西伯利亞 萬里長征(22) – 北征俄羅斯 白海(White Sea)

待嫁的俄羅斯美少女@聖彼得堡

俄羅斯的 聖彼得堡是個充滿文化氣息的城市，市內大部分建築物都和西歐的舊式建築近似，漫步其中有點似去了西歐大城市的感覺。除了街上建築，聖彼得堡的冬宮博物館和彼得夏宮也比得上西歐國家的博物館或皇宮花園，俄國美少女更加絕對能把西歐比下去。

西伯利亞 萬里長征 – Day 23

<<聖彼得堡>>

繼續上一篇Day 23行程。

行完冬宮之後，今天會在聖彼得堡行多幾個鐘，晚上乘通宵火車北上俄羅斯的 白海(White Sea)，一處比較少外國遊客的地方。

冬宮廣場的外圍有很多小販擺賣紀念品

俄羅斯粟米(RUB 150) – 為食的小太熊買了一支，唔算好甜亦唔算卜卜脆，只算唔難食，可以食得晒。

食完粟米之後，原本陽光普照的天氣特然急轉直下，變得烏雲密布，20min後還落超級大雨，要放棄行街了，逃了入附近的博物館再行。

總參謀部大樓Glavnyy shtab (Главный штаб) – 是冬宮附近的博物館，持有冬宮博物館門票可以免費入場，但是展品很流，基本上行過冬宮都不需要來這裡了。

在總參謀部大樓戇居居行了個幾鐘，悶到嘔，見到雨勢開始減弱，便撐起黃雨傘繼續聖彼得堡行街之旅，沿著 涅瓦大街(Nevsky Prospekt)散步。

  

超級市場Eliseevsky – 買高檔食品的超級市場，沒有莫斯科的分店那麼豪華，面積也較細，但是這裡有個茶座，可以坐底食個下午茶。

高級魚子醬種類繁多，價錢比在香港買的同類貨品低一倍以上，但由於這裡不供應冰袋包裝，所以只買了一樽較平的RUB 1200三文魚子醬，今晚在火車上吃。

一場來到，見茶座冇乜人便坐下食個下午茶，不過叫嘢食之後便不斷有很多老外大肥婆迫進來食嘢，普通Size的雙人位迫入3個大肥婆，枱枱都係，令原本高檔的茶座變成迫過朝早的地鐵、攪到Cheap晒。

芝士火腿牛角酥(RUB 180)；可口可樂(RUB 150) – 牛角酥的味道唔錯

黑鱘魚子伴香檳(RUB 1300) – 這款高級魚子醬原來沒有脆卜卜的口感，只有獨特的魚油甘香，和香檳的味道絕配。

食完Tea雨終於停了，可以到附近的 夏宮花園。

夏宮花園Summer Gardens (Летний сад) – 免費入場，不過這花園很普通，和彼得夏宮的花園相差甚遠，唔去都冇乜所謂。

Troitskiy Bridge

戰神廣場 Марсово поле

莫伊卡河Moika River (Мойка)

滴血教堂(Спас на Крови) – 聖彼得堡最宏偉壯觀和最多遊人的教堂，位於Moika River河伴。

教堂內外都人山人海，有人影結婚相，又有人自拍。

滴血教堂內同樣宏偉壯觀，不過想入去就要交低每位RUB 300入場費。

喀山教堂(Казанский кафедральный собор)

教堂外有人派冰凍的檸檬水試飲，我們每人要了一支。

喀山教堂內很多人排隊親吻十字架。

遊完 喀山教堂夠鐘返酒店攞行李，跟著Call Uber去Railway Station Ladozhskaya (Ладожская)，12km路程收費RUB 264，車程50min。

Railway Station Ladozhskaya (Ладожская)內的咖啡店，入去飲杯嘢等上火車。

Ice Borsch Shake(RUB 160) – 即是羅宋湯凍飲，味道和羅宋湯完全一樣，估唔到凍飲都好好味的；Lemonade(RUB 195) – 檸檬雜飲，味道唔錯的。

今次乘022Ч號車次到俄羅斯西北方的小鎮 凱姆 (Кемь)，車程15hr，二等車廂每位RUB 3104。

19:48開車了，先去厠所抹個身，然後開餐。

中午在超級市場Eliseevsky買的 三文魚子醬(RUB 1200)，貴嘢真係味道都唔同，明顯比那些散裝貨或是罐頭好味和甘香好多，用Vodka來送都幾夾。

今天的晚餐有麥當勞至尊漢堡和漢堡包，香蕉加俄羅斯Vodka。

食飽之後就瞓覺了，車廂氣溫很涼爽。車外整晚不停下雨，越是北上天氣越差，來了俄羅斯這麼多日也未遇過這樣持續地落雨，難得去到這最少人去的地方才不斷落雨.......唔通連個天都唔鐘意禾？

西伯利亞 萬里長征 – Day 24

<<凱姆(Кемь)>>

早上10:55到達 凱姆(Кемь)，天氣完全沒有好轉，慘了。

  

行出火車站搵車去13km外的港口，啱啱好彩有1001架的士，下着大雨也只是開價RUB 350，立即上車啦。

的士很快來到港口旁的酒店「Prichal」

小太熊和這酒店訂了今天12:30去白海 索羅維斯基島(Solovetsky Islands)的船票，在酒店買完船票後便到酒店餐廳食早餐。

酒店「Prichal」的餐廳

因為個天唔鐘意禾，所以今朝要空肚食早餐了。

紅茶包(RUB 40)

