感受 澳洲(5) – 黃金海岸Tweed River 船屋假期

澳洲黃金海岸 翠兒河(Tweed River) ～ 船屋假期

翠兒河(Tweed River)位於澳洲新南威爾斯省的北部，分隔開 新南威爾斯省和 昆士蘭省。河流位於鹹淡水交界，水產豐富，聽講河內有很多大大隻的澳洲泥蟹，因此在黃金海岸有很多一日團會到Tweed River釣魚和捉泥蟹。旅客可以租一艘船屋(Houseboat)自已駕駛，沿着Tweed River觀賞野生海豚、釣大魚、河上BBQ、捉蟹、餵塘鵝和海鷗、日光浴、自駕接駁小艇進入支流的紅樹林區觀鳥、看日落、夜晚於河上和鳥聲一起入睡。這種夢想中的生活，其實在現實中不難找到。

感受 澳洲 – Day 10

<<荷伯特>>

今日早機離開塔斯曼尼亞，到昆士籣(Queensland)黃金海岸 – Surfers Paradise住一晚。

在悉尼轉機時有時間，在機場麥當勞慢慢嘆份早餐至再上機。

很快便飛到Sydney上空，今日天氣很好啊。

<<Surfers Paradise>>

到達 布里斯班(Brisbane)機場之後，轉乘火車去黃金海岸 – Surfers Paradise。今日住沙灘旁邊的酒店International Beach Resort。太早未有得check in，在酒店放低行李之後先去食午飯，未行一陣街。

炸魚薯條加煙三文魚Pizza – 中午在海灘旁邊的餐廳食午餐，味道唔錯，啲炸魚肉很嫩滑，不過炸粉太厚。

中午開始橫風橫雨，只有20℃左右，沙灘上都冇乜人。

難得來到Surfers Paradise，只有半日時間，決定捱住凍落水游返十幾分鐘，叫做浸過黃金海岸的水啦。

Surfers Paradise的浪真的很勁，唔怪之得係滑浪天堂，有啲驚被沖走啊，玩一陣間算了。

游完水返酒店Check in，沖個涼瞓個晏覺，去旅行真係好少機會瞓晏覺的。

從房間露台望見這個滑浪者天堂Surfers Paradise，真係好大浪。

一覺瞓醒已經天黑，又到晚餐時間。

International Beach Resort – 酒店客人大部份來自某蝈，非常吵鬧。我間非吸煙房有煙味，攪到房間貼了一種文字的告示「房间内不凖吸烟，违者罚款1000澳洲元」。

海景雙人房(不包早餐)每晚AUD$ 119 – 房間很破舊，不太清潔，唯一好處是景靚。

晚上沙灘鬼影都冇隻。

Surfers Paradise條街其實冇乜好行，街上最多是Agent，可安排很多類型的Tours，Game Fishing～Sky Dive～Bungy Jump～紅樹林獨木舟等等包羅萬有。

睌上又吃麥當勞，又平又好食，好過成日食Pizza和牛扒。

房間的夜景都好得，夜晚好涼爽，打開落地窗可以聽住海浪聲瞓覺。

感受 澳洲 – Day 11

早上乘巴士沿黃金海岸南下，到黃金海岸最尾一站 – Tweed Heads。

等巴士時仍然落緊微雨

<<Tweed River>>

Tweed Heads位於黃金海岸尾段，是個很特別的市鎮。市鎮橫跨澳洲的新南威爾斯省和 昆士蘭省，由Tweed River分隔成南北部份，由市鎮南部去到北部也有1hr時差，所以坐火車時最緊要攪清楚開車時間是計那一區的時間。

在Tweed Heads一個大商場Tweed City Shopping Centre落巴士後，先去麥當勞食份早餐先~豬柳漢堡餐和熱香餅。

商場內有一間巨型超級市場，可以買齊來3日糧水，包括用來BBQ的一隻雞和袋鼠肉、香腸......、白酒、蒸餾水和鮮奶，再行15min到碼頭，中途有舖頭可以買些簡單釣魚用品和魚餌。

在船公司Boyd’s Bay Houseboat 登記完之後，要自己用車仔把所有行李運上船。

正式開始上船，展開4日3晚的船屋生活。

今次租這艘船屋"Patricia"，最多可載6個人，連油錢每晚AUD$ 300。

樓下船倉都好寬濶，有雪櫃，熱水爐和煮食用具。

樓下船尾是睡房

船頂可露天開餐和曬太陽

船頂有BBQ爐，每睌都上來BBQ，在日落和星空下睌餐。

進入支流細河就用呢隻小艇

船主教了我基本操作後，下午13:30開船了.......

