感受 澳洲(6) – 翠兒河(Tweed River)不似在人間

澳洲黃金海岸 翠兒河(Tweed River)日落船屋假期(Houseboat Holidays)是指租一艘船屋在淡水河或湖泊之中渡過一般3～7日的假期，在澳洲十分之流行，因為澳洲擁有很多天然的淡水河和湖泊，水面平靜適合那些不能抵受風浪的船屋行駛。在澳洲租用船屋一般只需要出示普通車牌，某些地方(例如Tweed River)可以連車牌也不需要。

 

感受 澳洲 – Day 13

<<Tweed River>>

今朝天光便起床，坐駁艇四圍去探險。

清晨的Stotts Island河面滿佈一層迷霧，仙境一般，感覺上不似生活在人間啊。

小太熊又大顯身手，早餐有魚粥、蕃茄蘑菇奄列、蜜糖焗雞翼和炒生菜，豐富又美味。

早上的時間留在Stotts Island休息和釣魚捉蟹，又釣了4條約5兩的魚仔，品種和昨天一樣～釘公和白鱲，又係捉唔到蟹。

船屋繼續向上游進發，去到Condong要穿過一條小橋，艘船太大要拆去船頂的蓋才夠位過，因為唔係好識拆蓋同埋時間都差唔多要回程了，便決定在Condong回程。

船掉頭之後沿河駛到Stotts Island附近的小鎮Tumbulgum，Menu話岸上有一間餐廳，決定埋岸食個午餐。

Tumbulgum沒有碼頭，要把船停在河上，要乘駁艇上岸。

有2艘船屋也停在這裡，比較細隻應該容易控制啲。

泊隻駁艇在這裡上岸

今日陽光普照，心情都好似啲花咁靚。

Restaurant Tumblgum Tavern – 環境很好的餐廳，位置偏僻人客唔多。

漢堡包薯條(AUD$9.9)；可樂(AUD$2.4) – 老外的傳統Junk Food都幾好食。

食飽之後又回到Stotts Island，乘駁艇去昨晚放了蟹籠的位置收籠。

又冇蟹啊，心都實埋，可能未到季節。

又釣了一條白鱲，今晚燒埋佢，其實都食嫌了。

時間都差不多，要全速回程返去起點，今晚會在第一日炒船的位置～Tonys Island附近過夜。

回到Tonys Island又見到海豚，好大條在船頭不斷游，佢同我玩呀。

立即全神貫注，再次追海豚，今次萬分小心，一定唔會再擱淺。

很多海豚不斷在四圍跳來跳去。

黃昏回到第一天炒船的地方Tonys Island，停船看日落。

日落仲冇人扒獨木舟

今晚把所有食淨的東西一次過燒曬佢，仲有好多雞同埋魚，食淨就要掉了。

完結整個船屋假期了，雖然又炒船又捉唔到蟹，不過心情仍然幾滿足。

感受 澳洲 – Day 14

早上看完日出，回程交船。

落船之後在碼頭發現一架超級市場的購物車，正呀，我即刻幫手推架車返去Tweed City Shopping Centre，順便把行李放上車。

在Tweed City Shopping Centre外有巴士站，坐巴士去火車站。從這裡去火車站只需20min，但就有1hr時差，要小心火車時間。

<<布里斯本>>

轉乘火車到 布里斯本(Brisbane)，在市內行幾粒鐘，黃昏搭內陸機到 凱恩斯(Cairns)。

布里斯本(Brisbane)火車站 - 站內有Locker(AUD$7)，放下大行李便輕裝行出去。

在澳洲都見到法輪功，老外信徒都唔少喎。

布里斯本都幾似中環，中午時候都唔少上班一族喜歡在公園吃三文治。

路過一間餐廳見佢幾靚又平平哋，便入去食午餐。午市套餐每位AUD$16，包了一份主食和一杯餐酒。

我食蝦飯，味道唔錯，兩杯酒我飲晒。

炸魚薯條都好食。

午餐後行街，布里斯本市內新舊建築物夾雜，很有本土風格。

布里斯本河(Brisbane River) – 都好似星加坡河岸。

Story Bridge - 這條橋應該最有布里斯本特色了，是地標建築。

<<凱恩斯>>

晚上飛達 凱恩斯(Cairns)。

凱恩斯市區晚上都唔少人流。

今晚住的酒店叫Discovery Resort，位於市中心，交通便利，會連續住三晚。

房間很大，有開放式廚房和廚具供應，仲有冷氣，在澳洲的酒店住了十幾日才第一次見到。

明天一早出發，到世界聞名的大堡礁潛水。

 

---待續---