潛行宿霧 鯨鯊 • 風暴(1) – 菲律賓潛水熱點Moalboal

菲律賓 宿霧Moalboa – 深海巨龜

菲律賓 位處亞洲太平洋東南部，國內擁有超過7000個島嶼，大部分都擁有清澈蔚藍的海水，滿佈世界級潛水勝地。其中以北部呂宋島，中部宿霧島，南部綿蘭老島和西部巴拉望群島為主要四大島嶼，當中又以宿霧島(Cebu)及周邊島嶼擁有最多的潛水熱點，著名的深海奇景 沙典風暴和鯨鯊覓食也可以在宿霧的海底遇到。

潛行宿霧 鯨鯊‧風暴 – 序

2010年之前總共去了菲律賓8次，踏遍 馬尼拉、Puerto Galera、班乃島、Boracay、El Nido、保和島、Mindanao、Camiguin Island和宿霧島；2010年之後便討厭 菲律賓，取消預訂了的2010年8月潛水行程，也沒有再吃菲律賓蕉和買菲律賓物品，足足10年未有再到過菲律賓了。今次因為小太熊想去，又叫我原諒菲律賓，便和她去一次吧，不過其實我沒有原諒過菲律賓。

今次會去宿霧7天，主要是到Moalboal潛水，那是我1996年學Open Water Dive Course的地方，已經23年前了，我都要睇返「1996年10月 – 闖菲律賓中部」至記得返自己去過咩地方，那時膽正命平，比現在勇好多。

潛行宿霧 鯨鯊‧風暴– Day 1

今日黃昏機出發，小太熊要返半日工，我就唔駛返，可以瞓到安樂醒，瞓醒覺便先去附近歎份早餐。

譽居 早餐孖寶點心($46) – 㨂了粟米肉粒粥和牛肉腸粉，味道唔錯幾抵食。

之後返屋企執埋行李，今次去7日，2人加埋共有13kg背包，老規矩我揹埋小太熊的行李。

得自己一個，便坐90min巴士去機場，在機場會合小太熊之後，進入禁區食免費餐先。

Plaza Premium Lounge – 又要排長龍了，今次排了5min，算快，不過裡面座位差不多全滿。

魚蛋粉、燒賣和牛肉都正，仲有生啤任飲，可惜腸粉要我離開時至有，食唔到....冇下次了，因為Cathay AE已經到期。

飛機Scheduled了16:05-18:55，遲了30min (16:35)才起飛，今日天色很好啊。

飛機餐十分難食，塊魚腥腥哋，啲菜像糊仔一樣，水果都焗到有啲怪味，所以我只係食了杯雪糕。

<<宿霧市>>

19:05到達宿霧Mactan-Cebu Airport，只係遲了10min，又OK喎，不過入境時排超級長龍，不是因為多旅客(已經一個支那人都唔見，只得老外和本地人)，而係因為Counter又少菲律賓人做嘢又Hea，排了足足60min才入到境，是世界各地罕有咁低效率，一個國家可以咁多年仲係咁窮真係有佢嘅原因。

19:20開始排隊入境，排到20:20終於排到了，仲衰過印度尼泊爾。步出機場後見的士站大排長龍，便嘗試用Grab叫車，因為好生意，Grab坐地起價了，由機場去酒店Waterfront Cebu City Hotel，13km路程車費由P380加至P486，不過就唔駛排長龍立即有車，當買時間啦。

Waterfront Cebu City Hotel and Casino – 位於Cebu City市中心，因為塞車，短短13km路程花了50min，21:20到埗。

