5天遊 四國(1) – 日本四國 祖谷温泉

日本四國 徳島県 ホテル祖谷温泉(男湯)

祖谷温泉位處日本四國的 徳島県，沿着區內的河谷 祖谷溪有很多温泉旅館，其中位於「小便小僧」附近的温泉旅館「ホテル祖谷温泉」環境最為清幽，館內的露天風呂位於祖谷溪畔，很多非旅館住客亦會專程乘車到那裡一試這個區內最清幽的温泉浴池，可惜這温泉泉水的温度太低，浸泡在水內亦沒有很温暖的感覺，而且有少許越浸越寒。

5天遊 四國 – 序

從南非回來後個人依然冇乜心機，小太熊話唯有繼續帶禾四圍去，誓要去到禾開心返為止喎。今次小太熊話要帶禾5天遊 四國，我心諗，只得5日要去4個國家味仲急趕過跟團，禾唔想去了….. 返正冇乜心機。但小太熊又話，唔係去4個國家呀，係去日本四國呀……啊，都趕啫，不過小太熊話去就去啦。

就係咁，勤勞的小太熊又再自己一隻熊包辦晒買機票、訂酒店、行程規劃、print地圖等等繁重工作，做到佢今次都有些少唔耐煩了，其實唔去都冇所謂啦。

小太熊為了令禾開心返，今次不惜買了超貴的廉航機去關西，再分別買了2張關西及四國的JR Pass，再要禾自駕2天和踩單車1天才能完成今次的旅程。

5天遊 四國的路線圖

Day 1

夜晩上機，乘 Hong Kong Express飛往 關西空港，在機場日航酒店過一晚。

Day 2

晨早乘JR往四國的 丸亀市，租車自駕前往士多啤梨園「いちご屋スカイファーム」摘士多啤梨，再往「蒲生うどん」食烏冬麵。然後去 小歩危、大歩危、祖谷のかずら橋和祖谷温泉，晚上住温泉旅館「ホテル祖谷温泉」。

Day 3

在温泉旅館「ホテル祖谷温泉」食早餐後，自駕返回丸亀市還車，然後乘JR往 松山市。中午遊城山公園、道後公園、道後温泉本館和大街道，晚上住「BBHホテルグループ(JR松山駅前店)」。

Day 4

早上乘JR往 波止浜，08:00在Sunrise Itoyama(サンライズ糸山) 租一天單車，橫渡「瀨户內海」從 四國踩足70km單車到本州的 尾道市。在尾道市乘JR往 広島市。

晚上住「安芸の湯　ドーミーイン広島(Hotel Dormy Inn Hiroshima)」。

Day 5(完)

早上乘JR往 宮島，中午回 広島市行街。16:15乘JR回 關西空港。

晚上乘 Peach Airline回香港。

5天遊 四國 – Day 1

今日要坐Hong Kong Express的夜機，小太熊買了單程機票去日本關西空港。時間太趕去唔到機場Plaza Premium Lounge食免費飯了，只能在坐巴士時吃了個10雞的魚柳包。航機遲了1hr起飛，攪到今晚24:00前都飛唔到關西空港了。

5天遊 四國 – Day 2

<<關西空港>>

航機00:35到埗，原本今晚可以瞓足4.5hr的，但航機delay了，諗住都有3.5hr瞓啦，點知係……錯錯錯，因為關西空港已經出現蝗煱，排足50min才能入境，唉! 支那蟲口裡就話愛「中國」，牠們的行動已証明所愛的「中國」其實是日本本州的「中國」。