厚Pancake伴錬奶(оладьи)(RUB 110) – 小太熊話乾爭爭唔鐘意食。

鐵板煎雙蛋(RUB 80) – 太多油，見到都驚。

牛奶粥(Каша на молоке)(RUB 80) – 很古怪的一碗粥，米非米麥皮非麥皮，但是又有些米味和麥皮味，加了些牛奶味，真的唔知佢係咩。

食完早餐後天氣更壞，又大風又大雨，原本12:30開出的船遲到30min，因為海上大風浪，令原本2hr的船程變成2.5hr。

13:00開始排隊落船了，從凱姆(Кемь)到Solovetsky Islands船程2～2.5hr，單程船票每人RUB 1500。

隻船起航約30min後便變成海盜船，拋到班蘇聯大漢個個嘔黃膽水，船員不停派膠袋，我和小太熊都每人要了一個。

坐隔離橙衫的蘇聯佬初時死要面唔要膠袋，到最後還是攪到一褲都係，仲睇住佢生吞返啖嘔吐物，真正是「沒有最核凸只有更核凸」，為怕啲核凸嘢彈過來，我便把我的膠袋給了他，他立即嘔了個痛快，真係好很核凸呀。

小太熊最後都頂唔順嘔了幾啖，好彩我勉強頂到尾，坐多15min就死梗。

<<索羅維斯基島(Solovetsky Islands)>>

捱了2.5hr終於捱到到隻船到達Solovetsky Islands 泊岸了。

今次會在這世外小島住2晚，2日後下午乘船離開。

索羅維斯基修道院(Solovetsky Monastery) (Соловецкий монастырь) – 碼頭的對岸是這小島最大最靚的修道院，每個到訪這裡的旅客都是為了參觀這修道院而來的。

來到 索羅維斯基島(Solovetsky Islands)還是雨下不停，而且完全沒有轉好的蹟象。在碼頭找車去酒店，短短4km的距離便開價RUB 500，價錢直迫日本的士。

由於當時又大雨又凍，我還價唔敢太合理，只還價RUB 400，司機OK成交。

乘這部舊式蘇聯軍車來到酒店Solovki Hotel。

Solovki Hotel – 環境尚算清幽，不過酒店職員又係勁唔想和非俄語人士溝通，問乜都答「No」。

雙人房(連早餐)每晚RUB 7000 – 房間有廁所和浴室，面積很細。

由於酒店職員太唔Helpful問乜都答No，完全報唔到明天和後天的Tour，所以要自己行去Tourist Information Office碰碰運氣。

Tourist Information Office設在島上小鎮Solovetsky Village以外2.5km，要行過一個叢林才能到達，分明係唔想咁多人煩佢哋。

沿著這些爛路行2.5km便到Tourist Information Office。

Tourist Information Office是一幢遠離塵世的平房，肯定10年都冇一個客，但辦公時間卻去到18:00。

Tourist Information Office的職員可以用英文作溝通，但是她説未來三天的所有Tour都「Busy」，真係冇位了，看來這個世外小島還未準備招待海外旅客，牡辦法了，Walk返小鎮再想辦法。

索羅維斯基島 上的唯一小鎮Solovetsky Village，有幾間商店和餐廳，但從外觀看會以為那只是民居。

小鎮內最似商店的士多，長期人山人海，排隊買嘢的人都用「俄文」和職員講好多嘢，接著職員便執貨。我只識「哦文」，所以便在店內影相來溝通。

買完嘢都夜了，在Solovki Hotel的餐廳食飯。

這𥚃有英文餐牌，不過有些地方和俄文餐牌唔夾，以俄文為準。

法國紅酒150ml(RUB 360)；俄羅斯紅莓汁Cranberry Juice (RUB 80)

Pike Caviar with Toast(RUB 400) – Pike是產自白海的 梭魚，又叫「海狼」，牠的魚子原來都唔錯的，味道特別，值得一試。

Pork with Mushroom and Photo (RUB 450) – 平平無奇的一味，味道一般肉質略為鞋口，薯泥加了太多牛油，很滯。

Fried Solovki Herring (RUB 200) – 產自白海的希靈魚，魚肉幾鮮甜，好食。

Beef Solovki (RUB 450) – 索羅維斯基鄉土式牛肉，加入酸瓜薯仔同炒，再伴上俄羅斯之寶「Sour Cream」，味道較為古怪，但不太難食。

晚上還是不斷下雨。

補充資料 :

1.)      USD 1 兌 RUB 57.69 (當地銀行現金兌換價)，即太約 HK$1 = RUB 7.37。

2.)      聖彼得堡 市內可用Uber叫車，比的士平和方便，收費每1km大約RUB 20 ~ 60。

3.)      從聖彼得堡 乘火車到俄羅斯西北方的小鎮 凱姆(Кемь)，車程15hr，二等車廂每位RUB 3104，在聖彼得堡Railway Station Ladozhskaya (Ладожская)出發。

4.)      從凱姆(Кемь) 到Solovetsky Islands的船票可以和當地酒店「Prichal」預訂，單程船票每人RUB 1500，船程2～2.5hr。

---待續---