狂熱時空 西班牙(9) – Palma de Mallorca (馬略卡島 帕爾馬城)

西班牙 馬略卡島(Mallorca) – 小鎮Sóller

馬略卡島(Mallorca)位於地中海，西班牙巴塞隆拿和非洲阿爾及利亞首都阿爾及爾中間的小島，島上滿佈古羅馬遺址，充滿地中海風情，首府是 帕爾馬城(Palma)。馬略卡島歐美旅客非常多，反之亞洲旅客甚少。

狂熱時空 西班牙‧細味名城 葡萄牙 – Day 11

今朝05:00起床，坐05:40的Shuttle Bus去巴塞隆拿機場，乘07:00班機往西班牙地中海一個小島 馬略卡島(Mallorca)。

<<帕爾馬城(Palma)>>

飛機07:50便到埗，從機場乘Bus No.1(€3)往 帕爾馬城(Palma)市中心，距離約10km，車程25min，約20min一班車。

今天住的酒店Hotel Almudaina位於市中心舊城區，出入都很方便。

Hotel Almudaina

09:00便到酒店了，未有房，由於房價包了早餐的，但明天太早要Check out食唔到，於是我想話問吓酒店可唔可以現在食了個早餐，點知小太熊即刻話：「㸃得架，一定唔得啦，….巴啦巴啦….巴啦巴啦….，要問你自己問啦。」

唓！呢啲肉酸嘢不嬲係禾問架啦！

禾一問，職員就答：「Certainly」仲立即幫禾通知餐廳，比埋禾忟個名，去到餐廳就自動比禾忟入去食了。

早餐是自助餐，味道很好架。

食完早餐已經10:00了，開始今日豐富的馬略卡島一日遊。早上會遊帕爾馬城(Palma)舊城區，中午會去島上另一小鎮Sóller。

帕爾馬大教堂(Catedral de Mallorca) – 較少見如此大座教堂，外觀十分宏偉。

教堂收入場費€7，內部樓底極高，空間感強，裝飾亦非常細緻。

帕爾馬城(Palma)舊城區窄巷

路過教堂Diócesis de Mallorca，唔入去了。

教堂“Basilica de Sant Francesc”要€3入場費，裡面冇咩驚喜。

帕爾馬城(Palma)舊城區“Plaça d'en Coll”

帕爾馬城(Palma)舊城區“Plaça Major”

舊城區最後一站是市場“Mercat De L'olivar”，咩都有，連活海產和咸魚都有得賣。

市場內有很多小食，小太熊最喜歡西班牙火腿，幫襯這檔嘆吓先。

Order了兩份Set，試晒最平和最貴的兩款火腿。

老闆刀功了得，很快便片了一大碟。

€13(右)和€5(左)火腿各一份 – 入口留香，好味，但是偏咸，始於冇2009年在Ronda和馬德里吃的好味，而且價錢貴了一倍以上。

Estació Intermodal火車站在街市附近，食完火腿便行過去。先在票務處買了張套票，€30包來回Sóller的火車及Sóller來回Port de Sóller的電車。

Estació Intermodal火車站月台

觀光火車到站了，外貌很復古。

13:30開車....啲遊客成日申個人出車外影相

沿路風景唔錯，見到很多檸檬樹。

中途停車的小車站

<<Sóller>>

足足一個鐘，14:30才到Sóller，剛好駁到開往Port de Sóller的電車。

Sóller的懷舊電車，比火車更懷舊復古，而且勁多客，班班車都企滿人。

開車了，電車在古城窄巷穿梭，距離建築物勁近，看似很驚險。

<<Port de Sóller>>

只30min便去到Port de Sóller，落車行街街去。

Port de Sóller的海灘很美，水清沙幼碧海藍天，可惜今次冇時間游水了，只能漫步。

為食的小太熊話要食雪糕，知道，揾位坐底先。

椰子雪糕(€1.2)和芒果雪糕(€1.2) – 好好味，禾想食多2球，但小太熊話禾肥唔準禾再食。

Port de Sóller海灘上個個人都好Hea地打球和日光浴，你又曬…我又曬…碌晒衫褲碌晒鞋…

行吓行吓又見到 雪糕屋，很自然又行入去買啦。

排排下隊買雪糕時特然見到大班人行緊入來，於是禾便叫小太熊出去霸位先啦，禾就排隊買雪糕。

買完雪糕行出去，見唔到小太熊嘅？於是自己坐底食住先。

開心果味加曲奇味雪糕(€2.4) – 開心果像杏仁味道，曲奇味就大路啲，質感唔錯，抵食。

吃了幾啖仍未見到小太熊，開始冇乜心情食；再過了幾分鐘仍然見佢唔到，很擔心呀，於是雪糕都唔食四圍搵，揾唔到呀！擔心小太熊比壞人捉左，越來越驚不斷行來行去唔知㸃算，又過了幾分鐘，小太熊特然從遠處行過來，我立即問佢「你去左邊呀？我叫你出去霸位你自己走左去唔出聲，我驚你比人捉左呀.....巴啦巴啦....」

「係你叫我去車站排隊先架」

「我冇呀，我叫你出去霸位咋」

「你做乜咁惡呀，我冇錯！！！」

死火，我一時驚慌失控大聲咗激親小太熊，佢以為我惡鬧佢呀，知錯知錯。

小太熊很激氣地迫上回程車！哇！迫完上去仲有很多人等緊，估唔到回程會咁多人的。

<<Sóller>>

電車回到Sóller，禾忟在這廣場Café坐底飲杯嘢。

可樂(€2.5); 生力生啤(€2.85) – 這裡環境全小鎮最好。小太熊個樣冇乜點變，應該冇怪我了，真大量。

飲完嘢入對面教堂，見到耶穌，立即認罪悔改呀。

在Sóller行街行到18:30，乘火車返回 帕爾馬城(Palma)。

Sóller火車站

回程又係不斷穿過隧道

<<帕爾馬城(Palma)>>

回到 帕爾馬城(Palma)，再在古城行個圈欣賞日落黃昏。

帕爾馬大教堂(Catedral de Mallorca)

帕爾馬大教堂外的花園

沿舊城區的海邊閒逛

最後去到Hardrock Café買啲嘢，然後行返酒店。

Hotel Almudaina雙人房(含早餐) 每晚€130

酒店天台是間酒吧，這裡有 帕爾馬城(Palma)最美的夜景。

帕爾馬城(Palma)夜景不錯，這裡值得專程來飲杯嘢，但禾忟是住客，淨坐唔飲了。

今晚買了每人兩個麥記漢堡包做晚餐，每個只€1，抵食又好食。

明朝又要晨早起床了，趕早船去Ibiza。

補充資料 :

1.        Iberia Airline巴塞隆拿去 帕爾馬城(Palma)單程機票，每位€35，機程50min。

2.        帕爾馬機場距離舊城區約10km，可乘Bus No.1前往，車費€3，車程25min，約20min一班車。

---待續---