被蝗蟲佔領下的 關西空港，要排足50min隊才能入境。

01:40終於成功入境了，在機場的Lawon買完宵夜便去酒店Check-in。關西空港 日航酒店位於機場Terminal 1的火車站旁邊，非常方便。

關西空港 日航酒店

雙人房(不含早餐) 每晚HK$1266

間房巧貴啊，只能瞓2.5hr，其實Terminal 1有24hr的麥當勞，唔需要咁浪費啊，但小太熊話鐘意沖個涼再打橫恰陣，佢話舒服巧多喎。

在機場Lawon買的宵夜，有 豬肉飯團(¥116)、昆布飯團(¥102)和明治牛奶(¥118)。

牛奶十分香滑濃，飯團很新鮮好味。

食完宵夜沖完涼已經02:30了，要立即瞓覺，05:00又要起身Check-out。

05:00起床時仍然極度眼瞓，05:25行到火車站買車票，外面只有1℃，很冷啊，帶來的衫有些唔夠暖。

關西空港火車站的JR票務處，05:30開門，05:25去到已經要排第三了。

原本小太熊想買JR Setouchi AreaPass(瀨戶內海地區)，可以覆蓋今次行程的地區，每張只係¥16000，但小太熊睇漏眼，原來這款Pass只可以在海外購買，日本本土唔賣的。冇辦法了，要分開買2張関西和四國的Pass，加埋要¥19300。

  

今天每人先買了一張JR-West Rail Pass(関西至広島區)(¥13000)，可以5天任坐關西的JR，從關西空港至宮島，亦可以去到 四國的“高松”或“宇多津”。

乘05:50-07:14的JR從 關西空港去 新大阪，再轉JR往四國。轉車有21min時間，在新大阪駅買些早餐食先，見有檔三文治話係100%松阪牛做的，要試要試。

新大阪駅 松阪牛三文治(¥700) – 只有一片方包，雪凍了的貨，但是新鮮的，麵包很軟熟，牛肉味很香，加了少量酸菜，夾得幾好食。

07:35轉車往四國的 丸亀市，由於禾張JR Pass只能去到 宇多津，剛剛欠了一個站包唔到 丸亀市，攪到小太熊巧京坐霸王車比人罰，想話在 宇多津落車再買票坐多一個站，但成個鐘至有下一班車啊，又想在 宇多津落車改乘的士(只有2km)去 丸亀市，但又怕牡的士，最後禾話應該可以出站時才補錢架，小太熊才放心少少牡咁京。

09:15到達 丸亀市了，出站時票務員只係咁倚望了一望JR Pass，都未攪清楚係邊款JR Pass已經放行了，慳返幾百円。

<<四國 丸亀市>>

今次旅程小太熊想禾揸車，佢話在四國坐巴士巧麻煩喎，又見禾第一次在袋鼠島揸得還可以，最後便幫襯 丸亀駅內的租車公司“NIPPON”租了25hr車，從 丸亀市出發往 祖谷温泉走一轉。小太熊巧叻呀，佢今次要帶路呀。

丸亀駅內的租車公司“NIPPON”

小太熊Book了今早09:30攞車，禾忟09:20去到租車公司，不用10min已經完成手續了，順利攞車。今日會先自駕25km往高松市郊的士多啤梨園「いちご屋スカイファーム」，再揸11km到坂出市的「蒲生うどん」食烏冬麵，之後揸70km去大歩危，最後揸多20km到温泉旅館「ホテル祖谷温泉」。

呢架唔知係咩車呢，禾晤識架，小太熊租的，25hr收費 ¥11340，倒車時冇Camera望往車後情況，唔好。

巧心急，準時09:30便開車(點知後來發現Set錯了GPS)，但一開車就BB聲响，禾以為未關好車門或者係未扣好安全帶啦，Check過又唔係喎，因為掛住Check嘢攪到開得超慢被後面駕車砵禾，最後求其有位就停低再Check清走先，原來BB聲响係因為……個Handbrake禾未鬆晒就開車。

攪掂Handbrake之後，無風無險去到高松市附近才發現Set錯了GPS，幸好發現得早及時在上公路之前停車，否則就有排兜巧麻煩了。停車後研究了GPS一陣，決定先放棄那GPS，用手機的Maps.me帶路。Maps.me的指示非常清楚，而且用廣東話帶路，仲正。

