德國 • 豪情 • 生活(完) – 吻別 法蘭克福(Frankfurt)

德國法蘭克福(Frankfurt)的最後一天

德國‧豪情‧生活 – Day 9

<<巴登巴登(Baden-Baden)>>

昨天天氣好到不得了，勢估唔到最後一日响法蘭克福(Frankfurt)都會落大雨，冇晒心機行街，同第一日慕尼黑一樣，令這次旅程有個首尾呼應，真係吹到啤啤聲。

今朝06:00起身，06:30出發行山，目的地係山上的一座古堡 Altes Schloss，預計60min內由酒店行到去，睇20min葡萄園景和日出，08:30前回到酒店食早餐。

06:30出門時個天還好黑，要開電筒，我跟住酒店比我張地圖行了半個鐘，但。。。張地圖有幾條路都冇劃出來，攪到在我黑媽媽環境下行錯方向，沿途亦冇指示牌，最後問人才知行錯了路. . . . . . . . 由於時間有限，要趕返酒店食早餐和游水，只好回頭了，小太熊就面黑黑，話我又行錯路，唔信佢i-Phone張Google Map和GPS. . . . .

如果唔係住貴嘢要趕住返去嘆，今次用多45min便可到目的地了，兩次都係因為間靚酒店而放棄。所以住靚酒店其實都只係有得有失。

08:15返到酒店食自助早餐，每位€ 30，房租唔包的。

我哋坐响花園食

每位收成€ 30，當然多嘢食啦，仲有Sparkling Wine任飲，淨係酒都飲佢3杯，加埋其他果汁和荼，散叫嘢飲都差唔多返本。

早餐嘆個幾鐘，跟住去嘆Sauna和泳池，住客免費任玩。。

Brenners Park-Hotel and SPA的Sauna Room和Steam Room

Brenners Park-Hotel and SPA按摩池

Brenners Park-Hotel and SPA的泠水池，焗完Sauna跳落去過泠河。

Brenners Park-Hotel and SPA休息室

Brenners Park-Hotel and SPA泳池

<<法蘭克福>>

玩到11:00要走了，去火車站乘12:45火車往法蘭克福(Frankfurt)。14:40到埗，在火車站Lock好行李後，仲有3hr可往舊城區逛吓，點知. . . . . . . 落大雨。

德國法蘭克福火車站

德國法蘭克福(Frankfurt)市中心

法蘭克福(Frankfurt) 羅馬廣場Romerberg

法蘭克福(Frankfurt) 萊筃河

法蘭克福(Frankfurt) 大教堂Dom

由於雨勢都好狠大，行到褲脚濕晒。臨去機場，入老麥買了幾個芝士漢堡今晚在飛機食。17:30正式離開了，返火車站轉地鐵去機場。

Check-in完仲有時間，入去法蘭克福(Frankfurt)機場候機室嘆吓D免費嘢先。

法蘭克福(Frankfurt)機場候機室 – Luxx Lounge

有酒有荼有汽水，OK架。

今晚通宵機，先沖返個涼啦。

再食幾條法蘭克福腸，飲杯Baileys。

隻Air China機今次幾準時，原定20:15起飛，只係遲了半粒鐘就飛得起，一上機我同小太熊就大覺瞓，連餐都費鬼事食佢。

德國‧豪情‧生活 – Day 10(完)

一瞓就成7粒鐘，差不多到北京了，見四圍的强國人都食緊些好難食的奄列早餐，我本來諗住唔要，點知如獵鷹般的小太熊又發現好嘢，就係. . . . . . .

重慶傷心酸辣粉 – 夠酸又夠辣，醒神好味，得十幾碗咋，好彩D強人唔啱食，否則只會像腥港精力多和麻媽奶一樣，比佢哋完全掃清。

<<北京>>

航機順延半粒鐘到北京，因為返香港班機改了時間，要在北京停留 2個鐘，於是夠時間走去Air China First Class Lounge見識吓今時今日強國用人仔堆砌出來的首都NUMBER ONE候機室。

中國國際航空頭等艙休息室Air China First Class Lounge

頭等候機室超大，人流唔多，地方算整潔，整體上比上海和深圳的頭等候機室好，但和香港機場的國泰頭等候機室還有段距離。

頭等候機室內的電影室，又係冇人。

整個候機室都放滿飲品，包括長城華廈干紅，梗有一支係左近。

頭等候機室大就夠大，但食物質素甚差。

這款厚皮蝦餃、牛肉燒賣和華廈干紅係全場最好味了，整體食物的質素你諗都諗到啦. . . . . . .

頭等候機室內伙記多過客，守衛深嚴，見親我舉機就叫我唔好影，唔知係咪騖我影到主席拖住件名星仔呢？？？

又完一個旅程了，希望未來還有力氣可以繼續揹住大背囊四圍跑，攞埋小太熊的行李，繼續穿梭天堂與地獄之中。

補充資料 :

1.    Air China 香港經北京來回德國機票(連所有附加費及稅)每位HK$ 5754，去程飛慕尼黑，回程在法蘭克福走。

2.    從Baden-Baden乘火車到法蘭克福只需115min，雙人單程票€ 39。

3.    從法蘭克福火車去機場可乘地鐵S-Bahn S8線或 S9線，約15min車程，單程每位€ 4。

-----德國•豪情•生活(完)-----