體驗真正台灣味(1) – 人情味 • 台中市 水里

台灣台鐵 集集線小火車

2年前的台灣中部旅程，遇上從未試過的持續大雨，令到飛機Delay、睇唔到阿里山日出、睇唔到壯觀的螢火蟲、上唔到玉山頂峯，是個失敗的旅程。

今次再遊台灣中部，定要體驗晒當地最特色的地方，感受真正的 台灣味。咩係台灣味？就係台灣新一代誓要保留的地道特色，是那些九唔搭八只懂破壞人家地方的蝗蟲永遠唔會明白的東西。

今次體驗真正 台灣味6天行程非常豐富，日日由朝玩到晚，計劃行程如下:

Day 1

乘19：25長榮航空去台北，再轉乘高鐵往台中，入住 台中市天閣酒店The Tango Hotel。零晨去“無老鍋”食火鍋宵夜，今晚瞓4hr。

Day 2

07:45起身執嘢食早餐，餐後乘的士到台中台鐵站，乘火車往 水里。在水里短遊90min後，乘巴士往 日月潭。中午入住 涵碧樓，全日留在酒店嘆世界加晚飯。

Day 3

早上在酒店早餐後，繼續嘆到中午11:00才check-out。

到水社碼頭租單車，踩單車環潭一週，午飯食 總统魚。

17:30乘尾班巴士往集集，入住民宿“彩虹田民宿”。

Day 4

07:00起身，早上踩單車遊 集集，然後乘11:07火車往 車埕。

在 車埕遊2hr後，13:30乘包車往 梅山鄉瑞里，中途經過 瑞古道行1hr。

17:15到達 瑞里民宿阿本的家，check-in後在附近吃晚飯。19:00民宿老闆帶隊去睇螢火蟲。

Day 5

07:30起身，在阿本的家食早餐後，往“青年嶺”行山4hr，遊雲潭瀑布、蝙蝠洞、燕子崖和青年嶺吊橋。中午12:30乘包車往台中市，遊 宮原眼科、太陽餅街、台中公園、一中夜市和逢甲夜市。

晚上乘高鐵回桃園，住 桃園機場諾富特酒店Novotel Taopei Taoyuan International Airport。

Day 6

05:30起身，酒店早餐後住機場，乘08:20班機返香港。

  

體驗真正 台灣味 – Day 1

今日全日返工，放工立即飛去機場。

在候機室食免費晚飯，自從蝗禍亂港後，這裏無時不迫爆，今日算係少蟲了。

今日坐長榮航空，原定19：25起機，21：05到台灣桃園。但隻機無啦啦Delay了65min才起機，台灣果面因為佢遲到唔比佢降落，要佢不停打圈，十分鐘十分鐘咁拖佢，最後攪到22：19才可Landing。

大佬，我要趕尾班23:22高鐡去台中架，趕唔切㸃算呀？

落機後我立即飛跑去入境Counter，跑到Counter只係22：35，但已經太遲了，前面已排了幾百隻蝗蟲，看來冇一粒鐘都入唔到境了，曉...........今次看來要打的去台中了，又因可恨的蝗蟲唔見幾舊。 

因為冇預條的士數，所以要响機場再唱少少cash，好彩我帶了美金換，個價比百年更好。

23：05終於入境了，台灣人做嘢都好快手，但始終趕不及去高鐡站了。

從桃園機場乘的士往台中，不按錶定額收費NT3400，車程1.5hr。的士23：10開車，24:40到達台中的酒店，今晚住普通嘢。

<<台中市>>

台中市 天閣酒店The Tango Hotel

雙人房連早餐HK$655

普通人咁夜到酒店當然係會即瞓啦，但小太熊唔係普通人喎，佢一早已Target了今晚宵夜的地㸃，就係聞名台灣的火鍋店:

無老鍋(台中公益店)