快聖誕節了，酒店大堂放滿了聖誕裝飾。

雙人房(不包早餐)每晚HK$475 – 是最平的房，冇乜景觀。

把貴重物放入Locker之後，便行1km到附近的夜市Sugbo Mercado食晚飯，夜媽媽條街仲係好旺，小太熊原本驚治安唔好，不過來到見咁多人佢又唔驚了。

Sugbo Mercado – 是個露天夜市，內有數十檔小食大排檔，主要食客是當地人，老外就有些少。

今日係星期五，差不多全場滿座，氣氛很熱鬧。

食物種類唔算多，小太熊話好多人食燒豬，佢都要試吓喎。

全場只有兩檔賣燒豬，我選了這檔。

再在這𥚃買一杯飲品。

燒乳豬250g(P160) – 皮好硬，豬肉夠juicy不過肉味一般，整體上唔算好食，小太熊又被網上Blogger老點；炭燒雞髀(P150) – 味道唔錯帶而且有炭火香味，不過已經冇我1996年吃的燒雞翼咁頂級好味了，不知為何全世界所有食物的味道也是越來越失色；Yakult Lemonade(P80) – 檸檬益力多飲品，一般好飲啦。

這餐質素麻麻哋，行過隔離間特色餐廳The Pyramid再食。

The Pyramid – 設計成個羅浮宮人口，晚上氣溫清涼，坐在戶外飲杯嘢都唔錯，室內有陣臭渠味唔係好掂。戶外位常滿，只係啱啱有人走才有吉枱。

生力清啤(P75)

Hawaiian Pizza(P335) – 水準一般的Pizza，好食過剛才的燒乳豬。

食完野行去附近的Tree Shade SPA預約明早的SPA，跟著行路返酒店。

晚上執行李時，發現帶錯了潛水相機的义電線，死火，得2粒電，今次預備潛10次的，要影得非常之慳至得了，又比小太熊話我冇用，真大鑊。

潛行宿霧 鯨鯊‧風暴 – Day 2

昨晚瞓了6hr，今朝07:00起身，執好行李之後慢慢行15min去Tree Shade SPA，昨晚Book了08:00做90min熱石。

Tree Shade SPA – Cebu有2間分店，這間手勢最好，價錢也是最平。

師傅們瞓過籠遲到，要08:20才me me mor mor地開始，攪到陣間食早餐趕到暈。

Hot Stone SPA(P1200 ~ 90min) – 08:20開始洗腳先，跟著入房做熱石。

師傅按壓的手勢一流，但熱石只是一般，試過三四次石頭太熱要我開聲，下次一定唔要熱石。

做完SPA行去附近的Cebu IT Park食早餐。

Soho Park – Cebu IT Park內的西餐廳，小太熊話佢評分很高的，個個有贊冇彈，單看外貌環境確係唔錯。

坐低已經10:10，只有40min，於是快快落Order，因為Book了11:00車離開酒店去Moalboal，所以10:50前一定要走。職員落單都相當快手，但廚房出嘢很慢，等了20min才有嘢食，要食得好趕呀，唔係咁好。

I Love Life(右)(P150) – 西瓜士多啤梨汁，幾特別的果汁雜飲；Mr. Green(左)(P150) – 即係五青汁，十分醒胃。

法式多士拼雜果(P240) – 牛油超濃的西多，好滯呀，小太熊食了兩啖便頂唔順只吃水果，佢話太肥唔準我食咁多添。

Soho Full Breakfast(P410) –   勁大份的早餐，足夠2人份量，用料好靚，小太熊平時唔食香腸和煙肉都話好食，最衰係唔可以慢慢歎。

10:50行返酒店，啱啱11:00返到酒店。

經Klook訂的車往Moalboal，100km路程收HK$353。

<< Moalboal>>

11:05出車，14:20去到今日開始連續住三晚的酒店Dolphin House Resort Moalboal，這酒店是區內數一數二的靚酒店，貴得幾唔抵住，而且酒店內的潛水店收費亦比Panagsama Beach貴80%，攪到今次旅程的總消費不合理地高，慘了，小太熊歎慣食慣，佢唔肯捱呀。

