旅居英國 • 動態移民(02) – 宜居古城 約克(York)

York Minster(約克大教堂)

York Minster(約克大教堂)位於英國約克市城牆內，是英格蘭教會約克教區的基督教堂，建成於1472年，屬英國最大的哥德式教堂。1984年曾因被雷電擊中而引致火災，用了近四年時間才完成復修工程。

旅居英國 • 動態移民 – Day 03

<<約克>>

昨晚的酒店The Mount Royale Hotel太貴，今晚搬去另一間平一點的Hampton by Hilton York Hotel住2晚。

因為英國比香港慢8hr，時差關係今日好早便醒了，07:00食早餐。

The Mount Royale Hotel食早餐的餐廳，環境和食物都充滿英國色彩。

橙汁是鮮榨的，有點兒酸；牛奶用來溝英式奶茶；牛角酥搽牛油加蜜糖好正。

Full English Breakfast – 大份到可以當埋午餐，煙肉好咸，豬肉腸的口感太湖口，薯餅和炸麵包非常之油膩，黑色三角形是一種叫Black Pudding的血腸，屬英國的暗黑食物，用豬血加入粒粒豬油和燕麥做成，食幾啖已經覺得血管塞塞哋，而且好很難食。

煙三文魚炒蛋 – 三文魚幾肥美，炒蛋亦有蛋香，我鐘意呢味。

食完早餐之後回房歎到11:00才Checkout，之後把行李放在新酒店Hampton by Hilton York Hotel，酒店位於York城牆內，行街好方便。

Hampton by Hilton York Hotel

昨天還是天郎氣清，今日卻陰陰濕濕下著毛毛細雨。Check in 時一位職員話，這是常見的天氣，而York就只有兩種天氣，就係Cold和Very Cold，我信佢冇吹水啊，真係好叉凍。

雙人房(連早餐)每晚HK$799 – 裝修很新淨，窗外可以望住約克城牆上的遊人行來行去，整體上很舒服，會在這裡住2晚。

今日全日落雨，雨勢有時頗大，要開雨傘，不過英國人唔興用雨傘的，通常外地人才會用。

Regency Chinese Supermarket – 很快在古城內見到有一間小型超級市場賣港式食物，出前一丁只係£0.75(在英國見過最平£0.45，全國很多大型超級市場部有得賣)，福麵£0.88(往後的日子只在倫敦唐人街見過，價錢差不多)，買了幾個做儲備糧。

All Saints North Street (The Shrine and Parish Church) – 建於中世紀的聖公會教堂，內有一幅古董名畫The Lady Chapel Painting，可惜冇開門。

繼續過橋橫過 River Ouse(烏茲河)，天色依然很差。

St Mary's Abbey(聖瑪麗修道院) – 建於1000多年前的修道院，現在只剩下些破牆遺跡。

York Minster(約克大教堂) – 城內最大的教堂，外觀宏偉牆飾細緻精巧，單係外圍參觀已經夠靚了，入去要十幾磅真係唔捨得。

Ghost Walk Tour – 在約克大教堂附近有幾個Ghost Tour的起點，因為York是個充滿歷史的地方啊！鬼古自然多啦。

落雨濕濕的天氣下繼續在古城慢步，今日遊人甚少，街上都係冷淸清的，可能係英國剛剛才放寛老漢廢鹽限制，外地旅客很少，只有本地遊客。

Newgate Market – 在魔法小巷 Shambles Street(肉舖街)隔離的市集，這裡有齊生熟食物水果檔和日用乾貨，不過價錢比一般超級市場貴好多。

Betty’s Cafe Tea Rooms – 小太熊話呢度的英式下午茶好出名架，幾時去都要排隊等位的，趁今日不是假期要食咗先。

不是假期的非繁忙時段也排了十多人，小太熊留意到一個情況，就係食客全部都係老嘢(往後日子遇到的本地旅客也99%是老嘢)。

Afternoon Tea(£21.95) – 包括三層咸甜茶點和一壺紅茶，是一份份量，但都足夠2人食了，賣相貴氣味道就一般啦 ; House Wine Rosé(£6.5) - 見隔離枱叫來打卡我又跟，顏色咁靚食都食得醒神啲。

Flaked Salmon and Prawn Sandwich (£7.95) – 都係三文治啱食啲，我覺得味道唔錯水準中上，蝦肉和三文魚也香口有味不是淡口貨式，伴碟沙律酸酸哋幾美味。

未夠18:00又開始天黑了，又濕又冷都係早點返房休息，買些外賣回房吃慳返些少。長途旅程的心態和短途真係好唔同，比入場費參觀又唔捨得，出街食飯又唔捨得。

Drake’s Fish & Chips – 來到英國當然要入鄉隨俗食多啲國菜啦，買了一份炸魚薯條。

The York Roast Co. – 今日酒店職員介紹我們試呢間，佢話呢度出名食York的特色食物Yorkshire Puddings和烤豬肉，一場來到一定要試吓喎。