呢間嘢收04:00的，小太熊話佢好出名架。

店內掛滿燈籠，又幾靚喎。

鴛鴦鍋湯底2位(NT412)，有人蔘架，仲免費任加腐皮同鴨血，味道好好。

送上4瓶熱湯底

台灣啤酒(NT105)，較清易入口。

招牌冰淇淋豆腐(NT36)，唔似豆腐的豆腐，平平哋試吓無妨。

左邊起 去骨厚脂牛(NT324)，冇乜牛味似稻香HK$18一碟的貨式；無老肉(NT332)，即五花腩肉，幾香肉味，加埋個亁冰盆賣相夠特別；老油條(NT62)，太乾太硬太油唔係好得；手工花枝丸(NT224)，極差，香港求其一間麵鋪的丸都好佢幾倍，小太熊食了2粒就唔肯再食了。

送的 楊桃沙冰，清涼解渴。

餐飯整體上味道就麻麻哋，但服務就Number One，小太熊話喎，來台灣食嘢主打唔單只係味道，仲要食埋人情味喎，又係wor。

體驗真正 台灣味 – Day 2

03：30至瞓，少睡4hr又要起身了。

酒店的早餐極度普通，出街食地道嘢仲好。

食完早餐乘15min的士(NT145)去台鐡台中站，今日有藍天呀。

台中火車站古典味十足。

台中往水里的車票，每位NT112。

火車站月台，今日乘09：30班車往水里，預計11：18到。

台鐡集集線小火車，只有三卡。

火車準時開車，順利去到濁水站，不知為何要讓路給另一火車，無啦啦在這停了40min。

<<水里>>

12：00到水里站，因為遲到，所以只能响水里行50min。

水里火車站

從火車站居高臨下望見 水里巿。

水里只係個普通小鎮，極多烏蠅，冇乜特別地方，今日沿正文社介紹的景㸃走一走。

水里名食店 水里老担，吃臭豆腐的，但未開檔。

水里市 河岸

過完河便到另一50年老店 正義小吃，書話好出名喎。

招牌 雜錦麵(NT80)，好多唔多新鮮的海產和內臓做餸，包括魚肉、豬肉、雞肉、菜、魷魚、豬肝、雞腎同香菇，味道一般，極大碗，店內勁多烏蠅。

水里名物 1972年開業的 順成低鹽話梅

自然色低鹽話梅每包只NT100，酸甜度啱啱好，又平又靚的話梅，我覺得比么鳳每兩HK$100的貨式更好味。

水里名產 二坪支仔冰，即係普通冰條。

紹興米糕冰條(NT10)，極普通的冰條一條，試過就算了。

夠鐘要走了，在火車站旁邊等巴士往 日月潭。

12：54乘這架 南投客運到日月潭的水社，每位NT46，車程26min，上車自己入錢。

<<日月潭>>

今日住台灣至Top的酒店 涵碧樓，即係矮的2座，高果座叫 日月行館。

在水社遊客中心落車後，沿碼頭方向行，過了停車場沿右邊向上行冇耐便到這裏，涵碧步道的入口。

再從石級上便是 耶穌堂。

從耶穌堂旁邊小路行出大路，轉右行多5min，過了日月行館便到目的地 涵碧樓。

涵碧樓大門，感覺到這酒店簡約的設計。

要開始嘆世界的一天了。。。。

補充資料 :

1.         長榮航空 香港飛台北桃園每位HK$1838。

2.         百年HK$1 兌NT3.78，比簽card HK$1兌3.81更差。

3.         台灣機場用美金換錢最着數，USD1兌29.815，等於HK$1 兌NT3.82。

4.         桃園機場乘的士，離開了台北和新竹便不按錶，要定額收費。往 台中收NT3400，車程1.5hr，落車比錢。車上有價錢表往台灣各地，例如日月潭NT5000、阿里山NT7500、高雄NT7000。

5.         台鐵台中往水里每位NT112，車程108min。

6.         巴士從水里到日月潭每位NT46，車程26min。

7.         日月潭最靚的地方是 涵碧樓8/F的茶葉館。

---待續---