體驗真正台灣味(3) – 汗水味 • 日月潭 集集

台灣 集集鎮 – 1999年台灣7.3級大地震時倒塌的 武昌宮

集集 是台灣南投縣的小鎮，位於日月潭不遠處，小鎮面積不太大，較重台灣的鄉土味，適合踩單遊覽3至4hr。小鎮最值一到的景點是 武昌宮，於1999年台灣大地震倒塌後一直保留至今，使人感受到當日地震的威力和可怕。

<<日月潭>>

體驗真正 台灣味 – Day 3

繼續上一編行程。Check-out後酒店車到我哋去停車場，便在停車場旁租單車環湖。

今日幫襯這間 騎鐵馬，每輪單車一天租金NT200。

環湖單車徑位於單車舖外，今日選擇逆時針方向環湖。

日月潭環湖總長度有30km，高低上落差接近200m，都好斜，我這些初哥要環湖最少要4hr，連埋中途遊覽景點，冇8hr都唔得，所以預算踩20km去到 伊違邵便坐船回水社。

11:10起步，先沿湖邊單車徑往 向山遊客中心去。

這段單車徑是整個環湖旅程風景最好的。

很快便到 永結橋，過完這橋就到 向山遊客中心。

外觀獨特的 向山遊客中心，居然冇汽水機，只有超貴的飲品賣，所以冇買。

11:50離開 向山遊客中心，開始要上上落落。

去到這段長命斜一定要推車了，否則踩完實冇命。

冇耐就要踩出大馬路了，好彩車很少很好踩，少心點便冇問題。

12:35到達 玄光寺，見到法輪大法呀。。。。

玄光寺極多XX，講嘢句句都運足丹田氣來發聲，嘈X到耳都聾。。。。

玄光寺碼頭，如果唔再踩可以由這裡乘船回水社。

13:00離開 玄光寺，沿公路一直上斜便到 玄裝寺，我當然係推車上啦，13:25便推到上頂了。

玄裝寺外的景觀很開揚，可借當日天灰灰。

玄裝寺 – 即係奉有 唐三藏靈骨的地方

原本應該上埋 慈恩塔的，但脚軟冇力放棄了。

13:50離開 玄裝寺，沿公路一直向下慢慢飛，14:10便到 伊達邵了，小太熊話好肚餓，要掃街呀。

伊達邵大街

烤總統魚卵(NT35)，即係醬爆魚蛋，彈牙味美。

烤野山豬肉(NT35)，我就覺得普通，小太熊覺得很難吃。

炸香菇包(NT40），包了很多雜菜，香脆好味。

在伊達邵行了一個鐘，但找不到似樣的總統魚食店，於是坐15：10班船回水社，每人NT100，另加單車每架NT100。

回到水社碼頭，返去還車了。

還完車16：00，四圍食店都關了門，要17：00才開始晚飯。死火，搵唔到總統魚比小太熊食添。

不斷行，終於有一間餐館仲做生意，好彩。

炒龍鬚菜(NT120)，好新鮮，係當地出產，好味。

清蒸總统魚(NT600)，約12兩，唔新鮮，勁多骨，魚油香不強，得個名。

總统魚即係曲腰魚，話係日月潭野生的淡水魚喎，我諗以前係野生，依家實係養啦。書話以前蔣介石覺得佢肉質細嫩鮮甜，一吃愛上，所以改了呢個名囉。可能我唔係總统，所以食唔到好嘢啦。

食完魚，乘17:30尾班巴士往 集集，每位NT86，車程35min。

<<集集>>

集集火車站 – 古式古鄉夠懷舊，在這裡落車，向束行去民宿。

火車站冇幾遠係呢間 集集香蕉主題餐廳。

路過小太熊Target了的飯店 內巷甕缸雞，原來19:00便關門，即刻坐低食埋先。

內巷甕缸雞 位於路軼旁，不時有火車經過，很有Feel。

嘩！今日又包場啊！

這裡的雞用 甕缸古法柴火烤焗出來，甚有鄉土風味。

脆皮甕缸雞全隻(NT500) – 有柴火香，調味唔錯，皮夠香脆，可借唔用新鮮雞，冇雞味，我就覺得值得一試，但小太熊就彈到飛起。

晚上19:30行到今晚住的地方 彩虹田民宿，係3層高的House。

食早餐的G/F飯廳

民宿內的裝飾很有心思

藍色雨景觀雙人套房連早餐(NT2800)