炸魚薯條(£7.25) – 很大份，比昨晚的好食，薯條比較乾身和香脆薯仔味濃，魚肉也比較鮮嫩。

Yorkshire Puddings with Pork(£7.55) – 是York 的特色食物，有烤豬肉、大量雜菜和Yorkshire Puddings(烤包)，還有一粒用薯仔麵粉和玉桂製的Stuffing ball，味道幾得意值得一試。

飲埋昨晚飲剩的半支紅酒，叫做有酒有肉啦，都唔算好淒涼啫。

旅居英國 • 動態移民 – Day 04

今日依然全日落雨，又凍又濕。

晨早07:30在酒店食自助早餐，今早很清靜冇乜人。

酒店早餐好食，最好係有生果任食，可以食多啲食埋中午餐飯。

酒店位於York古城牆內，附近有超級市場，可以補給些杯麵和罐頭。在英國一般超級市場可以買到的好食杯麵只有辛辣麵和合味道杯麵，其餘牌子都非常之難食。

今日River Ouse(烏茲河)仍然灰灰暗暗。

今日繼續沿古城東北方向，行埋昨天未行完的圍牆。

Grays Court Hotel – 小太熊原本想在這酒店住一晩，貪佢係英式古老大宅和有大花園望住約克大教堂，不過佢在不同時間重複地問了我好多次我都覺得太貴反對了。如果係以前就一定住一晩。

沿著城牆繼續行，見到這些特色餐廳設計，啱晒成日落雨的英國又喜歡戶外的人。

The Perky Peacock Cafe Bar – 由古城牆內最古老的更亭Barker Tower改建成的咖啡店，建築物已經超過800年歷史，從York火車站只有500m距離。

今日落雨濕濕所以戶外冇人坐，平時冇落雨行過都好多人的。

見雨勢越來越大便入去坐低飲杯嘢，其實唔落雨都好值得入去飲杯野。

Yorkshire Tea(£2) – 原來只係全英國超級市場都有得賣的普通紅茶包，仲以為係York 特色飲品添；Latte(£2.9) - 大大杯不過味道就一般，當買個位在古建築物內坐吓都係抵的。

Pairings Wine Bar – 今日決定食好少少，揀了呢間Bar食下午茶，貪佢有酒送小食，環境都非常之好，黃昏時段冇乜人客可以Walk in，但餐廳話只可以坐一粒鍾。

揀了個最靚的何街景位。

Classic Flight (£24) – 這款套餐有廚師揀選2杯白酒1杯紅酒，再加2款小食和1款芝士，今日小食係煙三文魚和風乾火腿，全部味道都好正，雖然唔平但值得一試。

Duck Rillette(£7) – 鴨腿肉混和了鴨油和香料，肉味香濃入口甘香，多士焗得有些微脆口，配上鴨肉同吃非常香口美味；Cava(£5.5) - 味道淡淡清香，送鴨腿肉一流。

食完下午茶未夠六點便天黑，日落後停雨了，可以認真在古城內逛逛夜街。

左下角的酒吧便是 York古城內一間經常鬧鬼的酒吧Golden Fleece，我就覺得隔離的白屋York Gin更加搶眼。

其實城內每間酒吧入夜後都好似好猛。

晚上條街很少人冷淸淸，連Ghost Walk都冇人參加。

Shambles Street(肉舖街)有些店舖還未關門，哈利波特仲未收工喎，感覺十分詭秘。

York Minster(約克大教堂)像魔鬼教堂一般的陰森。

Roman Fortress – York古城西部城樓門口，行到這裡回頭行返酒店。

Clifford's Tower – 約克城內的地標建築。

St Mary's Church – 是古城內眾多一級歴史建築之一，教堂已經超過一千年，現時這重建建築物也有600歲了。

River Ouse(烏茲河)晚上黑漆漆的，河旁都唔適合散步，因為耐唔耐都有醉酒佬發癲架。

下午茶食了貴嘢，夜晚要食簡單啲，在麥當勞買超值選返房食。

芝士漢堡(£0.99)；中薯條(£1.29) – 仲平過腥港啊，其實在英國都有唔少食物非常之平，只係水電費真係貴了些。

唔駛趕行程的日子其實幾舒服，夜晚都瞓得好啲。

 

補充資料 :

1.     £1兌HK$10.66 (HSBC網上兌換)

2.     英國天氣變化極大，經常落雨，而且不時會括狂風，所以不方便用雨傘，最好全身夜物都要防水。

3.     99%的英國人都十分有禮，而且忍耐力很強，習慣斯文之後再回到亞洲會唔多慣。

4.     英國全國已經無紙化，所有車票和入場門票也可以上網購買，而且有時比買實體票平30%。

---待續---