5天遊 四國(2) – 千尋の湯 道後溫泉

日本最古老的温泉館 四國松山市 道後溫泉本館

道後溫泉本館是日本最古老的公共温泉館，已有120年歴史，很多人話係卡通「千與千尋」內的其中一個場景「油屋」。温泉館外觀古僕，內裡的浴池和裝飾亦像回到上世紀，是遊四國必到的地方。館內分別有「神之湯」和「靈之湯」2種浴池，由於旅客極多，想浸「靈之湯」的話，要盡量早到和避免假日，否則便會像禾那樣，只能像難民一樣迫的環境下在G/F浸公共「神之湯」。

5天遊 四國 – Day 3

<<四國 祖谷温泉>>

今朝早06:00起身了，今日很冷，只有-1℃，唔係好夠衫，冷到手指有些痛。

從旅館行5min到附近的四國名勝「小便小僧」，小僧位於公路旁邊的岩石上。

四國祖谷溪上的 小便小僧，就這樣疴落條河。

睇完小僧，乘07:00頭班纜車到山谷底浸温泉。

祖谷温泉(女湯)(小太熊攝)，水温依然唔夠熱。

07:30到餐廳食早餐，餐廳好開揚好靚，但可能因為禾住最平房，被安排了貼牆位置。

早餐都有幾精緻和豐富，味道唔比晚飯差，條魚仔比起其他温泉旅館的早餐好味。

還有豆腐湯、麵豉湯和蛋卷，味道都達到應有水準。

食完早餐後立即鬆人，08:25出車返 丸亀市還車。開車後才發現擋風玻璃結了冰阻住視線巧危險，要停在路邊用洗玻璃水溶冰，禾揸車真係牡咩經驗。

沿途見到些少櫻花啦，始終未盛放。

<<四國 善通寺市>>

今日唔用車上GPS，自己揀行條近路，途經 善通寺市，可以去另一烏冬麵店「長田in香の香」試試。小太熊話「長田in香の香」係香川県排名冧把温嘅烏冬麵店泥架，成日排長龍架。

