我在澳洲的日子(2) – 墨爾本酒郷Yarra Valley

澳洲墨爾本市Saint Paul's Cathedral

墨爾本(Melbourne)是澳洲的第2大城市，世界最佳宜居城市的首榜，也被譽為是澳洲的文化首都，市內四處也放置了藝術品，充滿文化氣息。墨爾本市近郊是著名的釀酒區Yarra Valley，區內有多間酒莊，可以免費試飲紅酒和白酒，適合作一天的試酒活動。

我在澳洲的日子 – Day 4

<<墨爾本>>

出發前在網站「Vinetrekker」訂了個一天品酒團「Yarra Valley Food & Wine Day Tour」，會到墨爾本市近郊Yarra Valley的4個酒莊試酒，包酒店接送、導遊和豐富午餐，每位收費AUD$195。

昨天在Victoria Market買了些麵包和水果，今天在酒店房吃這些做早餐。今天天氣較差，整日都是天灰帶點微雨，幸好今日不是戶外活動。

導遊準時08:30到酒店大堂接我們出發，今天這團只有11人，乘這Van仔出發。

第一站到Coldstream Hills Vineyard

Coldstream Hills Vineyard是澳洲其中一個著名的酒莊，主要出產Chardonnay和Pinot Noir兩款葡萄釀造的餐酒。

一到埗就立即到試酒室品酒。

酒莊介紹了10款餐酒，包括紅酒、白酒、汽酒和甜酒，全部可以試飲，品質是今天到訪4間酒莊最高的。

味道由淡至濃慢慢逐一品嘗，真係試到每一款酒都唔同味道，都幾過癮。

今次學精了，只飲一半，留些Quota，因為今天有排飲，要留前鬥後。

跟品酒團試酒永遠比自駕遊酒莊好，除了可以盡情飮之外，試完唔買都牡咁樣衰，因為總有些團友買酒的。

第二間到訪的酒莊Medhurst Vineyard

Medhurst Vineyard在1999年才開業，產品種類較少，品質亦只是普通。

試酒㕔十分開揚舒服，在這裡試酒令人特別鬆弛。

酒莊出產的酒價格唔貴，但味道明顯比不上Coldstream Hills Vineyard。

莊主為我們倒酒，非常好招乎。

有美味的法包和自家製Dips任食送酒，好正。

飲杯.....因為有法包伴餐酒，令餐酒更好味，所以團友們都杯杯清，莊主亦不斷送上麵包和Dips。

最後送上一款甜酒，帶有蜂蜜香味，唔錯。

第三站來到Domaine Chandon Vineyard，是今天參觀的最大酒莊，葡萄園又靚又大，外觀十分寧靜。

只是.....今天來了極多大陸呢，有大有細，佢地癲架，啲細路個個發晒狂四處奔走大叫，啲大嘅隔百九幾米都可以隔空對話，簡直是極度滋擾，發神經。

 導遊先帶我們參觀這裏的釀酒廠。

接著安排我們試飲這裡著名的Premium Sparkling Wine，每人可以選擇一款，每人一杯。

Domaine Chandon Vineyard出產的Premium Sparkling Wine以釀製法國香檳的方式釀造，品質很好。

飲杯....酒又好飲風景又靚，今天欠了藍天白雲和寧靜，熱愛滋擾別人的只有支那蟲。

第四站是Yering Station Vineyard，先在餐廳吃飯，然後再到試酒室試酒。

餐廳好靚啊，開揚落地大玻璃面向大草原，令人胃口都好啲。

午餐有6款主菜選1款，餐酒就7選1，相當豐富。

我選了Pinot Noir紅酒，小太熊飲Rose。

前菜有炸薯條，厚切加上外鬆脆內軟，薯味香濃，非常好食的炸薯條。

主菜 三文魚扒 – 小太熊的選擇，肉質鮮嫩油分豐富，好味。

主菜 牛扒 – 我食呢味，幾好食的牛扒，冇令人失望，味道和紅酒很襯。

奶茶的茶味好香，整餐飯都很好食。

飯後去試酒室試酒，但開始有些醉意了，今次完全冇吞酒，只係試味，我第一次試酒這麼節制。

人山人海，這裡是今天最多人試酒的地方，但冇大陸呢，所以人多都唔覺有吵鬧的感覺。

只試了4款酒，因為還有一間酒莊未去，真係飲唔到咁多了。

試完酒後又有團友買酒了。

最後一間酒莊De Bortoli Vineyard，人少又清靜。

最後一站，團友們都盡情地飲了。

酒莊供應了4款芝士來伴酒，好正啊。

雖然只有6款酒試，但有齊紅酒、白酒、甜酒和Sparkling Wine，每款酒都有味道不同的芝士伴著，很精彩的嘗味團，我6杯全清。

飲完酒比較眼瞓，回程時在車上差點瞓著覺。

今天晚飯會在Box Hill的中菜館「粥家莊」食雪花蟹，是小太熊的同事介紹的。

我們在回程時最近Box Hill的火車站落車，然後轉乘火車去Box Hill。

粥家莊 – 因為冇訂位，坐唔到下層，只剩下閣樓位，比較焗。

澳洲雪花蟹(每磅AUD$42.7) – 這一隻2.9磅，共收AUD$124，即是每兩HK$21，都唔平喎。

小太熊原本想叫多隻達爾文肉蟹試埋佢，但職員說餐廳規定每枱叫一隻蟹後必須叫一款小菜，那麼只好放棄達爾文肉蟹了，得2個人點食得晒。

粉絲蛋白蒸雪花蟹(AUD$124) – 蛋白蒸得太硬，冇落花鵰雞油，這隻雪花蟹的肉只是一般爽甜，蟹膏亦是一般，整體上唔係頂級但唔係差，平平穏穩的一隻蟹，唔試都唔可惜。

清蒸盲鰽(AUD$31.7) – 住家味道，不過不失，和太興的出品差不多，但價錢高一倍。

食完飯乘火車返回墨爾本市Flinder Station行一陣夜街。

墨爾本市內有馬車行走，應該是比遊客玩啦。

Flinder Station火車站 – 外觀和內部都很古雅。

墨爾本市Federation Square

墨爾本市Saint Paul's Cathedral

行完夜街乘電車回酒店。今天又是早出晚歸，個人都好攰。

補充資料 :

1.)      AUD$1兌HK$5.9(永恆找換公司)。

2.)      在澳洲使用電話流動數據，可以用Optus Sim-card，在墨爾本機場有專門店出售，每張AUD$20可於28天內使用12GB數據及無限次長途電話至香港。

3.)      墨爾本市及近郊的主要交通工具是火車、地鐵和電車，可以在車站買Myki Card(類似八達通)，每張AUD$6，再top up車費，Card便會每次自動扣除最優惠的車資。

---待續---