆，面層壓上刨冰再加焦糖和煉奶，足2人份量，是很有特色的地道甜品，必試。

今晚最後一撃 彩虹夜市

新年期間的 花燈大會

玩到22:30已經很攰了，乘的士回酒店，跳錶NT 130再加NT 50新年附加費。

回到酒店食埋餐免費自助餐，但已經太飽了，只吃了碗 素肉澡貢丸米粉。

---待續---