細味名城 葡萄牙(8) – 揚帆遨航 斗羅河(Rio Douro)畔

葡萄牙 斗羅河(Rio Douro)上自駕帆船

葡萄牙境內的主要河道 斗羅河(Rio Douro)景色出塵脫，要靜心細味這河道，最好係乘坐精品郵輪，或是租艘遊艇在河上傲遊幾日，沿河可以泊岸及參觀河岸小鎮和葡萄園，亦可以夜宿於小鎮內的隱世酒店，絕對是個難忘的旅程。  

狂熱時空 西班牙‧細味名城 葡萄牙 – Day 9

<< Foz do Rio Sabor >>

繼續上一篇行程。

小鎮“Foz do Rio Sabor”內有一間酒吧叫做“Café Beira Rio”，除了禾忟都會有些亞叔幫襯的。

特濃咖啡(€0.6);葡萄牙啤酒Super Bock 330ml(€0.8) – 物價簡直平得不合理，間吧㸃生存呀。

小鎮內還有個燒烤場，一班唔駛返工的亞叔興高彩烈地BBQ，仲請禾食車厘子添。

行完小鎮了，上船再起航。

<<斗羅河(Rio Douro)>>

帆船駛至火車站Pocinho，要落船行一陣等水霸開閘。

一會兒禾忟會駕船穿過這水霸

昨天中午Jose約了今天12:00開閘，夠鐘便把船駛進閘口。

進入閘口後，鐵閘便會關上。

由於是從低水平線河段駛過去高水平線河段，關閘後會不斷加水升高水位至上遊段的水平。

坐在船頭看著水位不斷上升至水霸另一面的水平，對面閘口便可以打開，讓船隻駛出去。

水霸背後仍然是滿山葡萄園

這郵輪好豪華呀，禾好恨坐，但小太熊話佢悶呀。

Jose揚起風帆，由禾駕船，佢就控制風帆的方向，幾好玩的。

玩風帆玩了個幾鐘後，返回水霸，過返去下遊那邊。

先把船駛進閘口。

跟著放水，水閘內的水位持續下降。

降到和下遊的水位相同後，鐵閘便打開，繼續旅程。

回程時的天氣還是一樣咁好，古堡和酒莊都靚到不得了。

<< Seixo de Ansiães >>

18:00回到昨天下午茶的小鎮“Seixo de Ansiães”，今晚在這裏瞓。

Jose先泊好艘船

“Restaurante Residencial Senhora da Ribeira”樓上是酒店，樓下是餐，因為小太熊唔肯瞓船，今晚便住這裡。

雙人河景露台房(含早餐)每晚€40 – 這房間有冷氣的，今晚瞓得好舒服。

露台超級大，景觀亦好好，只是冇昨晚咁好。

餐廳環境都唔錯，靜靜的令人很舒服。

晚飯每位 €13，包括酒水和甜品。

自釀新鮮白酒，酒精含量較一般低，arm禾飲。

雜菜沙律

炭烤羊架 – 羊架很新鮮，少少蘇味濃濃羊肉味，烤得啱啱好，這是禾今次旅程吃過最好味的主菜。

Homemade紅莓雪糕 – 酸酸甜甜雪糕很軟滑，很有Homemade的味道，正。

今晚可以瞓覺好了，瞓足8hr。

狂熱時空 西班牙‧細味名城 葡萄牙 – Day 10

慣了07:00便起床，冇咩做便和小太熊往小鎮逛逛。 

小鎮外是一大片葡萄園，還有很多橙樹。

啲橙熟到跌哂落地了，真想摘幾個試試。

葡萄還未長大啊

09:00返餐廳早餐。

早餐比昨天豐富，可惜橙汁是盒裝貨，啲橙多成咁都冇人手榨汁。

食完早餐，10:00開船回程了。

<<Ferradosa>>

返到Jose屋企才11:00，未夠鐘上火車，Jose便車禾忟到附近的村莊逛逛。

村莊給人出塵的感覺，像住滿百歲老人。

最後車到這觀景台，欣賞斗羅河的塵世美景。

睇完靚景真係要走了，Jose車禾到火車站，仲送埋禾忟上車添，真好人。

11:42火車準時來了，Bye....斗羅河

<<波圖(Porto)>>

這班火車直接回到波圖的São Bento車站，14:50到埗。先在火車站Lock好大行李(€4)，再用3hr行吓波圖市。

步出São Bento站，今天太陽非常猛烈呀，又熱又乾。

行去“Café Santiago”食葡式三文治“Francesinha”，三日前關了門食唔到果間。

沿途經過一間很美的藍磚教堂“Church of Saint Ildefonso”

