我在澳洲的日子(3) – 墨爾本 十二門徒石(Twelve Apostles)

澳洲墨爾本西部 – 夕陽下的 十二門徒石(Twelve Apostles)

十二門徒石(Twelve Apostles)位於澳洲Victoria省，墨爾本市西部的Port Campbell National Park海岸，是海岸上多塊被自然風化侵蝕而形成的岩石柱，現時只餘下七塊，是遊墨爾本的重點行程。觀賞十二門徒石的最佳時間是日落前20min，陽光變成金黃色照射到海岸的時候，整個海岸會變式金黃和橙紅色交錯的圖畫，景緻夢幻。

我在澳洲的日子 – Day 5

<<墨爾本>>

今天參加了墨爾本西岸的Great Ocean Road Sunset Tour一天團，早上10:20從酒店出發玩到零晨，會沿著Great Ocean Road到十二門徒石睇日落，沿途落車遊覽些景點，每位收費AUD$115(飲食自費)。

早上06:45起身，先到Victoria Market食生蠔，雖然前日食過唔多掂，但小太熊話想比多次機會佢喎。

Sydney Rock生蠔(毎打AUD$16) – 前日幫襯時明明有檸檬送，點知今日話冇。味道唔太新鮮，味淡且口感太creamy，小太熊和我更分別吃到一隻臭的，太過份，對這裡的生蠔完全失望。

食完生蠔乘火車到North Richmond，小太熊話那處的「勇記越南河粉」人氣巧鳩架，蔡欄和飲食男女都讚佢的越南生牛河宇宙最強，全世界最好食，雖然明知係吹水，不過都想知佢吹得有幾離譜。

勇記越南河粉(總店) – 從North Richmond火車站行10min便到，去到才知今明兩天竟然休息，真黑仔，年初一至三都開門的。

食唔到河粉只好乘火車返歸，幸好小太熊話近酒店的唐人街都有一間分店，只是網友話冇咁好味，都去試吓啦，一場來到。

墨爾本唐人街 – 早上09:00仍然水靜河飛，外國的唐人生活都幾Hea。

唐人街內有間「美心餅店」，唔知堅定流呢。

勇記越南河粉(唐人街分店) – 分店冇休息喎，只是遲了5min開舖。

半熟牛肉河(上)(AUD$11) – 湯底冇鮮味，牛肉冇乜牛肉味，河粉又粗又鞋，流到嘔；牛筋牛軟骨河(下)(AUD$11) – 牛筋很腍，算是最好食，牛軟骨很硬，食唔落，整體上是「中下」水準。

雖然對勇記牡咩期望，但都估唔到衰成咁，在腥港是但行入一間越南餐廳都整得巧味過佢，同在越南吃到的牛河更加完全冇得揮。

回到酒店返房去埋廁所啱啱10:20，旅遊車準時來到接我們出發。

今天的節目都好豐富，沿途會遊覽沿岸的海灘、樹林和尋找野生樹熊，至日落前才到十二門徒石睇日落。

第一站Anglesea – 在這處停15min，可以去厠所或沿著Anglesea River行一陣。

第二站 Great Ocean Road Memorial Arch – 停10min影張相的景點，記念建造這條大洋路的工人。

中途到達另一個無人沙灘，又放Break 15min。

約13:30來到小鎮Lorne，又是一處悠閒的渡假海灘和小鎮，在這裡停1hr15min，自費食午餐。

鎮內只有三四間食店，冇乜選擇。最後㨂了這間，因為佢最多人。

炸魚薯條(AUD$13.5) – 魚和薯條都很好味；烤雞薯條(AUD$10.5) – 雞肉較普通；500ml可樂(AUD$4.4)

食完飯想吃些甜品，附近有間雪糕屋。

拖肥+蜂蜜雪糕(AUD$6) – 味道很好，雪糕香滑，有2粒鬆脆又大粒的蜂蜜，超勁大杯，抵食。

食完已經差不多要走了，只可以在小鎮行15min。

第五站來到Kennett River，這裡有野生樹熊長駐岸邊的樹上。

有發現了，總共見到三隻，但只有這一隻距離較近。

除了樹熊還有野生鸚鵡，佢哋唔怕人架，仲企响小太熊隻手仔上。

接著會到一個位於Great Otway National Park內的森林Mait’s Rest Rainforest，行40min。

Mait’s Rest Rainforest保育得很好，木棧道可融入大自然中，不會像香港土共在郊野鋪的石屎路那麼樣衰。

森林裏的樹都相當大棵，差點比得上日本屋久島。

還有野生靈芝啊。

第七站是Loch Ard Gorge，十分壯觀的環型峽谷，很似意大利的Polignano a Mare，在這處停留45min。

峽谷中有個沙灘，可以沿著木梯行落去。

峽谷中的海灘靚到呢～可惜冇時間在這裏Hea一個下午。

行返上峽谷頂回望去剛才的沙灘。

這裡還有壯觀的海岸，完全比得上冰島和蘇格蘭的自然海岸，勁靚。

第八站 Gibson Beach，極有天崖海角Feel的斷崖沙灘，靚到唔想走。

跟著行回頭路，回到Pricetown這小餐廳食自費晚飯。

Pizza(AUD$11) – 2個人都夠食，味道唔錯。

炸魚薯條(AUD$11) – 都算好味的，但吃完Pizza已經飽了，只吃了三分一。

快快食完晚餐，立即趕去今日的重點節目，十二門徒石睇日落。今天的日落時間是20:30，我們20:00才到，導遊話21:00要上車回程。

夕陽下的十二門徒石實在靚得很夢幻，難怪那麼多人老遠來到。

日落太靚了。

睇完日落21:00凖時全速回程，回到酒店已經是零晨00:10了，總共玩了14hr，這個團真抵玩。

補充資料 :

1.)      AUD$1兌HK$5.9(永恆找換公司)。

2.)      在澳洲使用電話流動數據，可以用Optus Sim-card，在墨爾本機場有專門店出售，每張AUD$20可於28天內使用12GB數據及無限次長途電話至香港。

3.)      墨爾本市及近郊的主要交通工具是火車、地鐵和電車，可以在車站買Myki Card(類似八達通)，每張AUD$6，再top up車費，Card便會每次自動扣除最優惠的車資。

---待續---