呼吸 九州 • 屋久島(完) – 熊本溫泉酒店「松島温泉海のやすらぎホテル竜宮」

九州熊本溫泉酒店「松島温泉海のやすらぎホテル竜宮」頂層展望風呂

九州熊本縣經歷上年年頭的大地震後，復完得很快，今次到熊本短短2日，完全感覺不到她曾發生那麼嚴重的地震。熊本除了有海豚和熊本牛之外，亦有高水準的温泉酒店。熊本温泉酒店「松島温泉海のやすらぎホテル竜宮」位於「前島」海旁，大部分房間都有海景，其中頂層的展望風呂更是剎食。此外，住客可以每人免費享用一節岩盤浴，亦可以特價￥1000租用一節私人露天風呂。

呼吸 九州‧屋久島 – Day 5

繼續上一篇Day 5行程。

<<熊本>>

食完熊本牛放題之後，坐了成萬円的士回酒店，仲貴過餐飯，因為要爭取時間早些Check-in，趁未天黑嘆酒店的温泉。

「松島温泉海のやすらぎホテル竜宮」外觀平平。

酒店的大堂就幾有特式

大堂酒吧，有免費咖啡和茶供應給住客。

雙人海景露台房(包括雙人早晚餐)每晚￥49980 – 房間面積非常之大

浴室和一般溫泉旅館差不多。

露台有個半露天展望浴缸，有温泉水供應。

在房間飲杯茶休息一會後，要出外嘆溫泉了，否則會唔夠時間。

從酒店大門穿過停車場，是酒店附屬的私人露天風呂，內有5間獨立私人溫泉浴室和14張岩盤浴床。

小太熊Target了的「壹の湯」要等到18:30才有位，現在16:45，唯有先做岩盤浴，再去公用溫泉，然後再回來玩「壹の湯」，跟著19:30食飯，時間Fit到爆。