15min行到“Café Santiago”，吓...又關了門？咁咪冇得食？激氣呀。

冇計，只有在街上㨂一間人氣旺的餐廳食。

小太熊選了這間Cafetaria Marbella，位於教堂“Church of Saint Ildefonso”隔離。

細生啤(€1.5)

葡撻(€0.8) – 都係果句，好......差，凍冰冰得個甜字，撻皮硬的，原本對佢冇期望的，只係想試多幾個，證明葡萄牙的葡撻真係只有“Pastéis de Belém”一檔好食。

葡式三文治“Francesinha”(€6.5) – 波圖獨創的葡式三文治，厚厚的麵包上鋪滿芝士片，再淋上大量以洋葱、番茄和白酒煮成的醬汁，內裡夾滿火腿、雞蛋、牛扒和香腸，充滿本土特色。味道就……完全食得出上述種種材料的味道。

食完lunch沿Mouzinho da Silveria行街

這班賣藝的女生相當進取，禾只係行過影了張相，已經立即被一位女孩截住希望禾比返多少...唯有比€2佢啦。

教堂“Igreja Monumento de São Francisco”，入內要入場費的，唔入了。

教堂下是 觀光電車No.1，沿斗羅河行駛，上車買票車費€2.5，地鐵/火車票不適用。

班班車都滿坐，遊客都唔少。

風景其實比唔上禾3日前在波圖住的酒店。

坐完電車，18:00在São Bento站乘地鐵往機場(€1.8 Zones 1-4車票，車程50min)。

波圖機場候機室“Airport Lounge”

這餐是晚飯了，葡撻依然係咁差。

完結在葡萄牙的9天旅程，要離開了。

<<巴塞隆拿(Barcelona)>>

飛機準時20:30起飛，23:10飛到西班牙的巴塞隆拿。行李出得很快，11:50已經行到機場酒店Shuttle Bus候車處，但酒店網站Mark錯了位置，白白Miss了一班車，攪到等多了30min，00:30才上到車。

00:40終於到BAH Barcelona Airport Hotel了

BAH Barcelona Airport Hotel雙人房(不含早餐) 每晚€81

今晚只能瞓3hr，明天要05:00起床，飛去西班牙的小島Mallorca。

補充資料 :

1.        在 斗羅河(Rio Douro)可租船自駕三、五、七天，但必須有船牌。假如冇船牌了以請一位Skipper代勞，租船3日2晚連Skipper不包燃料收費€390，最後燃料費用了€55及另加雜費€15。此外，3日河上旅程的2人食宿費共用了€150，即係2人斗羅河(Rio Douro)包船3日遊總共費用只需€600，又食又住又玩，超值。

2.        晚上可在船上留宿，可以煮麵食但冇涼沖。如船泊在船主的屋企碼頭，可以借用屋內設施，如廚房、泳池、獨木舟、BBQ爐等，但不可以留宿。

3.        從 斗羅河(Rio Douro)上遊Ferradosa火車站到波圖市São Bento火車站，車費€10.6，車程3hr，不設網上訂票。

4.        São Bento火車站內有Locker，3hr收€4。

5.        波圖市內一般可乘地鐵和市郊火車，車票共用，共分11個Zones，穿過越多Zone收費越高，但主要景點集中在斗羅河(Rio Douro)兩岸的C1和S8兩個Zones，一般買最平的Zones 1-2 (€1.2)便可。

6.        從波圖舊城區São Bento站乘地鐵到機場要4個Zones，車費€1.85。

7.        火車/地鐵票每張€0.6，不適用於 市內電車，和里斯本唔同。車票只可以按不同車程的全費儲值，例如儲2程(Zones 1-2) 加1程(Zones 1-4)，但只24hr內有效。拍Card時會自動扣最後入數的那一程車費。

8.        波圖市的地鐵冇人查票，但火車一定有查票。

9.        Iberia Airline波圖去巴塞隆拿單程機票，每位€54。

---待續---