馬來西亞 • 沙巴(1) – 山打根Lankayan Island

沙巴山打根(Sandakan) Lankayan Island – 剛出世的綠海龜BB，向着大海狂奔。

Lankayan Island位於馬來西亞 沙巴(Sabah)東部，是個只需15min便可環行一週的小島，從沙巴第二大城市 山打根(Sandakan)坐90min快艇便到。每年7~9月都有大量海龜在島上生蛋，睇海龜生蛋和海龜BB出世是到這小島旅遊節目的「重中之重」。

山打根(Sandakan)和Lankayan Island的位置

今次行程5日4晚，包括 :

Day 1 – 乘Air Asia夜機飛亞庇市，住亞庇市Cititel Express Kota Kinabalu。深夜食架央多和榴槤做宵夜。

Day 2 – 晨早乘馬航內陸機去 山打根，再轉車船往Lankayan Island，約11:30到埗。中午一次岸潛，晚上睇海龜生蛋，住Lankayan Island島上的小屋。

Day 3 – 全日三潛，黃昏睇海龜出世，住Lankayan Island島上的小屋。

Day 4 – 食早餐後乘快船離開Lankayan Island返回 山打根。全日在 山打根遊覧，食好嘢，夜機返亞庇市。

Day 5 – 早上在亞庇市食完早餐，下午返香港。

馬來西亞•沙巴 – Day 1

收工後乘Air Asia 19:50 – 22:45班機到沙巴亞庇市。到埗後即揹住大行李乘的士去Segama天橋底食榴槤。

<<亞比(Kota Kinabalu)>>

亞庇市Segama天橋底 – 已23:15了，還有三檔榴槤檔。

貓山王好貴呀，賣到1kg – RM 60，分明比強國人搶貴晒。。。退而求其次，只好食個D24頂住先。D24榴槤每1kg – RM 12，平好多。

D24榴槤(1.5kg ~ RM 18) – 2人食啱啱好，口感及味道在大馬來說只算係中上，味道較甜。

食完榴槤我要揹住大行李夜媽媽行15min到今晚的酒店Cititel Express Kota Kinabalu，位於Asia City旁。

超細雙人房不包早餐，每晚HK$ 358。

放低行李，落樓下就係 富源茶室，响度宵夜。

凍白架啡(RM 2.7) – 好飲，但同怡保的比較還有段距離 ; 話梅桔仔冰(RM 2.5) – 酸酸甜甜夠醒胃又好好味道。

牛油架央多(RM 1.5) ; 花生醬架央多(RM 1.6) – 好有椰香麵包亦夠鬆軟，應該係我食過的架央多之中最好味的，比在星洲亞坤和深水埗維記吃到的好味好多。

再行幾步到Asia City食燒雞翼，每隻RM 1.7。

炭火蜜糖燒雞翼(每隻RM 1.7) – 正式皮脆肉嫩又夠入味，爭啲好食過吉隆坡的黃亞華。

食完宵夜沖埋涼，要02:30才有得瞓。

馬來西亞•沙巴 – Day 2

瞓得三粒鐘，05:30又要起身。05:45叫酒店Call的士去機場，要RM 45，原來深夜24:00後至06:00前的士要收多RM 15。

順利乘07:00 – 07:40馬航內陸機去 山打根，一出機場便有專車等我。

Lankayan Island安排的專車

從機場去碼頭的半個鍾車，跟住要响碼頭呆等至10:00才有船離開。

往Lankayan Island的快船，好大風，假髮都吹甩。

<<Lankayan Island>>

快船行足90min，早上11:30來到Lankayan Island。

由碼頭經過這木棧道便進入小島

岸上的水好清，不時見有大小海龜游過。

未有房，酒店先安排我們去餐廳坐，講解吓島上的活動。

Lankayan Island唯一的餐廳酒吧

先來杯Welcome Drink，係熱情果汁。

職員講解了以下事項 :

1.)  島上有軍人駐守，晚上18:00後不可在島上亂行。(這島貼近菲律賓水域，應該係防止無恥的賓賓非法登老笠。)

2.)     每日有免費駁船載住客外出浮潛。

3.)     可在黃昏水退時環島行一圈，只需15min。

4.)     早餐由06:30 – 08:00，午餐由13:00 – 14:30，晚餐由19:00 – 20:30。

5.)     如想睇海龜生蛋及海龜出世，可在門口掛上木牌，職員到時便會拍門通知，即使在深夜零晨都會拍門。所以如果想瞓覺就記住收返個牌。(呃人的，我住的2晚分別有十隻海龜深夜上岸生蛋，每日17:30又有海龜出世，但死懶鬼職員只拍過我一次門，仲要係生完蛋先拍。)