房內有一小廳和特大露台，可以望見火車架。

安頓後時間還早，出外走走，行8min到 武昌宮。

武昌宮 – 舊的倒塌了，新的剛剛重建完成。



1999年大地震倒塌了的 舊武昌宮一直保留至今。

今晚終可瞓足8hr，補充一吓精力。

體驗真正 台灣味 – Day 4

今朝07:00起身，响自己露台望見火車架。

小太熊昨晚話要今朝食集集肉圓，佢話只要係地道，乜都要試吓喎。於是一早起床踩單車出去集集最出名的肉圓店試吓。

集集最出名賣肉圓的食店，開早上07：00，我07：25去到已很多人，仲有很多人揸車來買外賣。。

集集肉圓(NT30) - 即係用糥米粉外皮包着肉碎和新鮮嫩竹筍，再澆上醬汁，我覺得幾特別，值得一試。

小大熊：「你叫呢碗咩泥架？個樣咁肉酸架。啲筍好臭呀！做乜唔幫我叫肉圓要叫碗咁嘢呀？」

我：「呢碗咪肉圓囉？？你話要食我至叫架。」

小太熊：「乜肉圓唔係解做肉丸咩？我一路以為係肉丸泥架。」

我：「吓？咁我食囉。」

於是我要一個隊曬碗肉圓。

豆腐湯(NT15)，味精水加豆腐，幾有豆香，味道OK。

食完嘢，踩返民宿食早餐。

經過集集火車站。

再沿着單車路踩返去。

民宿最早要08：00才有早餐食，我們便Book了八點食。

中西日合壁早餐，味道OK。

食到08：15，可以外出單車遊覽2.5hr，然後乘火車往車埕。

第一站：軍史公園 – 放滿了國民黨的火箭飛機大砲。

第二站：民生書院 – 集集鎭的古績。

跟著順路去 八張牛肉麵，但要10：30至開門，冇得食。


第三站：武昌宮 – 昨晚睇唔清楚，今日再睇，見到真係有即時危險架。

第四站：神仙瀑布 – 妖，乾晒水。

第五站：集集神木 – 咁都算景㸃？

第六站：十三目仔窯 – 以前生產紅磚瓦片的洞窯，現已變成商店遊樂場，流到嘔。

第七站：集集古街 – 太早未開舗，冇咩行，只係吃吓啲出名嘢。

香蕉牛奶(NT50)夠香滑、綜合豆腐花(NT50)都夠滑有豆香。

火車站對面食埋集集兩大名物 – 香蕉雪糕(每球NT30)，正嘢。

香蕉味 火車票餅(每件NT20)，像火車票一樣細件，肚餓時食好正架。

乘11：07火車往車埕，在車站見到這位很Cool的小妹妹在吃集集蕉。

離開集集了，完全17小時的集集之旅。

補充資料 :

1.         日月潭租單車有平有貴，一般環湖租最Cheap便可以了，每日只NT100，我未格價便租，租了架NT200一日。

2.         環湖一般4hr便可，但中途很多景點，最少全程要預8hr。

3.         玄光寺和伊達邵的碼頭都可把單車運回水社碼頭，連人帶車要買2張船票，可以和附近兜賣船票的人買，會平大半，每張單程票只NT100。

4.         巴士由日月潭去集集車費NT86，車程35min。

5.         住在 集集彩虹田民宿可免費借用單車。

6.         火車由集集去車埕費用NT15，車程17min。

---待續---