10:40終於去到士多啤梨園「いちご屋スカイファーム」了，比小太熊預計慢了30min，泊車又再花了5min，今日玩的時間又要CUT了，巧趕呀。

<<四國 高松市>>

四國香川県 士多啤梨園「いちご屋スカイファーム」

士多啤梨園唔算巧大，每位¥1550可以進內任食40min。

士多啤梨很大粒而且非常飽滿多汁，比香港買到的四國士多啤梨更清甜，像飲士多啤梨汁一樣。

又紅又大粒的士多啤梨，園外都有得賣，但每盒15粒要¥1650，比入場任食貴巧多牙，禾最少食了30粒啦。

士多啤梨雖然巧巧味，但只有單一品種，小太熊覺得上次在福岡的士多啤梨園“筑紫野いちご農園”巧味啲和多品種啲。

因為今日行程趕，吃了35min便走了，但已經食到成肚水，夠了。

要再揸車11km到坂出市的「蒲生うどん」食烏冬麵，因為兜了些路行亂了小小，轉了入條很窄的小路，攪到11:50才泊好車，好彩麵店外有個停車場，幾方便自駕人士。

<<四國 坂出市>>

小太熊話喎，以前四國的讚岐就係今日的香川県，縣內有成900間國立烏冬店架，因為這裡就係烏冬麵的起源地，所有烏冬都煙韌彈牙，出品全日本最美味的烏冬，來四國旅行個個都會食巧多烏冬架，去完一間又去第二間，一碗又一碗地不停食，直係巧deep架。

烏冬麵的分量通常有「1玉」、「2玉」和「3玉」，「玉」即是一球麵，建議吃「1玉」便夠了，禾忟叫了「3玉」，真係飽到嘔。

四國香川県人氣烏冬麵店「蒲生うどん」– 巧多人，排了15min隊才買到麵。

小太熊話，蒲生うどん的讚歧烏冬响香川県排名第3架，係來四國必食的烏冬店之一，佢自家製的烏冬巧彈牙架，個個都話正喎，仲長期都要排長龍添。小太熊仲話，難得一場來到，要食碗最大的(3玉)烏冬。

店內已經迫滿人，要坐在外面公園食了。

這裡買麵先同師傅講要咩分量的烏冬和熱食定凍食，跟着便自己加餸，加完餸便比錢，要自己加湯底。

小太熊同禾每人要了碗三玉烏冬(淨麵¥350)熱食。

跟住揀餸，每件配料加¥100，然後比錢。

加完湯便坐在外面吃。

紫菜天婦羅烏冬(3玉)(¥450) – 湯底很鮮甜，麵質真係巧彈牙，夠咬口又夠淋，紫菜天婦羅都很巧味，滿分的一碗烏冬麵。

墨魚餅鮮腐皮烏冬(3玉)(¥550) – 墨魚餅普通，鮮腐皮就很甜很有豆香，和在日本食開的豆味很不同，平時食親都冇豆香味的。

食完麵開車到 坂出市火車站買張2-Days的四國JR Pass，這張Pass在JR票務處冇得賣的，要在坂出市火車站JR票務處旁的旅行社才買到。

2-Days的四國JR Pass(¥6300) – 可以2日內住坐四國的JR，如要坐指定席可以免費Book位。

買完票立即驅車往德島県的祖谷温泉，原本預算行直路約70km，但被車上的GPS老點兜大圈行了條收費公路，白白行多了15km，比多了¥1050公路費，但時間完全冇快到，做了儍瓜。

<<四國 祖谷温泉>>

來到 小歩危峽已經14:00了，冇咩時間四圍行，只可以落車睇吓風景，留15min便要走。

  

