出走泰國 蘇梅島(4) – Big Game Fishing

蘇梅島Chaweng Beach – Kirikayan Boutique Resort

查汶海灘(Chaweng Beach)是蘇梅島東岸的海灘，也是蘇梅島最長和最受歡迎的海灘，以潔淨幼滑的白沙灘和熱鬧的夜生活而聞名，尤其是在海灘的北部。Chaweng Beach提供各類型住宿，從風扇房共用設施的廉價旅館至五星級別墅也有，區內盡是各類型的餐廳、酒吧和按摩店，全是為旅客而設，極度旅遊化。

出走泰國 蘇梅島 – Day 4

<<蘇梅>>

昨晚非常大雨，但日出後便停雨了，起床後在酒店四圍行吓。

Kirikayan Boutique Resort位於Chaweng Beach南部，酒店外便是海灘，人流比海灘北部較少。

Kirikayan Boutique Resort的餐廳，早餐很普通。

早餐的味道和賣相都係一般。

今日參加了一日團「 Big Game Fishing Tour」，每位Baht 1300，公司叫「Mr. UNG’s」。早上09:10從酒店出發，準時10:00上船出海。目的地是 蘇梅島南部的小島Koh Tan。

一行9人乘這艘魚船出發

上船要澗水濕腳。

今天共有 9個客，4個是老外，我和小太熊2個，另外再加3個係大陸人，一個地中海亞伯貌似「X先生」，一個後生女仔年齡和「塵鶴因」差不多，另有一個亞毛我唔知佢係「X夫人」還是「X外母」，因為 X先生早上全程拖住塵鶴因隻手，但亞毛就自己一個坐埋老外那邊。

塵鶴因女士

剛開船塵鶴因便不斷問船伕幾時可以走，乜佢唔係來釣魚嗎？這麽想走又上船？真係唔明呢啲大陸雞雞諗乜嘢？去到邊都要攪事，好心就死返大陸攪啦，一味乞鳩人憎。

隻船航行半個鐘後，開始拖釣。第一次玩釣大魚，原來是用一條假魚做魚餌。

把魚餌放進海中，隻船繼續開行，拖住來釣。

拖釣了30分鐘，當然食白果啦。船伕便把船停下來，開始Fun Fishing。

裝備都幾好，有釣魚桿。

早上釣了個半鐘，只得一條貓魚仔上釣，頂盡2兩重。

幸好另外4個老外釣了兩條約10兩的Snapper，午餐有魚食了。由於X先生和塵鶴因不斷嘔吐，又煩又悶，船伕頂佢哋唔順送返佢上岸先。船伕沿途煮午餐。

今日的午餐，剛釣的2條鯛魚被擋破胆，好苦。另外加了些死蝦和菜，勉強夠食啦。

下午只釣了一條石九公，又係唔夠2兩，其他人亦只釣到魚仔。

15:20回航了，再拖釣了30分鐘，又係食白果。

16:10已經要上岸，又係澗水。

蘇梅島釣魚真係呃錢，其實出發前看了多篇Blog都係同我今日一樣收鑊。17:00返到酒店，沖個涼便出外做 泰式按摩。

MaMa’s Massage – 今次幫襯呢間，專做泰式按摩和腳部泰式，泰式按摩每鐘Baht 250，手勢好正，非常到位又夠力水，我做了2個鐘。

MaMa’s Massage的按摩床，都幾乾淨。

鬆完骨去食飯，沿着Chaweng Beach大街行。

Chaweng Beach Steak House – 看見這間BBQ餐廳好多人，便幫襯這間。

舖前放滿了海產

今次二人點了這個餐，Baht 990有五款BBQ加二碟伴菜和薯仔。

師傅開始燒食物了

冬陰公湯 – 勁辣又幾好飲!

伴碟的沙律和薯仔也好味。

BBQ拼盆 – 除了燒豬肋骨最正外，其餘的 牛柳、中蝦、雞髀和魚都只係一般般。

晚飯後到Chaweng Beach行個圈。

Chaweng Beach最北的位置有大量酒吧，最適合夜晚坐在沙灘飲酒吹水睇星星。

坐底飲了一杯 芒果昔(Baht 80)，感受一吓熱鬧氣氛。

從沙灘酒吧行返酒店約半小時，剛離開便碰到 陳小春和應采兒2人同行，應采兒個樣同睇戲一樣靚女。行了不到10分鐘特然狂風暴兩，被迫上了架 兩排車，佢開天剎價話要每位收Baht 100(約1.5km路程)，焗住比佢搶。

 

---待續---