西伯利亞 萬里長征(24) – 失落國度 卡累利亞共和國(Republic of Karelia)

卡累利亞共和國  索羅維斯基修道院(Solovetsky Monastery)(Солове́цкий монасты́рь)

卡累利亞共和國(Republic of Karelia)是俄羅斯聯邦的加盟共和國，佔據俄羅斯西北部接釀芬蘭的邊界，最著名的地方是白海上的小島 索羅維斯基島，奧𣵀加湖上的 基日島，和首都Petrozavodsk。

西伯利亞 萬里長征 – Day 26

<<索羅維斯基島(Solovetsky Islands)>>

今天要離開 索羅維斯基島，乘通宵火車到卡累利亞共和國(Republic of Karelia)的首都Petrozavodsk。

  

早上又在酒店食早餐，今天的早餐多了一條香腸，都唔知係咪昨天比漏了我。

食完早餐往島上的 神秘亂石迷宮，從酒店行15min便到。

索羅維斯基島上的 神秘亂石迷宮

接著繼續行去另一個景點 Negotiation Rock，沿途有樹林又有動物。

再經過一個墓地。

Negotiation Rock原來只是海邊一塊長方形石頭。

回到酒店執嘢check out，今天終於在這小島看到藍天了，但是天色還是不穩。

再次圍繞 索羅維斯基修道院欣賞一番。

修道道院外圍的涼亭和冰窑

從這大門口進入修道院

圍牆內的修道院，同樣咁宏偉壯觀。

教堂內部就唔算好靚。

參觀完修道院之後，在𥚃面的飯堂食埋飯，都好多人排隊，十分地道的一餐。

很多新鮮的麵包和蛋糕，好彩我們早到，因為不用30min便賣了大半。

小太熊大讚這賣麵包的美少女好靚女喎，佢好少讚人靚的，因為好少人有佢咁靚吖嘛。

朱古力蛋糕(RUB 40)；果醬麵包(RUB 30) – 兩個的味道和質感都十分之好，是極高品質的蛋糕和麵包，我們離開時已經冇得賣了。

牛奶(RUB 20)；紅莓汁(RUB 20)；紅菜頭薯仔沙律(RUB 50)；雜菜湯(RUB 50)；無花果乾(RUB 45)；魚飯(RUB 220) – 很平很地道的午餐，食得好開心，我覺得好食過酒店。

飯後再在修道院外圍再行一陣便回酒店攞行李，到碼頭上船。

由於大背包都有17kg重，從酒店去碼頭要行2.5km，於是試吓問酒店可否「Call Taxi」，職員的回答是「No」.........真係想教識佢哋「Yes」呢個字。

揹著大背包，慢慢行足45min才出到碼頭，行到標晒大汗。

今天艘船很細啊，而且全船爆滿。16:00起航，18:15到 凱姆(Кемь)，單程每位RUB 1500。

海鳥沿途都護送我們，送足整程船。今天天氣好，艘船唔再拋了。

<<凱姆(Кемь)>>

順利回到 凱姆(Кемь)，碼頭附近都有些 小教堂。

碼頭今次沒有的士等客了，好彩可以乘No.1巴士，巴士站在碼頭行700m距離。

 等了15min左右便有巴士，車費RUB 30，25min回到火車站。

落巴士之後，打算在站內Lock好行李後到附近食餐飯，於是行過去 凱姆(Кемь)火車站。

行到車站外圍時特然有隻動物大聲講英文「You, two, stop, passport, ticket」「are you from 痴拿」

𡃤嘢了，竟然在這偏遠的小站遇上警犬，由於Lonely Planet和飲食男女的記者都受過蘇聯警犬屈錢，今次真係驚了.......