講解完了，攞房。

派了8號房比我(左邊那間)，最近碼頭，位置一般。島尾有4間2X號房正好多。

房勁大，攪到冷氣唔多夠。

露台向正碼頭，差咗啲啲。

Resort詳盡記錄了每日上岸生蛋海龜的數量、每次的龜蛋數量、最近一次海龜出世的時間和最近一次海龜上岸生蛋的時間。

每次海龜生完蛋，職員便會把龜蛋拾起，集中放在一處，記錄了日期和數量，便可估計到預產期(約60日)。

島尾的4間2X號房，向正大海，私隱度最高，而且大間啲，但價錢一檬。

中午13:00食飯了，自助餐的味道幾好的。

和大海一起食午飯，可惜天氣時睛時暗。



蝦湯米粉 – 湯底好香蝦味，隻蝦都夠鮮。

14:30到碼頭旁Dive Centre，預備第一潛。

呢間Resort甚有性格，所有客的第一潛都要係岸邊的Orientation Dive，但都有18m深，而Resort在海床放了隻沉船和大量廢物，令好多魚聚集一起，都有啲野睇。可惜可能係香港正打大風，影响到這裡的水底能見度極底。


Lankayan Island 1st Dive – On-shore Orientation Dive

海蛞愉(Nudibranch)

獅子魚(Common Lionfish)

Resort在海床放了大量廢物，吸引了好多魚聚集一起。

燕鯧魚(Round Batfish)

炮彈魚(Blacksaddle Filefish)



沉船(Werck)




海星(Sea Star)



雞泡魚(Map Pufferfish)



寄居蟹(Hermit Crab)



海蛞愉(Nudibranch)

碼頭行落海的樓梯，長滿了珊瑚。

潛完水，返房沖完身，水退了，可以環島行一個圈。

Lankayan Island保持着原始風貌。

Lankayan Island保育得幾成功，全島最多只36個客，難怪收得咁貴。

行完島，17:00返房休息。後來睇告示，原來17:30有龜BB出世，但職員冇拍門通知我，害我錯過了一次睇龜BB出世，離晒譜呀，啲死懶鬼。

19:00天黑了，行去餐廳食飯。

餐廳內的酒吧

夠鐘開飯啦

晚飯豐富少少，有BBQ牛扒和串燒蝦。

今晚追月，對着這月光晚飯。

食完飯，返房食自備的美心月餅過節。

咬了一啖，忽然聽到拍門聲。嘩！有龜上岸生蛋呀。

職員帶我們行了5分鐘，到達一處沙灘，已見到有人圍着一隻海龜了。

原來海龜已生完蛋，正在努力回沙，用手仔脚仔掃啲沙蓋落在龜蛋上。掃呀掃，掃足90min，期間聽到佢不斷喘氣。

大工告成，海龜急急脚跑返落大海。

海龜走後，職員掘出龜蛋，放入布袋內。

職員把龜蛋埋在Office旁，並作了詳細記錄。

好開心，第一晚已見到海龜生蛋。本以為今晚職員會繼續拍門，但我錯了，當晚再有4隻海龜上岸生蛋(朝早起身見到多了4堆蛋)，但死懶鬼職員冇再拍門。。。。。

補充資料 :

1.        RM 1兌HK$ 2.44(百年)。

2.        Air Asia香港來回亞庇機票HK$ 2119。

3.        亞庇機場乘的士出 亞庇市只需10 – 15min，收RM30。如在00:00 – 06:00乘車，收RM 45。

4.        馬航內陸機由 亞庇來回山打根，票RM 115。

5.        亞庇機場分T1和T2，T2係Air Asia專Terminal，其他航空公司就T1。由T1去T2冇免費接駁巴士，只5min車程的士RM 30。

6.        Lankayan Island 3日2夜Package，2人價RM 4229 – 包山打根機場專車來回碼頭，來回Lankayan Island快船，島上小屋2晚，早午晚共6餐自助餐，非酒精飲品，4次水肺潛水連DM(不包裝備)，駁船出海浮潛，睇海龜活動，最後一天參觀山打根 Sepilok Orang Utan Rehabilitation Centre(不包每位RM 40入場)和午餐。

7.        租用潛水裝備(Wet Suit、BCD、Regulator加Fins)每天RM 95。

8.        Lankayan Island未見有強國人，Good。

9.        Lankayan Island的職員勁懶，經常有海龜上岸生蛋和有海龜出世都唔拍門通知住客，如果想睇，建議要不斷向工作人員查問。

---待續---