祖谷溪 小歩危峽 – 溪流雖然唔急，但都有人玩激流。

下一站係 大歩危峽，今次把車泊在 大歩危峽観光遊覧船的碼頭，再到祖谷溪行30min。

祖谷溪 大歩危峽 – 溪水十分碧綠，但整體上遠遠比不上 高千穗峽。

匆匆忙忙行完 大歩危峽，走14km到另一景點“祖谷のかずら橋”，即係藤蔓橋，橋附近泊車要收¥300。

泊好車後沿路行落 祖谷の蔓橋，沿途有幾間餐館賣地道炭火烤河魚，賣相幾味美，有時間禾一定試，不過今次冇。

在路邊食店買了杯土製清酒(¥300) 今晚飲，味道唔錯的。

賣相肥美約炭火烤河魚，夠晒本土的一味小食。

祖谷の蔓橋(每位¥550) – 用藤蔓織成的吊橋，過橋時彈吓彈吓幾過癮的。禾一邊行一邊彈，攪到有個日本仔流馬尿呀。

過橋時要格外小心了，义錯脚就大近事了。

行完橋，再去附近的小瀑布“琵琶の滝”。

琵琶の滝 – 普通小瀑布，大埔的悟桐寨瀑布靚過佢多多聲。

在 琵琶の滝回望向 祖谷の蔓橋，嘩！好似想日落咁樣，原來已經16:00了。

揸多9km多灣的山路，行了足足20min，約16:30來到今晚的温泉旅館「ホテル祖谷温泉」，館外有大量車位供客人免費使用。

祖谷溪温泉旅館「ホテル祖谷温泉」

ホテル祖谷温泉 位處祖谷溪上，有部分貴房面向河谷。

ホテル祖谷温泉 的大堂接待處。

雙人房(含早晚餐) 每晚¥32700 – 雖然向馬路，但包食包浸，都幾抵住。

房內露台還有按摩椅

在房內飲些綠茶吃了些甜點後，出發往山谷底浸温泉了，旅館的温泉位於山谷底祖谷溪旁邊，從旅館要乘5min纜車落山才可到達。

乘這部纜車落山浸温泉，好好玩的。

車程足足要5min，谷底越來越近了。

谷底的纜車有室外和室內坐位供客人等車

ホテル祖谷温泉(女湯) (小太熊攝) – 和雜誌的相片一樣咁靚，環境滿分，可惜這温泉泉水的温度太低，浸泡在水內亦沒有很温暖的感覺，而且因為外面氣温只有5℃，有少許越浸越寒。

浸到開始甩皮了，回旅館吃飯，今晚訂了19:00食。

坐呢張二人枱，冇乜View咋。

今日晚飯的菜單，雖然小太熊牡加錢吃好嘢，但都巧豐富吖。

山桃ワイン(楊梅酒) – 酸酸咪咪有點藥水味。

春の前菜盛 賣相精美，味道就幾普通。

熱湯和素小食 – 一般味道無驚無喜。

清蒸季節野菜 – 很清淡，加埋味噌醬汁食啱啱好。

あめご塩焼き‧巻柿(炭火鹽燒河魚加燒柿卷) – 魚肉夠肥美新鮮，可以話好食，是在日本吃過最好味的河魚；燒柿卷甜甜哋口感煙韌，很特別。

柚子雪葩 – 清新醒胃，幾好。

豬肉雜菌豆腐紙火鍋 – 味道不見特出，不過不失。

跟住送來一大舊海鹽，用來送天婦羅的。

野菜天婦羅 – 外皮夠薄又鬆化，廚功唔錯，灑上海鹽後更好味。

喬麥麵和飯 – 普通貨式，和中午吃的烏冬完全不能比較。

蜜瓜加士多啤梨奶凍 – 品質中上的甜品。

食完飯再落山谷浸温泉嘆一嘆，望埋個夜景。

祖谷温泉(男湯) (唔係小太熊攝)

祖谷温泉(女湯) (小太熊攝)

乘21:00的尾班纜車回旅館，再到室內大浴場正式沖涼了。

ホテル祖谷温泉 室內大浴場 – 池水終於的熱了，好暖呀。

昨晚勁唔夠瞓，今晚好攰，好攰。

補充資料 :

1.     Hong Kong Express 香港飛關西空港單程每位HK$2893(冇餐冇得寄行李)。

2.     Peach Airline關西空港飛香港單程每位HK$2919(冇餐冇得寄行李)。

3.     ¥100兌HK$6.98 (滙豐價)。

4.     JR-West Rail Pass(関西至広島區)(¥13000)，可以5天任坐關西的JR，從關西空港至宮島，亦可以去到 四國的“高松”或“宇多津”。

5.     在四國丸亀駅內的租車公司“NIPPON”租車25hr收¥11340，另加油費¥1402。

---待續---