我們最初對警犬的所有狗話問題不斷搖頭，做些唔明白手勢，但條PK居然拿出手機，用Google Translate要我們拿出Passport和火車票，我依然堅持唔比正本，只是拿出Passport 彩色影印和已經冇效的火車票e-ticket。我們雙方各自堅持，佢最後冇辦法，和我們一同行了入火車站大堂，我見人多了即時鎮定很多，隻警犬就用手機好似Call返總部。

接著隻俄羅斯警犬繼續緊持，和用Google Translate 表示自己是「Police」，要「Check Security」，由於已經堅持了30min，真的攰了，便拿出Passport比佢睇到夠，點知隻俄羅斯警犬用手機把我護照內的入境印章、簽證和個人資料全部影底，都唔知會否拿去做衰嘢。好彩最後冇屈錢。

被俄羅斯警犬攪完一輪，小太熊驚到唔敢再行出火車站，於是便在火車站內的餐廳飲杯嘢算了，連胃口都冇埋。

可口可樂(RUB 62) ; 生啤(RUB 108)



我行去火車站對面的超級市場買些食物，小太熊仲係好驚，所以留在火車站餐廳。

今晚乘021Ч車次，從 卡累利亞共和國的 凱姆(Кемь)到首都 Petrozavodsk，車程7.5hr，二等車廂每位RUB 2600。

火車埋站了，臨上車在月台遇到剛才的警犬，佢主動和我㸃頭打招乎。

今次的Conductor身型嬌小加上一頭橙啡色長曲髮，樣子甜美，索過美少女戰士。不過佢做野比較求其，連車上的熱水都唔夠熱。

火車20:55出發，明早04:22到埗。

上車之後沖個剛才在超級市場買的杯麵(RUB 42)，因為車上的熱水只有約60度，泡唔腍個麵，令到原本已經唔好食的麵更加難食，美少女戰士做嘢實在太求其了。

爭取時間早些瞓，否則明天唔夠精神。

西伯利亞 萬里長征 – Day 27

<< Petrozavodsk (Петрозаводск)>>

火車04:22到達Petrozavodsk (Петрозаводск)，要落車了。小太熊Book了今早往 奧𣵀加湖 基日島的船，上船前會先到船公司的酒店Karelia Hotel放下大行李，輕裝往 奧𣵀加湖上的小島住1晚。

Petrozavodsk (Петрозаводск)火車站 – 已經開始天光。

在火車站外有2部的士等客，到3km遠的Karelia Hotel開價RUB 300，我見三更半夜個司機咁辛苦所以唔講價了，300就300。

Karelia Hotel – 位於公園和河伴，環境很好。

從酒店行15min便是Ticket Office，但是太早未開門。

太早無咩做，便在市內四處走走。

卡累利亞共和國音樂中心(Republic of Karelia Musical Theatre)

Petrozavodsk警察局

烈寜像

行了1hr便覺得冇咩好再行，而且小太熊覺得太早條街冇人，好危險，所以早點回酒店Reception 坐到食早餐。

Karelia Hotel的自助早餐07:00開始，每位RUB 500，不過小太熊話網站明明寫著RUB 380的。

餐廳面向小河，環境相當清幽。

食物種類唔少，而且好食，還有Sparkling Wine任飲，很抵食。

食完早餐慢慢行去碼頭攞船票，去 基日島的船程1.5hr，單程每位RUB 1500。

乘這艘快船，09:30出發。

11:00到達 基日島(Kizhi Island) (Остров Кижи)，這小島上滿佈木裂古建築物和教堂，是個露天的博物館。

補充資料 :

1.)      USD 1 兌 RUB 57.69 (當地銀行現金兌換價)，即太約 HK$1 = RUB 7.37。

2.)      索羅維斯基島(Solovetsky Islands) 的山區極多蚊，必須帶備防蚊物品，不過一般的震蚊機和美國的蚊怕水佢哋都唔怕。

3.)      從 索羅維斯基島(Solovetsky Islands)乘船去凱姆 (Кемь)，船程2~2.5hr，單程每位RUB 1500。

4.)      從 凱姆(Кемь)乘火車到Petrozavodsk，車程7.5hr，二等車廂每位RUB 2600。

5.)      從 Petrozavodsk乘快船往基日島(Kizhi Island)，船程1.5hr，單程每位RUB 1500。

---待續---