岩盤浴(住客免費)即是熱石浴或韓國的汗蒸幕，躺在地下的熱石上至滿身大汗頂唔順為止。

和小太熊一齊瞓了約30min，成身濕晒頂唔順了，便回到洒店大樓頂層的公用溫泉繼續。

頂層的温泉分室內和半露天，都享有全海景，露天當然舒服啲啦。

18:25又回到私人風呂，職員帶我們到「壹の湯」。

路經一處足湯，免費的，可以邊浸邊等。

「壹の湯」住客特價每房每1hr收￥1000，這半戶外的温泉浴池冇乜view。

露天的仿木製溫泉浴池很有特色，小太熊便是睇中佢，但因為佢太近馬路，浸浴時會聽到車聲，而且要種滿大樹阻止車上的人昅到，連海景都冇埋，唔係咁爽。

嘆了大半個鐘，要離開去食晚飯了。離開時見隔離房冇人，便入去八一八。

「叁の湯」只有半戶外溫泉浴池和露台。

露台較開掦，但仍聽到車聲。

「弍の湯」有個露天的木桶溫泉，明顯冇「壹の湯」咁靚。

19:30準時開飯，酒店安排私家雙人房，食11道菜晚飯，味道是咁多晚最好的。

我又做Cheap精，自備了180ml大吟釀(￥268)，慳返最少￥1000，當幫補一下下午程的士啦。

季節の前菜 – 前菜已經非常豐富，有一片半熟熊本牛和蟹鉗伴三文魚子，味道很好，令人喜出望外的前菜。

本日のスープ(海鮮忌廉湯) – 好味，但小太熊唔鐘意西湯的，太Heavy。

お造り地魚の盛り合わせ(什錦本地魚刺身) – 鮮美冇根，水準很高。

鮑の鉄板焼き(鮮鲍魚鐵板燒) – 足有150g的鲍魚，火喉啱啱好，廚工甚佳，鲍魚肉鮮淡彈牙，好食。

炊き合わせ(蠔肉蒸蛋) – 很清香鮮味。

野菜サラダ – 加了酸醋汁，很清新醒胃。

伊勢海老の鉄板焼き又は(龍蝦鐵板燒) – 每人半隻約200g，肉質鮮嫩甜美彈牙。

鐵板燒熊本牛西冷 – 廚工滿分，煎至半熟，皮脆肉嫩牛肉味濃，油份相對不高唔覺很滯，正嘢。

九州產海膽飯 – 海膽很苦但很新鮮，沒有甜味，我都幾鐘意食。

奶茶 – 冇乜特別。

甜品拚盤 – 賣相精美，而且每一件都好食，估唔到這樣飽還可以食晒，最特別是那球雪糕，是奶茶味雪糕，有驚喜。

食完飯回房間浸一浸溫泉便睡覺了。

呼吸 九州‧屋久島 – Day 6(完)

今朝07:00起身，立即上頂樓浸多一浸，舒展下先。

07:30食早餐，味道只是一般。

返到房又浸，小太熊話驚中溫泉毒啊。

<<鹿兒島>>

約09:30要Check-out了，乘巴士(￥1480)回到熊本駅，再轉JR回到鹿兒島中央駅。

還有差不多2hr時間，在火車站樓上的商場食埋飯至走。

揀了這間「朝次郎」，吃刺身壽司。

啱啱開門冇耐未有客人

小太熊飲烏龍茶(套餐包的)；我要清酒「恒の月辛口」(￥540)

本日の刺身定食(￥1296) – 味道唔錯，在香港要吃到這種質素最少要HK$200，抵食。

寿司御膳(￥1728) – 同刺身一樣咁好食，滿意。

食完還剩60min，小太熊想試多一間，選了間較多人排隊的，等了10min才有位。

素敵庵 – 吃日式牛肉的，見佢人氣頂盛，以為佢好好食。

跟餐的麵包 – 質感一流，軟綿綿又有咬口，整餐飯最好食佢。

素敵庵ステーキ(鐵板牛扒)(￥1490) – 味道一般而且落太多油煎，攪到連菜都成口油，只吃了三成左右。

跟餐的咖啡和芒果布典，唔係好掂。

和牛ビーフカレー(日式咖哩和牛飯)(￥1490) – 味道唔錯的日式咖哩，牛肉就普通，只有三粒。

凍番茄 – 跟咖哩飯的小食，清新醒胃。

夠鐘要走了，行過火車站對面乘13:30機場巴士往鹿兒島空港。

鹿兒島機場巴士 – 每位￥1250，每10min有一班車，先在車站買票後上車。

乘HK Airline16:00機回香港，早了15min起飛。

今天的雲海幾靚呀，只是過去幾日的天氣都麻麻。

回到香港上空時，見到有隻飛機的距離相當近，坐了三十幾年飛機都未見過，唔通香港機場的系統真係有問題？

香港機場又玩嘢了，唔比降落迫隻機在上空兜圈，兜到日落了，今日天色靚得過份。

完結6天行程，小太熊嫌行程較悶喎，冇法啦，咩好嘢都比佢玩過晒了，好難比驚喜佢的。

小太熊又要忙着下一次橫跨澳洲東西岸的12天行程了，佢真係又忙又叻又勤力又鍚禾。

補充資料 :

1.)     HK Airline 香港來回鹿兒島機票每位HK$4150(可以寄行李和有餐食)，機程2.5hr。

2.)      ￥100兌 HK$6.62 (永恆找換公司)

3.)     鹿兒島空港有巴士往鹿兒島市，每10min有一班車，車費￥1250，車程約50min，先在車站買票後上車。

4.)     鹿兒島中央駅有百多個Locker，每天￥300，最多3天。如果爆滿可到旁邊的百貨公司同一層和高一層均有Locker，但貴少少。

5.)     南九州3日火車證每張￥7000，熊本以南地區適用，可以免費預定10程指定席。

6.)     熊本的巴士基本上準時，但長途會有約10min誤差，上車時攞票，落車時比錢。從前島往 熊本駅車程90min，車費￥1480。

-----呼吸 九州‧屋久島(完)-----