這3日會沿着Tweed River由下遊駛至上遊，沿途會釣魚和捉泥蟹，也可以上岸吃飯。

沿河駛了20分鐘左右去到Tonys Island，發現一群海豚了，好興𡚒呀。

我駕着船狂追群海豚，卻忘記了要注意紅綠坐標，追追吓隻船特然Bang一聲停咗……

原來隻船摌上了淺灘，船底比沙食住郁都郁唔到，大鑊了……….為了追逐海豚，不小心擱淺了。

立即打電話給船公司求救，職員來到之後望一望隻船便搖了搖頭，話冇計，只可以襯黃昏水漲時等隻船浮返起才可以郁返，現在只可以等水漲，冇其他辦法了。

塘鵝和海鷗見我咁慘，都飛過嚟問候下我。

現在唯有苦中作樂，餵吓塘鵝和海鷗，佢哋個樣都好饑餓。

餵完海鳥之後冇咩做，小太熊便煮了個即食麵給我做午餐。

好彩還有隻駁艇，便駛隻駁艇到附近睇吓野生海豚釣吓魚，很快又一Day。

駁艇去到Tonys Island，這位置經常有很多野生海豚出現，停在這裡釣了2個鐘魚，便看見海豚一羣羣出現。

很快便釣到魚，咁細條可以用來做新鮮魚餌。

哇，只用膠魚排仔和10磅魚絲都釣到大魔鬼魚 Giant Shovelnose Ray(鏟鼻鰩)。

仲要係2條，足夠2個人食3日，今次船屋旅程唔駛捱餓了。

大豐收，興𡚒地駛返去Houseboat。

原來今日黃昏不是水漲，是水退，水位比中午時更低了最少半米，情況比中午更差，整艘船斜了，心都實埋。

儘管前景不明朗，晚餐仍然要食的，生活仍然要過的。

在船邊沙灘劏魚，我第一次劏魚咋，仲要咁大條，好緊張。

劏劏吓又OK喎，內臟都被我原整地清理。

不過劏了一條已經滿頭大汗了，都好浪費精神。

我一邊劏魚，塘鵝們就靜靜地行過來想特襲搶我條魚。

劏唔夠5min又要起身趕走佢哋，不斷重複這動作，好煩呀你哋。

小太能負責醃魚，晚上BBQ可以加料了，今晚只食了三分一，味道好鮮。

在船頂一邊BBQ一邊看日落

在這美景下享用Sunset BBQ，不過心情好差啊，始終唔知幾時可以浮返起隻船。

食剩了很多魚，又可以餵飽塘鵝和海鷗。

終於日落了，返房沖涼瞓覺。

晚上仲係好擔心，瞓得好差。

 

感受 澳洲 – Day 12

清晨05:00左右，聽到水聲不斷湧向岸，開始水漲了，於是落船用駁艇的船杖在船底掘開啲沙，等一陣間水漲再開船時可以減輕船底的阻力，增加成功機會。

成功掘開啲沙之後，又乘駁艇去釣魚，今次釣了2條鱲魚仔，小太熊用煲魚粥。

小太熊煎蛋煮麵給我做早餐。

早上潮漲後隻船終於浮返起來，立即入後波開盡油，隻船可以郁返了，即刻離開傷心地。

因為昨天太樣衰，今日揸得特別小心。

要小心，唔可以越過綠色浮標，否則又擱淺就慘啦。

Dodds Island – 沿Tweed River向上游行，會途經這個紅樹林區，停船在這裡捉蟹。

把蟹餌放進蟹籠之後放到河床，如果有蟹便會上釣，但在幾個位落了幾次蟹籠都食白果，好失望，船上的Menu明明話Dodds Island很多蟹的。

繼續向前進發，到達Grass Island，遠望的山叫Mount Warning，Menu 話這裡有豐富水產，又把船停在這裡釣魚捉蟹。

又捉唔到蟹啊，死啦，仲諗住會捉到幾斤重的大泥蟹添。

但都釣了4條這些魚，約五兩重，小太熊用2條煲粥做午餐，我就用2條夜晚BBQ，魚肉都算甜。

白鱲魚

釘公(Jarbua Terapon)

Stotts Island – 日落之前駛到這個紅樹林自然保護區，是這個Houseboat Holiday最隱世出塵的地方。

停下隻船在Stotts Island過夜，這小島人煙全無，空氣清新環境幽靜。乘駁艇進入支流Stotts Channel一處隱閉的位置放了蟹籠，打算明天中午回來收籠，希望到時有蟹啦。

沖完涼攞好枱已經天黑了，入黑後的蟲叫聲很大，加點微風，感覺像到了平行時空。

開始BBQ，又係燒魚、燒雞、燒袋鼠肉、烤薯仔雜菜香腸等等…..

條魚唔記得先掃油才燒，攪到啲魚皮痴晒落個爐，賣相極差，不過味道幾甜的；袋鼠肉有少許似牛肉，味道嘛嘛，要加多啲醬油蜜糖，都係牛肉好食啲，不過來到澳洲始終要試吓的。

今晚瞓得好舒服～

 

---待續---