Dolphin House Resort Moalboal – 酒店的泳池好靚架，但係很奇怪，即使酒店房全滿但大部分時間都冇人用的，可以當私人泳池。

先來杯Welcome Drink，小太熊飮橙汁，我飲咖啡酒，好耐冇飲過了。

酒店的房全是這些花園景的小屋，小太熊話平房只係港幣一千多些，不過Full了，佢只Book到貴房。

Suite Bungalow(包早餐)每晚HK1947 – 今次要住這間貴房，2層高，可以住4人都冇問題。

房間裝飾不是太驚喜，只係一般貨式，感覺被搵笨，不過樓底都好高，下層和上層各有一張雙人床，我們瞓上層，下層張床用來放行李。

酒店的餐廳環境很好，供應早午晚三餐，食物的質素在菲律賓而言是很高的。

酒店外的海水好碧綠架，在亭內看海發呆真係一流，不過今次行程太忙，冇時間發呆。

供住客休息的地方

SPA房都好Open啊。

隔離酒店Asian Belgian Dive Resort

Dolphin House Resort Moalboal潛水店 – 原本只係報名參加明早的潛水，但DM話酒店規矩，所有客人第一次都必須要做較容易的Beach Dive，看看我們的技術，才可以出Boat Dive，我便立即要求即刻做個Beach Dive，那麼明早便可以去好地方潛了。

DM都好好人，已經16:00臨收工都肯OT帶我兩出埋個Beach Dive，我便立即回房攞Diving Boot和Mask，順便訂埋今晚晚飯，因為想食晚飯必須要17:30前落Order。

Moalboal的Dive Site都幾密，我們今次就在酒店的沙灘行出去的Dolphin-House North潛，由於都預咗冇乜特別嘢睇，所以唔帶相機了，慳返啲電留返明日影好嘢。

Hea 潛了60min，果然只有普通珊瑚和魚仔，全部都係見過的，唔影相都冇乜所謂。潛完上水已經17:30，返房沖完涼已經天黑了。

18:30行去餐廳，天色已經全黑。

SPA房有客啊，好似好舒服添。

晚上的餐廳一樣是又靜又靚。

是日晚餐Menu – 由於小太熊一向不喜歡飲西湯和甜點，所以我只Order了兩份Main Dish，點知瀨晒嘢啊。

今晚個位唔錯，之後晚晚都坐返這枱。很奇怪晚飯只有十幾人食，其餘幾十個住客唔知去晒邊，飯又唔食又唔去泳池又唔潛水。

可樂(P70)；紅酒(P190)

是日鮮魚飯(P690) – 炭烤魚肉很鮮甜很香嫩，豉油都好靚，呢味好好食。

咖哩雞飯(P690) – 咖哩汁好好味而且唔滯，夠多雜菜，不過用雞胸肉，唔夠滑。

由於今日只吃了早餐，跟著冇食過野又潛了水，餓到流青口水，小太熊唔夠飽啊，要飲埋啲咖哩汁，我都要食埋伴碟朶大紅花，佢問我做乜咁孤寒唔要埋餐湯和甜品，攪到佢要飲咖哩汁咁慘，我錯了，明天一定要Full Set Dinner。

補充資料 :

1.     國泰航空 香港來回宿霧機票每位HK$2877(包括寄行李和餐飲)。

2.     HK$1兌P6.33(永恆找換公司)。

3.     2人7天保險費共HK$246。

4.     上網卡7天$55，鴨寮街買。

5.     Cebu-Mactan Island Airport乘Grab車到宿霧市中心   Waterfront Cebu City Hotel and Casino，車程50min(13km)，一般車費P380，我叫車時因為少車，坐地加價要收P486。

6.     從宿霧市用Klook包車到Moalboal，約100km，車費HK$353，因為沿途不少慢車頂住條路，司機不斷爬頭也要車程3hr15min。

7.     Dolphin House resort Moalboal的潛水店價錢比Panagsama Beach貴80%，但Equipments比較新。Guided Beach Dive P1960；Doubles Boat Dive P4648；Single Boat Dive P2464；Full Set Equipments 每天計收 P1600(當日只潛1次也當1天)。

8.     Dolphin House resort Moalboal會代客叫Tuk Tuk，從酒店去Moalboal巴士站(6km)或Panagsama Beach(6km)都係P150，晚上18:00後P250，最多坐3人，回程同價。

9.     在Dolphin House Resort Moalboal退房時比信用卡要收3%手續費，比現金就有3%折扣，來回6%，數目都唔細。

---待續---