德國 • 豪情 • 生活(5) – 德國最高峰 楚格峰(Zugspitze)

紅葉飄飄@德國Kreuzeck-Alpspitzbahn

楚格峰(Zugspitze)位於德國和奧地利的邊境，高2962m，可從德國Garmisch Partenkirchen乘齒輪火車到2600m高的Bf.Zugspitzplatt再轉吊車上或直接從 Eibsee乘吊車上。在沒有積雪的日子，普通旅客亦可登上山峰最高處。楚格峰雖然係德國最高峰，但只有2962m高，這高度只比我幾個月前登台灣玉山的起步點 玉山登山口高一點點。

德國‧豪情‧生活 – Day 6

<<Garmisch Partenkirchen>>

今日全日見到太陽，是最合適登 楚格峰(Zugspitze)的天氣。又果我只可以在今次歐洲 8日裡揀 1日天晴，我亦會揀在登 楚格峰(Zugspitze)的一日天晴。

原本今日行程只安排了上楚格峰，所以打算早上在靚酒店嘆耐D，再乘11:15的火車上山，點知小太熊睇到新資料，臨時話要上多一個山峰Osterfelderkopf，玩果條新建的懸臂式玻璃底申出懸崖上的觀景台Alpspix，攪到要提早起身出發。

今朝07:00起身，07:30去昨晚的餐廳食Sparkling Wine自助早餐，對住個雪山食足個半鐘，剩係酒都飲了3杯。

食完後Check-out，把行李放在酒店，沿路行去火車站，經過Garmisch Partenkirchen小鎮的中心，靚到暈。

德國小鎮Garmisch Partenkirchen

老美就在銀行外放鋼牛，德國就响銀行外放隻鋼野山豬。

行到火車站了，見到楚格峰。

楚格峰附近有多條行山徑，如果唔駛做可以响度住幾日行晒就爽lur。

撞正今日係德國公眾假期，勁多人排隊，排了15min才買到火車飛，但啱啱走了10:15班車，要坐10:45那一班。

火車準時10:45出發，沿途風景幾好。

火車開始上山，見到山下面的湖就係Eibsee。

由山腰Riffelriß站到山頂Bf.Zugspitzplatt站那一段上山路全是山洞，冇嘢睇。

火車終站Bf.Zugspitzplatt站(2600m)

Bf.Zugspitzplatt站有全德國最高的教堂

Bf.Zugspitzplatt站亦有條小型的 懸臂式玻璃底觀景台和吊橋

在Bf.Zugspitzplatt站玩了一陣，再坐吊車上山頂。

今日公眾假期，人山人海個個爭住上金頂 德國最高峰 – 楚格峰。

由於上落都用同一條鐵梯又人多，短短五分鐘路程都用了20min才上到山頂，不過值德呀，假假哋都係德國最高峰嘛，响我的歴練裡又多一個山峰了。

登完山，在吊車站坐厎飲杯啤食隻熱狗，勁有當日在尼泊爾Everest View Hotel (3880m)飲嘢的感覺。

即煎熱狗(€ 4) – 餓餓哋味道幾好。

玩到14:15想乘吊車直接落Eibsee，點知超多人，話要排到16:00班吊車。大鑊，唔夠時間去Alpspix玩果條新建的懸臂式玻璃底申出懸崖外的觀景台，但已買票了，咪饋水？？實比小太熊話我安排得唔夠好了. . . . . .

唯有放棄吊車改坐火車，希望趕得切上Osterfelderkopf啦。

火車16:20去到Kreuzeck-Alpspitzbahn站，但最後一班上Osterfelderkopf的吊車已在16:00開出了。唯有即過隔離吊車站，趕上16:30尾班吊車上Kreuzeck。

乘吊車由山脚上Kreuzeck

Kreuzeck冇乜好行，只有這塊自稱 熊仔石和月光寶盒的景點。

遠望附近雪山，冇乜特別。

只行了20分鐘便又落山，因為10月開始尾班吊車落山開17:00。

返落Kreuzeck-Alpspitzbahn站，發現一處遍地紅葉的地方，駛唔駛靚到咁呀？

火車來了，全日節目完畢。

返酒店攞行李，又要揹住舊大嘢行20min去第間酒店Hotel Edelweiss Garni。

沿途見到有馬車

行到酒店Hotel Edelweiss Garni已天黑了。

雙人河景房(連自助早餐)每晚€ 116

房外有露台，面向小河。

Hotel Edelweiss Garni明顯比唔上昨晚的Staudacherhof Hotel，但看她的餐廳和店內的裝修其實唔差，只是價錢都偏貴。

今晚食飯的地方要行15min，去台灣書介紹的餐廳Werdenfelser Hof，但靜鷹鷹黑媽媽响條街行鬼影都冇隻，都幾可怕。

行到遠小教堂右轉加三分鐘便到餐廳Werdenfelser Hof

Werdenfelser Hof – 有地道傳统音樂加民族舞表演的餐廳

餐廳人山人海，有LIVE又跳舞，個個成Liter成Liter係咁隊，連阿婆阿佰都一樣High爆。

只剩下張角落枱，坐底先Order 250ml紅酒Hausschoppen (€ 4.5)，是唔入樽散賣的新鮮酒，味道簡單易入口，抵飲。

燒鱒魚柳伴薯仔加菜(Trout-fillet)(€ 14.9) – 好味。

紅酒燜牛肉伴德國饅頭(Bavarian Roastbeef w/potato dumpling)(€ 11.9) – 牛肉好腍，算好牛味，個汁底最靚。

餐晚飯唔錯，氣氛好食物亦唔差。

補充資料 :

1.    由Garmisch Partenkirchen齒輪火車站到楚格峰來回票價€ 49.5，可隨意選乘齒輪火車或吊車上山落山。另有一天上兩個山峰的套票(我買了呢種)，每位€ 59，可上 楚格峰加Osterfelderkopf或Kreuzeck，抵玩D，但記住要早出發。

2.    在人多的日子，我就建議在Eibsee乘吊車上山，再乘齒輪火車火車落山，可避開人潮。

3.    如選擇齒輪火車上山吊車落山，上到上頂要立即預約吊車約落山時間，否則有排等。

4.    第一班火車開08:15，平日每小時一班車，我上山日是假期，每30min一班車。

5.    如乘火車上山可選右邊坐，風景好D，望到Eibsee湖。

---待續---