烏冬麵店「長田in香の香」，店前有大量免費泊車位。

店內唔算太多人，未滿座，只排隊5min便買到烏冬麵了。

阿姐快手快脚不停做，才可以Keep住唔駛的客等咁耐。

昨天那碗「3玉」烏冬飽到嘔，今日精了，每人叫碗「1玉」，啱啱夠食。這檔烏冬原來冇餸的，見隔離左右個個都係吃淨麵。

「1玉」烏冬麵(¥250) – 麵質確係煙韌彈牙，好有麵味，十分好食，湯底只是清水，吃時要先把麵條放進醬油浸一浸才吃。整體上昨日去的「蒲生うどん」正啲。

麵店旁有油站，入滿油便返去還車了。2天總共行了約230km，油費要¥1402。

11:00回到 丸亀駅還車，雖然遲了半個鐘，但都唔駛補錢。還車只用了5min，還完車後，可以輕輕鬆鬆上11:16從 丸亀往 松山市的JR特急。

<<四國 松山市>>

13:15到達四國的 松山駅

小太熊今日揀了間近火車站的酒店「ホテル松山ヒルズ 」，從火車站行5min便到，方便明早坐火車走。

雙人房(含早餐¥9130) – 房間細細冇View但算整潔，早餐06:30才開始，明天吃不到便要走了。

放好行李後開始 松山市半日遊，今日主要去 道後温泉、城山公園和 道後公園。

松山市的電車，每程¥160，落車比錢。

從酒店行15min來到 城山公園，公園外圍是護城河，公園最高處便是 松山城。

護城河養了很多錦鯉和天鵝。

城山公園內大部分櫻花樹只係剛剛開花，冇咩睇頭。

幸好有個別幾棵 櫻花樹差不多滿櫻了，好靚呀。

沿路慢慢行到最高處 松山城，城旁的櫻花樹開了3成花。

雖然唔係咁多櫻花，但都有人在樹下吹水賞櫻了。

進入 松山城要入場費，估到裡面冇咩睇啦，唔入了。

松山城旁的公園可以望晒整個 松山市。

在松山城旁的小食店見有 松山城名物“伊予柑軟雪糕”賣，買了一杯和小太熊一齊食。

伊予柑軟雪糕(¥400) – 柑味軟雪糕加少少柑肉，柑肉味道酸酸苦苦，軟雪糕有些少柑味但唔太軟滑，小太熊只吃了少少便比晒禾食。

乘 吊椅(單程每位¥270)落山，冇安全帶架，幾刺激。乘纜車價錢一樣，但巧迫架。

山脚又是一條典形的日本商店街，賣些本土名物，一場來到，好唔好味都應該幫襯吓的。

四國愛媛県產的純橙汁(¥200) – 酸酸苦苦的果汁先生味，唔係鮮榨的，唔好飲。

商店街上另一間買四國名物 炸鯛魚的小食店，見好多日本傳媒報道，入去試試。

炸鯛魚(¥450) – 外皮夠薄夠鬆化，魚肉很鮮，水準極高的炸魚。

臨出「大街道」前有間炭燒鰻魚店，香噴噴鰻魚味傳出來，便停低買些吃的。

炭燒鰻魚飯團(¥100) – 只係普通飯團，冇乜餸，很少汁，極冇特別。

食完飯團便在「大街道」電車站等車，原本想坐一程「少爺列車」到道後溫泉，但這是中途站，太多人上唔到車了，要坐普通電車(¥160)，慳返¥340了。

松山市蒸氣火車 少爺列車，今次坐唔到了，下次至坐啦。

在道後公園下車，入公園逛逛，小太熊話道後公園都有巧多櫻花樹，可以入去碰碰運氣。

道後公園內的櫻花同樣只係剛開始開花，牡咩睇頭，行了一陣便走了。

道後公園內亦有人賞櫻，真係只能賞條毛。

從道後公園再行5min便到今日行程的重點「道後溫泉本館」，外觀真係相當古老有Feel。

可能因為今日係星期六，「道後溫泉本館」非常多客，所有時段的休息室和「靈之湯」已經爆滿了，只有G/F的公共「神之湯」仍在收客，唯有照去啦，但很失望啊。

浸浴之前，先去温泉館後的「道後麦酒館」食少少嘢嘆返杯先。

「道後麦酒館」自家釀造了四款麦酒，麥味特濃由淡口至濃味都有，幾特別架。

3款麦酒味道由淡至濃，每杯250ml(¥500)，幾過癮的。

小太熊唔飲酒，叫了杯凍麥茶(¥330)。

久万こんにゃくの刺身(¥530) – Google翻譯做魔芋刺身，睇Menu張相同個日文名時以為是白身魚生片所以叫呢味，點知原來魔芋即係蒟蒻，唔怪得食入口便覺淡淡的爽爽脆脆又彈牙好似蒟蒻咁味啦，原來真係蒟蒻，明呃錢啦。

瀬戸内の白身魚のちぎり天(¥670) –即係炸魚彈，有6大粒，味道很好，送酒一流。

小太熊話四國出產的鯛魚(即係鱲魚)係日本㝝把溫架，來到四國人人都會食鯛魚，所以禾忟一定要試喎。

瀬戸内真鯛の刺身(¥880) – 魚脂豐富，魚味鮮香且清新，入口帶甘香魚味，是頂級的鯛魚刺身，超級抵食，在香港最少賣HK$240。

食完下午茶去浸温泉了，G/F的公共「神之湯」入場每位¥410，可以浸1hr，但其實浸幾耐都冇人理的。

「神之湯」非常多人，入內只為見識參觀，完全唔覺得Enjoy。裡面要自備毛巾的。 

道後溫泉本館「神之湯」(¥410) – 只能借用網上的相片，現場太多人了，這細少浴池已經迫滿20人以上，像難民營一樣。

浸完浴可以在門口買支 牛奶(¥120) – 味道甘香濃郁，日本的牛奶大部分都係咁好飲。

櫻花蛋糕(¥140) – 甜甜哋有些花香，一般味道啦。

四國盛產橙和柑，因此有大量副產品，橙乾橙酒柑汁柑啫喱乜部有。

道後溫泉本館的夜景，都好靚吖，人客亦稍稍減少了。

原本小太熊揀了幾間位於「大街道」的餐廳，睇完道後溫泉本館的夜景諗住慢慢行去坐電車返「大街道」，但經過本館對面一間餐廳「おいでん家」時禾見佢大排長龍想入去試吓，小太熊亦唔返對，禾便攞飛排隊，等了20min才有位啊。

おいでん家 – 原來網上話佢的鯛魚好出名架。

冷清酒300ml(¥800) – 禾覺得味道唔比大呤釀差。

因為今晚想食2餐，所以這餐只叫了一份套餐加一碟刺身。

鯛魚刺身(¥1296) – 是「おいでん家」的名物，但味道不及下午吃的，而且很多根，失望。

「こだわり郷土料理御膳」(¥3780) – 好多嘢食，有齊 炸鯛魚骨、煎鯛魚肉餅、蒸鯛魚片、豆腐和鯛魚雜錦刺身，但質素只係一般。

「こだわり郷土料理御膳」還有一碗 鯛魚飯，食完已經好飽了。

套餐的 豆腐鯛魚頭和甜點。

套餐包的 四國橙汁，只是盒裝貨。

小太熊對呢餐唔係好滿意，所以禾想再試一間炭火燒肉。禾忟坐電車回到大街道，見到一間餐廳好似幾好，便入去試試。

這間餐廳叫做 “家鄕”，坐位不算多。

入到去至知原來炭火燒肉係燒完至上碟的，不過照吃了，唔夠時間再找餐廳。

凍清酒(￥550)，凍烏龍茶(¥320) – 師傅已經開始燒禾忟叫的牛扒了。

炭燒和牛西冷肉(￥1800) – 產地不明，約有150g，燒得外脆內腍，牛油香樸鼻入口即溶，是有水凖的和牛，只是小太熊唔鐘意太油口，佢話韓牛肉味濃啲又牡咁肥，好味啲喎。

炭火厚燒牛舌(每件￥1400) – 禾只叫了一件，其餘三件人地叫的。牛舌的味道比西冷更濃更滯，小太熊吃了2塊便停手了，禾盡了力亦只能吃4件，始於今日都吃了很多啊。

食飽後出番 大街道等電車，見到有電車去「松山市駅」便上車了，㸃知原來「松山市駅」係唔同禾酒店附近的「松山駅」，發現時在下一站下車已經太遲了，要行30min才回到酒店，同在餐廳直接行返酒店一樣咁遠，累小太熊都要行埋一份。

返到酒店沖埋涼都00:30了，瞓得5hr又要起身。

補充資料 :

1.     在四國丸亀駅內的租車公司“NIPPON”租車25hr收¥11340，另加油費¥1402。

2.     ALL SHIKOKU Rail Pass(JR四國5天Pass)(¥6300)，可以2天任坐四國的JR，如要坐指定席可以免費Book位。

---待續---